Flash News

അഭിനയ മികവിനല്ല, തന്നെ പേടിച്ചാണ് ജൂറിയുടെ പരാമര്‍ശമെന്ന് ജോയ് മാത്യു

March 2, 2016 , സ്വന്തം ലേഖകന്‍

01-1456838573-17-1447740756-joymathewതലശ്ശേരി: സത്യസന്ധമായി കലാപ്രവര്‍ത്തനം നടത്തുമ്പോള്‍ അംഗീകരിക്കാന്‍ ആളുണ്ടാവുമെന്ന് നടനും സംവിധായകനുമായ ജോയ് മാത്യു. കണ്ണൂര്‍ സര്‍വകലാശാല യൂനിയന്‍ കലോത്സവ സ്റ്റേജിന മത്സരങ്ങള്‍ തലശ്ശേരി ഗവ. ബ്രണ്ണന്‍ കോളജില്‍ ഉദ്ഘാടനം ചെയ്യുകയായിരുന്നു അദ്ദേഹം.

നിലപാടിനുവേണ്ടി നിലകൊണ്ടാല്‍ അംഗീകാരങ്ങള്‍ തേടിവരും. പരാജയപ്പെടുന്ന കലാകാരന്‍മാരോടൊപ്പമാണ് താന്‍. സ്ഥിരമായി പരാജയപ്പെട്ട ആളായിരുന്നെങ്കിലും വിട്ടുകൊടുക്കാന്‍ തയാറായിരുന്നില്ല. അതുകൊണ്ടാണ് അവസാനം ഇന്നലെ സംസ്ഥാന ചലച്ചിത്ര അവാര്‍ഡ് ജൂറി കമ്മിറ്റിക്ക് തന്നെ പരിഗണിക്കേണ്ടിവന്നത്. അഭിനയ മികവിനല്ല, തന്നെ പേടിച്ചാണ് ജൂറിയുടെ പരാമര്‍ശം- ജോയ് മാത്യു പറഞ്ഞു.

നവമാധ്യമങ്ങളിലെ രാഷ്ട്രീയ നിലപാടുകള്‍ പാരയാകുമെന്ന് പലരും ഉപദേശിച്ചിരുന്നു. ജെ.എന്‍.യു വിഷയത്തില്‍ എന്റെതായ നിലപാട് എടുക്കുകയും അത് വിദ്യാര്‍ഥികള്‍ ഏറ്റെടുക്കുകയുമായിരുന്നു. ‘നമുക്ക് സര്‍വകലാശാലകള്‍ വേണ്ട’ എന്ന ആ കവിത പല ഭാഷകളിലേക്കും വിവര്‍ത്തനം ചെയ്യപ്പെട്ടു- ജോയ് മാത്യു പറഞ്ഞു. 80കളില്‍ കാമ്പസ് തിയറ്റര്‍ രൂപവത്കരണത്തിനായി ബ്രണ്ണനിലത്തെിയ ഓര്‍മകള്‍ പങ്കുവെച്ച അദ്ദേഹം, എം.എന്‍. വിജയന്‍ മാസ്റ്ററുടെ വീട്ടിലേക്ക് വരുകയെന്നത് തീര്‍ഥാടനമായിരുന്നെന്നും അനുസ്മരിച്ചു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top