Flash News

ഓണ്‍ലൈന്‍ പെണ്‍വാണിഭം: അന്വേഷണസംഘത്തില്‍ ബാഹ്യശക്തി, പൊലിസിന് ആശയക്കുഴപ്പം

December 2, 2015 , സ്വന്തം ലേഖകന്‍

Resmi-R-Nair-Arrest-News-Online-Racket-Rahul-Pasupalanതിരുവനന്തപുരം: ഓണ്‍ലൈന്‍ പെണ്‍വാണിഭസംഘത്തെ പിടികൂടിയ അന്വേഷണസംഘത്തില്‍ യൂനിഫോമിടാത്ത ഒരാള്‍. പൊലീസ് സേനാംഗമല്ലാത്ത ഈ ഉദ്യോഗസ്ഥന്‍ തുടക്കം മുതല്‍ അന്വേഷണസംഘത്തോടൊപ്പമുണ്ട്. ഒരു ഐ.ജിയുടെ ഓഫിസിലെ മിനിസ്റ്റീരിയല്‍ ജീവനക്കാരനാണെന്ന് പറയുന്നത്. എങ്കിലും ഉയര്‍ന്ന പൊലീസ് ഓഫീസര്‍മാര്‍ക്കുപോലും ഇയാളുടെ സാന്നിധ്യത്തെക്കുറിച്ച് സംശയമുണ്ട്.

ഓണ്‍ലൈന്‍ സംബന്ധമായ കേസായതിനാല്‍ സേനയിലെയും മിനിസ്റ്റീരിയല്‍ വിഭാഗത്തിലെയും വിദഗ്ധരുടെ സേവനം അന്വേഷണത്തിന് പ്രയോജനപ്പെടുത്തുമെന്ന് ക്രൈംബ്രാഞ്ച് ഐ.ജി എസ്. ശ്രീജിത്ത് പറഞ്ഞിരുന്നു. എന്നാല്‍, അന്വേഷണസംഘത്തിലുള്ള അജ്ഞാതന്‍ സാങ്കേതിക പരിജ്ഞാനമുള്ളയാളല്ല.

‘ഓപറേഷന്‍ ബിഗ് ഡാഡി’യുടെ ഭാഗമായി ഐ.ജി ശ്രീജിത്ത് ആദ്യവാര്‍ത്താസമ്മേളനം നടത്തിയപ്പോഴാണ് ഇയാളെ മറ്റുദ്യോഗസ്ഥരില്‍ പലരും കാണുന്നത്. പ്രതികളുടെ മൊഴി ഉന്നതങ്ങളിലേക്ക് ചോര്‍ത്തിനല്‍കാനാണ് ഇദ്ദേഹത്തെ അന്വേഷണസംഘത്തില്‍ ഉള്‍പ്പെടുത്തിയതെന്നും സംശയമുണ്ട്. സോളാര്‍ കേസിലും കൊച്ചി ബ്ലാക്മെയില്‍ പെണ്‍വാണിഭക്കേസിലും ഭരണകക്ഷിയിലെ ഉന്നതര്‍ക്കെതിരെ പ്രതികള്‍ മൊഴി നല്‍കിയിരുന്നു. ഈ കേസുകളുടെ പുരോഗതി ഇന്റലിജന്‍സ് മുഖേന ഉന്നതര്‍ കൃത്യമായി അറിയുന്നുണ്ടായിരുന്നു. ഓണ്‍ലൈന്‍ പെണ്‍വാണിഭക്കേസില്‍ ഇന്റലിജന്‍സിനെ കടത്തിവെട്ടി വിവരങ്ങള്‍ ചോര്‍ത്താന്‍ ഭരണതലത്തില്‍ നീക്കങ്ങള്‍ നടക്കുന്നതായാണ് സൂചന.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top