Flash News

ഹൈടെക് കലാമേളയുമായി തിരുവനന്തപുരം: 19 വേദികളിലും വൈഫൈ

January 19, 2016 , admin

NCRP0076817തിരുവനന്തപുരം: എട്ട് വര്‍ഷത്തിന് ശേഷം തലസ്ഥാനം ആതിഥ്യമരുളുന്ന കലോല്‍സവത്തെ ഹൈടെക് സംവിധാനത്തോടെയാണ് തിരുവനന്തപുരം വരവേല്‍ക്കുന്നത്. 19 വേദികളിലും വൈഫൈ സൗകര്യമടക്കമുള്ള സംവിധാനങ്ങളാണ് പുതുമ.

മാധ്യമപ്രവര്‍ത്തകര്‍ക്ക് തല്‍സമയ ഫലം ലഭ്യമാകുന്ന വാട്‌സാപ് ഗ്രൂപ്പ്, അഞ്ച് മിനിറ്റിനകം ഫലപ്രഖ്യാപനം ഉറപ്പാക്കുന്ന സോഫ്റ്റ്‌വെയര്‍ തുടങ്ങിയവയും ഇത്തവണത്തെ കലോല്‍സവത്തിന്റെ പ്രത്യേകതകളാണ്. വേദികളെ ഓപ്റ്റിക്കല്‍ ഫൈബര്‍ വഴി ബന്ധിപ്പിച്ച് പ്രധാന വേദിയായ പുത്തരിക്കണ്ടം മൈതാനത്ത് ഒരുക്കിയ ഡാറ്റ സെന്ററിലൂടെയാണ് അതിവേഗ ഫലപ്രഖ്യാപന സംവിധാനം നടപ്പാക്കുക.

പുത്തരിക്കണ്ടം മൈതാനത്തെ പ്രധാന സ്റ്റേജിന് സമീപം വിവിധ വേദികളിലെ തല്‍സമയ ദൃശ്യങ്ങള്‍ അടങ്ങുന്ന ലൈവ് തിയേറ്റര്‍ ഒരുക്കും. മൊബൈല്‍ ആപ്ലിക്കേഷനിലും കലോല്‍സവത്തിനായി ഒരുക്കിയ വെബ്‌സൈറ്റിലും മല്‍സരഫലങ്ങള്‍ തല്‍സമയം ലഭിക്കും. മുന്‍കൂട്ടി രജിസ്റ്റര്‍ ചെയ്യുന്ന ഇരുപത്തയ്യായിരം പേര്‍ക്ക് മല്‍സരഫലം എസ്എംഎസായി ലഭിക്കും.

സ്റ്റേജിലെ അവതരണത്തിന് ശേഷം ഡിലൈഡ് സ്‌ക്രീനിങ്ങിലൂടെ മല്‍സരാര്‍ത്ഥികള്‍ക്ക് സ്റ്റേജില്‍ അവതരിപ്പിച്ച ഇനങ്ങള്‍ കാണാനും പ്രകടനം വിലയിരുത്താനും അവസരം ലഭിക്കും.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top