Flash News
മുഖ്യമന്ത്രിയും തെരഞ്ഞെടുപ്പു വിധിയും: അപ്പുക്കുട്ടന്‍ വള്ളിക്കുന്ന്   ****    പട്ടാള ഭരണത്തിനെതിരെ സമരം ചെയ്ത എഴുപതോളം വനിതകളെ സുഡാന്‍ സൈന്യം കൂട്ട ബലാത്സംഗം ചെയ്തെന്ന് റിപ്പോര്‍ട്ട്; ഐക്യരാഷ്ട്ര സംഘടന അന്വേഷണം പ്രഖ്യാപിച്ചു   ****    തിരുവനന്തപുരം വിമാനത്താവളം പൊതുമേഖലയില്‍ത്തന്നെ നിലനിര്‍ത്തണമെന്ന് മുഖ്യമന്ത്രി; സംസ്ഥാനത്തിന്റെ എതിര്‍പ്പ് പ്രധാനമന്ത്രിയെ ധരിപ്പിച്ചു   ****    ചിക്കാഗോ സമുദായ നേതാക്കള്‍ അറ്റ്‌ലാന്റയിലെ ഹോളി ഫാമിലി ക്നാനായ പള്ളിയുടെ ദശാബ്‌ദി ആഘോഷത്തിന് പിന്തുണയുമായി മുന്‍നിരയില്‍   ****    വനിതാ പോലീസ് ഉദ്യോഗസ്ഥയെ തീ കൊളുത്തി കൊന്നു; കൊലയാളി പിടിയിൽ   ****   

പരീക്ഷ ഭഗവദ് ഗീത; ഹിന്ദു വിദ്യാര്‍ത്ഥികളെ കടത്തിവെട്ടി ഒന്നാം റാങ്ക് മുസ്ലീം പെണ്‍കുട്ടിക്ക്

April 3, 2015 , ഷാഹിദ് വൈപ്പി

Muslim-Girlമുംബൈ: മുംബൈയിലെ മാര്യം സിദ്ദിഖി എന്ന മുസ്ലിം പെണ്‍കുട്ടി താന്‍ പങ്കെടുക്കുന്ന പരീക്ഷകളില്‍ എപ്പോഴും ഒന്നാമതെത്തി വാര്‍ത്തകള്‍ സൃഷ്ടിക്കുന്നതില്‍ മിടുക്കിയാണ്. എന്നാല്‍ ഇത്തവണ മാര്യം വാര്‍ത്തകളില്‍ നിഞ്ഞത് മറ്റൊരു വ്യത്യസ്ഥ പരീക്ഷയില്‍ ഒന്നാം റാങ്ക് നേടിയതോടെയാണ്. മറ്റൊന്നുമല്ല, ഹിന്ദുമത വിശ്വാസമനുസരിച്ച് പുണ്യ ഗ്രന്ഥമായി കരുതുന്ന ഭഗവദ് ഗീതയുമായി ബന്ധപ്പെട്ട പരീക്ഷയില്‍ മാര്യം, ഹിന്ദുക്കാളായ മറ്റ് പരീക്ഷാര്‍ഥികളെ ബഹുദൂരം പിന്നിലാക്കി ഒന്നാം റാങ്ക് കരസ്ഥമാക്കിയതാണ് വാര്‍ത്തയായത്.

അന്താരാഷ്‌ട്ര കൃഷ്‌ണാ കോണ്‍ഷ്യസ്‌ സൊസൈറ്റിയാണ്‌ (ഇസ്‌കോണ്‍) ആണ് പരീക്ഷ നടത്തിയത്. ജനുവരിയില്‍ നടന്ന പരീക്ഷയില്‍ 3,000 പേര്‍ പങ്കെടുത്തിരുന്നു. ‘ഗീതാ ചാമ്പ്യന്‍സ്‌ ലീഗ്‌’ എന്നാണ് മത്സരപ്പരീക്ഷയുടെ പേര്. ഗീതയിലെ ആവഗാഹം പരീക്ഷിക്കുന്ന100 മാര്‍ക്ക്‌ വരുന്ന വിവിധ ചോദ്യങ്ങള്‍ അടങ്ങുന്നതായിരുന്നു പരീക്ഷ. പരീക്ഷയ്‌ക്ക് കൃത്യം ഒരുമാസം മുമ്പ്‌ ഇസ്‌കോണ്‍ മത്സരാര്‍ത്ഥികള്‍ക്കായി നല്‍കിയ ഇംഗ്ലീഷിലുള്ള പുസ്‌തകത്തെ ആസ്‌പദമാക്കിയായിരുന്നു പരീക്ഷ.

മീരാ റോഡിലെ കോസ്‌മോ പോളിത്തന്‍ ഹൈസ്‌കൂളിലെ ഈ ആറാം ക്ലാസ്സുകാരിയാണ് 12കാരിയായ മാര്യം സിദ്ദിഖി. സ്വന്തം ടീച്ചര്‍മാരില്‍ നിന്നാണ്‌ പരീക്ഷയുടെ വിവരം അറിഞ്ഞതും മത്സരത്തില്‍ പങ്കെടുക്കാന്‍ തീരുമാനം എടുത്തതും. മാതാപിതാക്കളുടെ പിന്തുണ കൂടിയായപ്പോള്‍ മാര്യത്തിന്‌ ആവേശം കൂടി.

മതവിജ്‌ഞാനത്തിന്റെ കാര്യത്തില്‍ എപ്പോഴും മാതാപിതാക്കളുമായി ചര്‍ച്ച നടത്താറുള്ള മാര്യം എല്ലാ മതങ്ങളെയും ബഹുമാനിക്കണമെന്നാണ്‌ മാതാപിതാക്കള്‍ പഠിപ്പിച്ചതെന്ന്‌ പറയുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top