Flash News

സ്കൂള്‍ യുവജനോത്സവം ചൊവ്വാഴ്ച തിരുവനന്തപുരത്ത് തുടങ്ങും

January 18, 2016 , സ്വന്തം ലേഖകന്‍

school youthfestival gold cupതിരുവനന്തപുരം: സംസ്ഥാന സ്കൂള്‍ യുവജനോല്‍സവത്തിന് ചൊവ്വാഴ്ച തലസ്ഥാനത്ത് തിരിതെളിയും. വൈകുന്നേരം അഞ്ചിന് മുഖ്യവേദിയായ പുത്തരിക്കണ്ടം മൈതാനിയില്‍ മുഖ്യമന്ത്രി ഉമ്മന്‍ ചാണ്ടി തിരി തെളിക്കും. മന്ത്രി പി.കെ. അബ്ദുറബ്ബ് അധ്യക്ഷത വഹിക്കും. സംവിധായകന്‍ ജയരാജ് മുഖ്യാതിഥിയാവും.

232 ഇനങ്ങളില്‍ 12000ത്തോളം പ്രതിഭകള്‍ 19 വേദികളില്‍ മാറ്റുരക്കും. കഴിഞ്ഞ വര്‍ഷം കോഴിക്കോടിനൊപ്പം കലാകിരീടം പങ്കിട്ട പാലക്കാട്ടുനിന്ന് സ്വര്‍ണക്കപ്പ് തിങ്കളാഴ്ച തിരുവനന്തപുരത്ത് എത്തി. ഉദ്ഘാടനത്തിനു മുന്നോടിയായ സാംസ്കാരിക ഘോഷയാത്ര ചൊവ്വാഴ്ച ഉച്ചക്ക് 2.30ന് സംസ്കൃത കോളജില്‍ നിന്നാരംഭിക്കും. ഘോഷയാത്ര മുഖ്യവേദിയിലത്തെുന്നതോടെ ഉദ്ഘാടനച്ചടങ്ങുകള്‍ക്ക് തുടക്കമാവും. ആറുവര്‍ഷത്തെ ഇടവേളക്കുശേഷം, ആറാമത് തവണയാണ് തിരുവനന്തപുരത്ത് കലോത്സവം എത്തുന്നത്.

പുത്തരിക്കണ്ടത്ത് തയാറാക്കിയ മുഖ്യവേദിയായ ചിലങ്കയുടെ ഉദ്ഘാടനം വിദ്യാഭ്യാസമന്ത്രി പി.കെ. അബ്ദുറബ്ബ് നിര്‍വഹിച്ചു. ആരോഗ്യമന്ത്രി വി.എസ്. ശിവകുമാര്‍, മേയര്‍ വി.കെ. പ്രശാന്ത്, കെ.എസ്. ശബരീനാഥന്‍ എം.എല്‍.എ, ഡി.പി.ഐ. എം.എസ്. ജയ, വിവിധ സംഘാടകസമിതി കണ്‍വീനര്‍മാര്‍ എന്നിവര്‍ പങ്കെടുത്തു.

10 ദിവസംകൊണ്ടാണ് മുഖ്യവേദിയുടെ പണി തീര്‍ത്തത്. 66 തൂണുകളിലായി 7000 പേര്‍ക്ക് ഇരിക്കാവുന്ന പന്തലാണ് പ്രധാനവേദി. തൃശൂര്‍ ചെറുതുരുത്തി സ്വദേശി ഉമ്മര്‍ പടപ്പിന്‍െറ നേതൃത്വത്തില്‍ 100ഓളം തൊഴിലാളികള്‍ രാവും പകലും അധ്വാനിച്ചാണ് കൂറ്റന്‍ വേദി നിര്‍മിച്ച് സംഘാടകര്‍ക്ക് കൈമാറിയത്. അലങ്കാരപ്പണികള്‍ക്കൊപ്പം കേരളത്തിന്‍െറ കലാസാംസ്കാരിക പൈതൃകത്തെ വിളിച്ചോതുന്ന കട്ടൗട്ടുകളും നവോത്ഥാന നായകന്മാരുടെയും കലാ-ശാസ്ത്രസാഹിത്യ രാഷ്ട്രീയ പ്രതിഭകളുടെയും ചിത്രങ്ങള്‍ ആലേഖനം ചെയ്താണ് ചിലങ്ക ഒരുക്കിയിരിക്കുന്നത്.

school youth festival panthal


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top