Flash News

ജില്ലാ സ്കൂള്‍ കലോത്സവത്തിന്റെ ലോഗോ പ്രകാശനം ചെയ്തു, മികച്ച നേട്ടങ്ങളുമായി ഡിസൈനര്‍ മുജീബ് റഹ്മാന്‍

January 1, 2016 , admin

Untitled-1

തൃശ്ശൂര്‍: ജില്ലാ സ്കൂള്‍ കലോത്സവത്തിന്റെ ലോഗോ പ്രകാശന കര്‍മ്മം കവി റഫീഖ് അഹമ്മദ് നിര്‍‌വഹിച്ചു. ജനുവരി 5 മുതല്‍ 8 വരെയാണ് സ്കൂള്‍ കലോത്സവം തൃശ്ശൂരിന്റെ മണ്ണില്‍ നടക്കുന്നത്. രാഷ്ട്രീയ മത മേഖലകളില്‍ നടക്കുന്ന സംഘര്‍ഷങ്ങളൊന്നും കലയുടെ ലോകത്തില്ലന്ന് പ്രകാശന കര്‍മ്മം നിര്‍‌വഹിച്ചുകൊണ്ട് റഫീഖ് അഹമ്മദ് പറഞ്ഞു. തൃശ്ശൂര്‍ ഡി.ഡി.ഇ.ഡി.കെ ജയന്തി ലോഗോ ഏറ്റുവാങ്ങി. പബ്ലിസിറ്റി കണ്‍‌വീനര്‍ ജോസ് ചാണ്ടി അദ്ധ്യക്ഷത വഹിച്ചു.

മാധ്യമം ദിനപത്രത്തിന്റെ തൃശ്ശൂര്‍ യൂണിറ്റിലെ ചീഫ് ടി.ഡി.പി ഓപറേറ്റര്‍ മുജീബ് റഹ്മാന്‍ ആണ് ലോഗോ ഡിസൈന്‍ ചെയ്തത്. 26 എന്‍ട്രികളില്‍ നിന്നാണ് മുജീബിന്റെ ലോഗോ തിരഞ്ഞെടുത്തത്. സംസ്ഥാന സ്കൂള്‍ കായികമേള, സംസ്ഥാന വി.എച്ച്.എസ്.സി കലോത്സവം, കേരള ഭാഷാ ഇന്‍സ്റ്റിറ്റ്യൂട്ട് ദേശീയ പുസ്തകോത്സവം, ദേശീയ ശാസ്ത്ര കോണ്‍ഗ്രസ്സ് തുടങ്ങി 30ഓളം ലോഗോ പുരസ്കാരങ്ങള്‍ മുജീബ് റഹ്മാനെ തേടിയെത്തിയിട്ടുണ്ട്.

ബാങ്കോങ്ങില്‍ നടന്ന ദേശീയ ജ്വല്ലറി ഡിസൈന്‍ മത്സരത്തില്‍ മൂന്നാം സ്ഥാനം കരസ്ഥമാക്കിയിട്ടുള്ള മുജീബ് റഹ്മാന്‍ മ്യൂറല്‍ പെയിന്റിംഗ്സ്, ഓയില്‍ പെയിന്റിംഗ്സ്, പെന്‍സില്‍ ഡ്രോയിംഗ്, മുഗള്‍ ചിത്രരചന മുതലായ വിഭാഗങ്ങളില്‍ കഴിവ് തെളിയിച്ചിട്ടുണ്ട്.

പൂവത്തും‌കടവില്‍ കുഞ്ഞിമൊയ്‌തീന്റെയും ആമിനയുടെയും മകനായ മുജീബ് റഹ്മാന്‍ തൃശ്ശൂര്‍ വള്ളിവട്ടം സ്വദേശിയാണ്. ഭാര്യ: സബൂറ, മക്കള്‍: അയാസ് അഹമ്മദ്, ആദര അസില്‍, അയാന്‍ അഹമ്മദ്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top