Flash News

യു.എസ്. സൈന്യത്തിനു നേരെ ഐ‌എസ് ഭീകരര്‍ രാസായുധം പ്രയോഗിച്ചതായി റിപ്പോര്‍ട്ട്; ആര്‍ക്കും പരുക്കില്ല

September 22, 2016

An Iraqi soldier is seen at his base in Makhmour, after it was freed from control of Islamic State, south of Mosul, April 17, 2016. REUTERS/Ahmed Jadallah/File Photo

ന്യൂയോര്‍ക്ക്: ഇറാഖിലെ യുഎസ് സൈന്യത്തിനുനേരെ ഐഎസ് (ഇസ്‌ലാമിക് സ്റ്റേറ്റ്) ഭീകരര്‍ രാസായുധം പ്രയോഗിച്ചതായി റിപ്പോര്‍ട്ട്. മൊസൂളിനടുത്തുള്ള ഖയാറാ വ്യോമ താവളത്തിനു സമീപം പതിച്ച റോക്കറ്റില്‍ മസ്റ്റര്‍ഡ് വാതകം ഉണ്ടായിരുന്നതായി സംശയിക്കുന്നുവെന്നു യുഎസ് സൈന്യം അറിയിച്ചു. ചൊവ്വാ ഉച്ചകഴിഞ്ഞുണ്ടായ ആക്രമണത്തില്‍ ആര്‍ക്കും പരുക്കില്ല. പ്രാഥമിക പരിശോധനയില്‍ മസ്റ്റര്‍ഡ് വാതകത്തിന്റെ സാന്നിധ്യം കണ്ടെത്തിയിട്ടുണ്ട്.

രാസായുധ പ്രയോഗം സ്ഥിരീകരിച്ചാല്‍ സഖ്യകക്ഷികള്‍ക്കുനേരെ ഇറാഖിലുണ്ടാകുന്ന ഇത്തരത്തിലുള്ള ആദ്യ ആക്രമണമായിരിക്കുമിത്. അതേസമയം, രാസായുധ പ്രയോഗത്തെ നേരിടാന്‍ പരിശീലനം ലഭിച്ചവരാണു വ്യോമ താവളത്തിലുണ്ടായിരുന്ന സേനയെന്നു പെന്റഗണ്‍ വാര്‍ത്താക്കുറിപ്പില്‍ അറിയിച്ചു. ഈ ആക്രമണം ഇറാഖിലെ തങ്ങളുടെ ദൗത്യത്തെ ബാധിച്ചിട്ടില്ലെന്നും ഇത്തരം സാഹചര്യങ്ങളെ നേരിടാന്‍ പരിശീലിച്ചിട്ടുണ്ടെന്നും പ്രസ്താവനയില്‍ പറയുന്നു.

ഇറാഖിലെ കുര്‍ദുകള്‍ക്കുനേരെ ഐഎസ് രാസായുധം പ്രയോഗിച്ചതിന്റെ 20 സംഭവങ്ങള്‍ നേരത്തേ റിപ്പോര്‍ട്ട് ചെയ്യപ്പെട്ടിട്ടുണ്ട്. ഇതില്‍ മിക്കതിലും മസ്റ്റാര്‍ഡ് വാതകമാണ് ഉപയോഗിക്കുന്നത്. ഇറാഖിലെ രണ്ടാമത്തെ വലിയ നഗരമായ മൊസൂള്‍ കഴിഞ്ഞ രണ്ടുവര്‍ഷമായി ഐഎസിന്റെ കൈവശമായിരുന്നു. യുഎസ് സേനയുടെ സഹായത്തോടെ ഇറാഖ് അതു തിരികെപ്പിടിച്ചതില്‍പ്പിന്നെ നിരവധി ആക്രമണങ്ങളാണു നഗരത്തില്‍ ഉണ്ടാകുന്നത്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top