Flash News

ഷാജി വര്‍ഗീസിനെ മഞ്ച് (മലയാളി അസോസിയേഷന്‍ ഓഫ് ന്യൂജേഴ്‌സി) ഫൊക്കാനാ ട്രഷറര്‍ സ്ഥാനത്തേക്ക് നാമനിര്‍ദ്ദേശം ചെയ്തു

June 11, 2016

Shaji Vargheseന്യൂജേഴ്‌സി: മഞ്ച് (മലയാളി അസോസിയേഷന്‍ ഓഫ് ന്യൂജേഴ്‌സി) ബോര്‍ഡ് ഓഫ് ട്രസ്റ്റി അധ്യക്ഷനായ ഷാജി വര്‍ഗീസ് ഫൊക്കാന ട്രഷറര്‍ സ്ഥാനത്തേക്ക് നാമനിര്‍ദ്ദേശം ചെയ്തു. ന്യൂജേഴ്‌സിയിലെ ശ്രദ്ധേയ അസോസിയേഷനായ മഞ്ചിന്റെ സ്ഥാപക പ്രസിഡന്റ് കൂടിയാണ് ഷാജി വര്‍ഗീസ്. ഷാജി വര്‍ഗീസ് പ്രസിഡന്റായിരുന്ന കാലത്ത് സംഘടനകള്‍ക്കിടയിലെ ഐക്യം ശ്രദ്ധേയമായിരുന്നു.
“നാമ”വുമായി ചേര്‍ന്ന് നിരവധി സാംസ്ക്കാരിക പ്രവര്‍ത്തനങ്ങള്‍ക്ക് ഇദ്ദേഹം നേതൃത്വം നല്‍കിയിട്ടുണ്ട്.

നോര്‍ത്ത് അമേരിക്കന്‍ മലയാളികളുടെ അഭിമാനമായ ഫൊക്കാനയുടെ ട്രഷറര്‍ സ്ഥാനത്തേക്ക് ഷാജി വര്‍ഗീസിനെ നിര്‍ദേശിക്കുന്നതില്‍ മഞ്ചിന് അഭിമാനമുണ്ടെന്ന് മഞ്ച് പ്രസിഡന്റ് സജിമോന്‍ ആന്റണി പറഞ്ഞു. ഷാജി വര്‍ഗീസിന്റെ നേതൃത്വഗുണങ്ങളും കഴിവുകളും ഫൊക്കാനയ്ക്ക് പ്രയോജനപ്രദമാകുമെന്ന് അദ്ദേഹം കൂട്ടിച്ചേര്‍ത്തു.

കോളജ് പഠനകാലത്ത് പൊതുപ്രവര്‍ത്തനം ആരംഭിച്ച ഷാജി വര്‍ഗീസ് കെ എസ് യുവിലും വിദ്യാര്‍ഥി പ്രസ്ഥാനങ്ങളിലും പ്രവര്‍ത്തിച്ചിരുന്നു. നിലവില്‍ അമേരിക്കന്‍ ഭദ്രാസനത്തിലെ കൗണ്‍സില്‍ മെമ്പറാണ്. ഫൊക്കാനയുടെ പ്രസിഡന്റ് സ്ഥാനാര്‍ഥിയായി മാധവന്‍ നായരെ പിന്തുണക്കുന്ന ഷാജി 2018 ഫൊക്കാന കണ്‍വെന്‍ഷന് ഗാര്‍ഡന്‍ സ്റ്റേറ്റ് വേദിയാകുമെന്ന് പ്രത്യാശിക്കുന്നു


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top