Flash News

സംഗീത നാടക അക്കാഡമി പുരസ്ക്കാരം പ്രഖ്യാപിച്ചു; ഫാദര്‍ പൂവത്തിങ്കല്‍, മഞ്ജു വാര്യര്‍, ഉണ്ണികൃഷ്ണന്‍ എന്നിവര്‍ക്ക് പുരസ്ക്കാരം

November 29, 2014 , സ്വന്തം ലേഖകന്‍

manju-warrier_138129315640

തിരുവനന്തപുരം : 2013ലെ കേരള സംഗീത നാടക അക്കാഡമി കലാശ്രീ പുരസ്കാരങ്ങള്‍ പ്രഖ്യാപിച്ചു. സംഗീതം, നൃത്തം, നാടകം, ക്ഷേത്രകലകള്‍, കഥകളി, പാരമ്പര്യ കലകള്‍, നാടോടി ഗോത്രകലകള്‍, വാദ്യകലകള്‍ എന്നീ വിഭാഗങ്ങളില്‍ മികച്ച പ്രകടനം കാഴ്ചവച്ച 19 പേര്‍ക്ക് പുരസ്കാരം.

പി. ഉണ്ണികൃഷ്ണന്‍ (വായ്പാട്ട്, ശാസ്ത്രീയ സംഗീതം), ഫാ.ഡോ. പോള്‍ പൂവത്തിങ്കല്‍ (കര്‍ണാടക സംഗീതം), ആറ്റുകാല്‍ ബാലസുബ്രഹ്മണ്യന്‍ (വയലിന്‍), ഡോ. ബാബു (മൃദംഗം), കോട്ടയം വീരമണി (ലളിത സംഗീതം), എം.ഡി. രാജേന്ദ്രന്‍ (ലളിത സംഗീതം), പ്രൊഫ.വി. അലിയാര്‍, മനു ജോസ്, വിതുര സുധാകരന്‍ (നാടകം), ഡോ. സദനം കെ. ഹരികുമാരന്‍ (കഥകളി), സ്മിത രാജന്‍ (മോഹിനിയാട്ടം), മഞ്ജുവാര്യര്‍ (കുച്ചുപ്പുടി), ഉഷ നങ്ങ്യാര്‍, വി.കെ. ഹരിഹരന്‍ (കൂടിയാട്ടം), ചോറ്റാനിക്കര വിജയന്‍ മാരാര്‍ (വാദ്യകല), പുതുമന ഗോവിന്ദന്‍ നമ്പൂതിരി (തിടമ്പുനൃത്തം), കുഞ്ഞിരാമന്‍ വൈദ്യന്‍ (തെയ്യം), ഷംസുദ്ദീന്‍ ചെര്‍പ്പുളശേരി (സ്ട്രീറ്റ് മാജിക്) എന്നിവര്‍ പുരസ്കാരത്തിന് അര്‍ഹരായവര്‍.

സമഗ്ര സംഭാവനയ്ക്കുള്ള പുരസ്കാരത്തിന് നാടക സംവിധായകന്‍ ചെറുന്നിയൂര്‍ ജയപ്രസാദ് അര്‍ഹനായി. സി.ഐ. പരമേശ്വരന്‍പിള്ള എന്‍ഡോവ്മെന്‍റിനു നാടക നടി ശ്രീജ ആറങ്ങോട്ടുകരയും ടി.പി. സുകുമാരന്‍ മെമ്മോറിയല്‍ എന്‍ഡോവ്മെന്‍റിന് പൊറാട്ടു നാടകം കലാകാരന്‍ പാക്കനും അര്‍ഹരായി. പ്രശസ്തിപത്രവും ഫലകവും 15,000 രൂപയും അടങ്ങുന്നത് പുരസ്കാരം. പ്രശസ്തിപത്രവും ഫലകവും 30,000 രൂപയും സമഗ്ര സംഭാവനയ്ക്കുള്ള പുരസ്കാരം. മാര്‍ച്ച് 28ന് കനക്കുന്നില്‍ നടക്കുന്ന ചടങ്ങില്‍ മുഖ്യമന്ത്രി ഉമ്മന്‍ ചാണ്ടി പുരസ്കാരങ്ങള്‍ വിതരണം ചെയ്യും.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top