Flash News

നരേന്ദ്ര മോദിയുടെ അടുത്ത യാത്ര സൗദി അറേബ്യ, തുര്‍ക്കി, ഇംഗ്ലണ്ട് എന്നീ രാജ്യങ്ങളിലേക്ക്

October 1, 2015 , സ്വന്തം ലേഖകന്‍

india-modi5ലണ്ടന്‍: ഇന്ത്യന്‍ പ്രധാനമന്ത്രി നരേന്ദ്ര മോഡി അഞ്ചു ദിവസത്തെ യുഎസ് സന്ദര്‍ശനത്തിന് ശേഷം അടുത്തതായി ഇംഗ്ലണ്ടിലേക്ക് യാത്ര തിരിയ്ക്കുന്നു. നവംബര്‍ 12 മുതല്‍ 14 വരെയാണ് മോഡിയുടെ ആദ്യത്തെ ബ്രിട്ടന്‍ പര്യടനം.

നവംബര്‍ ഏഴിന് സൗദി അറേബ്യയില്‍ ഏകദിന സന്ദര്‍ശനം നടത്തുന്ന പ്രധാനമന്ത്രി ബ്രിട്ടന്‍ യാത്രയ്ക്കുശേഷം 15, 16 തിയതികളില്‍ തുര്‍ക്കിയും സന്ദര്‍ശിച്ചാണ് മടങ്ങുക.ഒമ്പതു വര്‍ഷത്തിനു ശേഷമാണ് ഒരു ഇന്ത്യന്‍ പ്രധാനമന്ത്രി യുകെയില്‍ ഔദ്യോഗിക സന്ദര്‍ശനത്തിനെത്തുന്നത്. 2006ല്‍ ഡോ. മന്‍മോഹന്‍ സിങ്ങാണ് അവസാനം യുകെ സന്ദര്‍ശിച്ചത്. 2008ല്‍ ഗോര്‍ഡണ്‍ ബ്രൗണും പിന്നീട് മൂന്നുതവണ ഡേവിഡ് കാമറൂണും ഇന്ത്യ സന്ദര്‍ശിച്ചെങ്കിലും അതെല്ലാം ഇരു രാജ്യങ്ങള്‍ക്കുമിടയിലെ നയതന്ത്ര യാത്രകളില്‍ വണ്‍വേ ട്രാഫിക്കായി ഒതുങ്ങുകയായിരുന്നു.

കഴിഞ്ഞവര്‍ഷം ഓസ്‌ട്രേലിയയില്‍ ജി20 ഉച്ചകോടിക്കിടെയിലും പിന്നീട് കഴിഞ്ഞയാഴ്ച ന്യൂയോര്‍ക്കിലും മോഡി കാമറൂണുമായി കൂടിക്കാഴ്ച നടത്തിയിരുന്നു. പ്രധാനമന്ത്രിയായ ശേഷം പലതവണ ഔദ്യോഗിക ക്ഷണമുണ്ടായിട്ടും യുകെ സന്ദര്‍ശിക്കാന്‍ മടിച്ചുനിന്ന മോഡി ഇതിനിടെ ജര്‍മനിയും ഫ്രാന്‍സും സന്ദര്‍ശിച്ചത് യൂറോപ്പില്‍ നയതന്ത്ര ചര്‍ച്ചയായിരുന്നു.

ലണ്ടനിലെ പാര്‍ലമെന്റ് ചത്വരത്തില്‍ ഗാന്ധിജിയുടെ പ്രതിമ അനാച്ഛാദനത്തിന് കാമറൂണ്‍ മോഡിയെ ക്ഷണിച്ചിരുന്നു. ബ്രിട്ടീഷ് പാര്‍ലമെന്റ് തെരഞ്ഞെടുപ്പിനു തൊട്ടു മുമ്പു സംഘടിപ്പിച്ച ഈ പരിപാടിയില്‍ പങ്കെടുത്തു വിവാദം സൃഷ്ടിക്കാതെ മോഡി ധനകാര്യമന്ത്രി അരുണ്‍ ജയ്റ്റിലിയെ പ്രതിനിധിയായി അയയ്ക്കുകയായിരുന്നു.

നവംബര്‍ 12ന് ഇംഗ്ലണ്ടിലെത്തുന്ന മോഡി ഔദ്യോഗിക പരിപാടികള്‍ക്കുശേഷം 13 വെള്ളിയാഴ്ച രാത്രി ലണ്ടനിലെ വെംബ്ലി സ്‌റ്റേഡിയത്തില്‍ യുകെയിലെ ഇന്ത്യന്‍ സമൂഹത്തെ അഭിസംബോധന ചെയ്യും. എഴുപതിനായിരത്തിലധികം പേര്‍ ഈ സ്വീകരണത്തില്‍ പങ്കെടുക്കുമെന്നാണ് മുഖ്യസംഘാടകരായ യൂറോപ്പ് ഇന്ത്യന്‍ ഫോറത്തിന്റെ പ്രതീക്ഷ. പതിനഞ്ചു ലക്ഷത്തോളം ഇന്ത്യക്കാരുള്ള യുകെയില്‍ മോഡിക്കു നല്‍കുന്ന പൊതു സ്വീകരണപരിപാടി വന്‍ വിജയമാക്കാനുള്ള ഒരുക്കത്തിലാണ് സംഘാടകര്‍. ഓവര്‍സീസ് ഫ്രണ്ട്‌സ് ഓഫ് ബിജെപി, യൂറോപ്പ് ഇന്ത്യന്‍ ഫോറം (ഇഐഎഫ്) എന്നിവരാണ് മുഖ്യ ആസൂത്രകര്‍. ഇന്ത്യന്‍ മുസ്‌ലിം ഫെഡറേഷന്‍, വേള്‍ഡ് പഞ്ചാബി ഓര്‍ഗനൈസേഷന്‍ തുടങ്ങിയ സാമുദായിക സംഘടനകളും സമ്മേളനത്തിന് പിന്തുണ പ്രഖ്യാപിച്ചിട്ടുണ്ട്.

 


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top