Flash News

കേരള അസ്സോസിയേഷന്‍ ഓഫ് ന്യൂജേഴ്‌­സി (KANJ)യുടെ കളേഴ്സ് ഓഫ് ഇന്ത്യ മെയ്‌ 30-ന്, ലാലു അലക്സ് മുഖ്യാതിഥി

May 27, 2015 , ഇടിക്കുള ജോസഫ്

colന്യൂജേഴ്‌­സി: കേരള അസ്സോസിയേഷന്‍ ഓഫ് ന്യൂജേഴ്‌­സിയുടെ ആഭിമുഖ്യത്തില്‍ കളേഴ്സ് ഓഫ് ഇന്ത്യ എന്ന നൃത്ത സംഗീത സന്ധ്യയുടെ ഒരുക്കങ്ങള്‍ പൂര്‍ത്തിയായി വരുന്നുവെന്ന് കണ്‍വീനര്‍ മാലിനി നായര്‍ പ്രസിഡന്റ്‌ ജെ പണിക്കര്‍ എന്നിവര്‍ അറിയിച്ചു. മലയാളത്തിന്റെ പ്രിയ നടന്‍ ലാലു അലക്സ്‌ മുഖ്യാതിഥിയായിരിക്കും.lalu

മെയ്‌ 30 ശനിയാഴ്ച വൈകിട്ട് 4:30 ന് വുഡ്ബ്രിഡ്ജ് ഹൈസ്‌കൂളില്‍ വെച്ച് നടത്തപ്പെടുന്ന ഈ സംഗീതസന്ധ്യ ഭാരതത്തിലെ വിവിധ സംസ്ഥാനങ്ങളിലെ പ്രമുഖ നൃത്ത രൂപങ്ങള്‍ ഒരു വേദിയില്‍ അവതരിപ്പിക്കാന്‍ കേരള അസ്സോസിയേഷന്‍ ഓഫ് ന്യൂജേഴ്‌­സി (KANJ) വേദി ഒരുക്കുമ്പോള്‍ വൈവിധ്യം കൊണ്ട് പ്രോഗ്രാം ജനശ്രദ്ധ നേടുന്നു. എം സി മാരായി ജെംസണ്‍ കുര്യാക്കോസ് പ്രവീണ മേനോന്‍ എന്നിവര്‍ പ്രോഗ്രാം നിയന്ത്രിക്കും.

എല്ലാ കലാസ്നേഹികളെയും ഈ പരിപാടിയിലേക്ക് സ്വാഗതം ചെയ്യുന്നതായി കണ്‍വീനര്‍ മാലിനി നായര്‍, കോ കണ്‍വീനര്‍മാരായ സ്വപ്ന രാജേഷ്‌, നീന സുധീര്‍ എന്നിവര്‍ സംയുക്ത പ്രസ്താവനയിൽ അറിയിച്ചു.

പ്രമുഖ റിയല്‍ എസ്റ്റേറ്റ്‌ ഗ്രൂപ്പ്‌ ആയ പബ്ലിക്‌ ട്രസ്റ്റ്‌ ആണ് പരിപാടിയുടെ ഒരു പ്രധാന സ്പോണ്‍സര്‍. സ്വാദ് ഇന്ത്യന്‍ റസ്റ്റോറന്റിന്റെ രുചിയേറിയ ഭക്ഷണം നിങ്ങള്‍ക്കായി ഒരുക്കുന്നു. പ്രവേശനം പാസ്സ് മൂലം നിയന്ത്രിക്കുന്നതായിരിക്കും.

കൂടുതല്‍ വിവരങ്ങള്‍ക്ക് : :ജെ പണിക്കര്‍ – 732-485-4710, മാലിനി നായര്‍ -732-501-8647 or visit kanj.org

exi

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top