Flash News

കാഥിക ഐഷാബീഗം അന്തരിച്ചു

August 11, 2015 , സ്വന്തം ലേഖകന്‍

aysha begumആലപ്പുഴ: പ്രമുഖ കാഥിക ഐഷാബീഗം അന്തരിച്ചു. 72 വയസ്സായിരുന്നു. മൂന്നു പതിറ്റാണ്ടിലേറെ കേരളത്തിലും പുറത്തും നിരവധി കഥകള്‍ വേദികളില്‍ അവതരിപ്പിച്ച ഐഷാബീഗം മുസ്ലിം സമുദായത്തിലെ ആദ്യത്തെ കാഥികയായിരുന്നു. മാപ്പിളകഥകള്‍ പശ്ചാത്തലമാക്കിയും പൊതുസമൂഹ വിഷയങ്ങള്‍ ആസ്പദമാക്കിയുമുള്ള കഥകള്‍ ഐഷാബീഗം അയ്യായിരത്തോളം വേദികളിലാണ് അവതരിപ്പിച്ചത്.

1961ല്‍ ആലപ്പുഴ വട്ടപ്പള്ളിയില്‍ ‘ധീരവനിത എന്ന കഥ അവതരിപ്പിച്ചാണ് നാട്ടില്‍ അരങ്ങേറ്റം കുറിച്ചത്. ഗാനാലാപനത്തിലും അവതരണത്തിലും വ്യത്യസ്തത പുലര്‍ത്തി. ത്യാഗം, സ്ത്രീധനം, സൈന, ജ്ഞാനസുന്ദരി, മുള്‍ക്കിരീടം, വൈരമോതിരം, പ്രേമകുടീരം, വെള്ളിച്ചെപ്പ്, ബദറുല്‍ മുനീറും ഹുസനുല്‍ ജമാലും, കര്‍ബലയും പ്രതികാരവും, ഖുറാസാനിലെ പൂനിലാവ്, വിലങ്ങും വീണയും എന്നിവയാണ് ഐഷാബീഗം അവതരിപ്പിച്ച കഥകള്‍.

തിരുവനന്തപുരം വട്ടിയൂര്‍ക്കാവ് സ്വദേശി മുഹമ്മദുകണ്ണ്-ഫാത്തിമ ദമ്പതികളുടെ മകളായി 1943ലാണ് ജനനം. ഗാനമേളകളിലും നൃത്തയിനങ്ങളിലും അക്കാലത്ത് സാന്നിധ്യമറിയിച്ച ഐഷാബീഗം നാട്ടുകാരുടെ സഹായത്തോടെയാണ് ആലപ്പുഴയില്‍ പൊതുവേദിയില്‍ തന്‍െറ കഥാപ്രസംഗപാടവം തെളിയിച്ചത്. പിന്നീട് എത്തിയ റംലാബീഗവും ഐഷാബീഗവും ഈ രംഗത്തെ മാപ്പിള കഥാപ്രസംഗ വേദികളിലെ അറിയപ്പെടുന്ന പ്രതിഭകളായി മാറി. കേരള സംഗീതനാടക അക്കാദമി ഗുരുപൂജ പുരസ്കാരം, സംസ്ഥാന ഫോക്ലോര്‍ അക്കാദമി അവാര്‍ഡ്, മാപ്പിളകല അക്കാദമി സൗദി ചാപ്റ്റര്‍ അവാര്‍ഡ് തുടങ്ങി നിരവധി പുരസ്കാരങ്ങള്‍ അവരെ തേടിയത്തെി.

15ാം വയസ്സിലായിരുന്നു വിവാഹം. ഹാര്‍മോണിസ്റ്റായ എ.എം. ഷരീഫായിരുന്നു ഭര്‍ത്താവ്. 1998ല്‍ അദ്ദേഹം മരിച്ചു. ’91ലാണ് അവസാനമായി കഥ പറഞ്ഞത്. അന്‍സാര്‍, പരേതനായ നൗഷാദ് എന്നിവരാണ് മക്കള്‍. ചെറുപ്പത്തില്‍ തന്നെ നൗഷാദ് മരിച്ചു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top