Flash News

പ്രശസ്ത സം‌വിധായകനും ഛായാഗ്രഹനുമായ എ. വിന്‍സെന്റ് അന്തരിച്ചു

February 25, 2015 , സിന്ധു രാജീവ്

A-VINCENTചെന്നൈ : പ്രശസ്ത സംവിധായകനും ഛായാഗ്രാഹകനുമായ എ. വിന്‍സന്‍റ് അന്തരിച്ചു. ചെന്നൈയിലായിരുന്നു അന്ത്യം. 86 വയസായിരുന്നു. വാര്‍ധക്യസഹജമായ അസുഖത്തെ തുടര്‍ന്ന് ചികിത്സയിലായിരുന്നു. ഇന്നു രാവിലെ 10. 30 ഓടെയാണ് അന്ത്യം. മലയാളം, തമിഴ്, തെലുങ്ക് തുടങ്ങിയ ഭാഷകളില്‍ നിരവധി ചിത്രങ്ങള്‍ക്ക് ഛായാഗ്രഹണം നിര്‍വഹിച്ചിട്ടുണ്ട്. സംസ്കാരം വ്യാഴാഴ്ച കോടമ്പാക്കത്തെ ഫാന്തം ചര്‍ച്ചില്‍.

1928 ജൂണ്‍ 14ന് കോഴിക്കോട് ജില്ലയിലായിരുന്നു ജനനം. ഇന്‍റര്‍മീഡിയേറ്റ് പഠനത്തിനു ശേഷം ജെമിനി സ്റ്റുഡിയോയില്‍ സ്റ്റുഡിയോ ബോയ് ആയി. പിന്നീട് ഛായാഗ്രാഹകന്‍ കെ. രാമനാഥന്‍റെ സഹായിയായി. തെലുങ്ക് സിനിമയില്‍ ക്യാമറ ചെയ്തു കൊണ്ടാണ് അദ്ദേഹത്തിന്‍റെ അരങ്ങേറ്റം. മലയാളത്തില്‍ നീലക്കുയില്‍ എന്ന ചിത്രത്തിന് ക്യാമറ ചെയ്തുകൊണ്ടാണ് പ്രവേശനം. ഭാര്‍ഗവീ നിലയം എന്ന ചിത്രം സംവിധാനം ചെയ്തുകൊണ്ട് സംവിധായകനായി രംഗപ്രവേശം ചെയ്തു. മുറപ്പെണ്ണ്, അസുരവിത്ത്, തുലാഭാരം, അശ്വമേധം, നഗരമേ നന്ദി, തുടങ്ങിയവ അദ്ദേഹം സംവിധാനം ചെയ്ത ചിത്രങ്ങളാണ്. വയനാടന്‍ തമ്പാനില്‍ കമലഹാസനെ എട്ടു കഥാപാത്രങ്ങളായി അവതരിപ്പിച്ചു. 1986-ല്‍ മികച്ച സംവിധായകനുള്ള സംസ്ഥാന ബഹുമതി ലഭിച്ചു. ജെ. സി ഡാനിയേല്‍ പുരസ്കാരവും നേടിയിട്ടുണ്ട്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top