Flash News
ആള്‍ക്കൂട്ടത്തില്‍ തനിയെ; സാധാരണക്കാരില്‍ സാധാരണക്കാരനായി മുന്‍ ക്രിക്കറ്റ് ക്യാപ്റ്റന്‍ രാഹുല്‍ ദ്രാവിഡ്   ****    മോദിക്കെതിരെ രൂക്ഷ വിമര്‍ശനവുമായി കോണ്‍‌ഗ്രസ് നേതാവ് ആനന്ദ് ശര്‍മ്മ   ****    നടിയെ ആക്രമിച്ച കേസിലെ ‘മാഡ’ത്തിനേയും ‘വമ്പന്‍ സ്രാവിനേയും’ കുടുക്കാന്‍ പോലീസ്   ****    ദിലീപിനെതിരെയുള്ള കുറ്റപത്രത്തിന്റെ കൂടുതല്‍ വിവരങ്ങള്‍ പുറത്ത്; നടിയെ ദിലീപ് ഭീഷണിപ്പെടുത്തുന്നതിന് ദൃക്സാക്ഷി നടന്‍ സിദ്ദിഖ്; പിന്നീട് സിദ്ദിഖും നടിയെ താക്കീത് ചെയ്തെന്ന്; നടിയുടെ സഹോദരന്റെ മൊഴി നിര്‍ണ്ണായകം   ****    ലഷ്‌കര്‍ ഇ തൊയ്ബ നേതാവ് ഹാഫിസ് സെയ്ദ് അമേരിക്ക ഭീകരനായി പ്രഖ്യാപിച്ച വ്യക്തിയാണെന്നുള്ള കാര്യം മറക്കരുതെന്ന് പാകിസ്താനോട് അമേരിക്ക   ****   

ഡാളസിലെ സംഗീതാസ്വാദകരെ ഭക്തിസാന്ദ്രത്തിലാറാടിച്ച സംഗീത വിരുന്ന്

September 26, 2016

music5കരോള്‍ട്ടണ്‍ (ഡാളസ്): ക്രൈസ്തവ സംഗീതാസ്വാദകരെ ഭക്തിസാഗരത്തിലാറാടിച്ച സംഗീത വിരുന്നിന് കരോള്‍ട്ടണ്‍ ബിലിവേഴ്‌സ് ബൈബിള്‍ ചാപ്പല്‍ വേദിയായി.

സെപ്റ്റംബര്‍ 25 ഞായറാഴ്ച ഉച്ചക്ക് ശേഷം ഡാളസ്സില്‍ തകര്‍ത്ത് പെയ്ത മഴ വൈകുന്നേരം ശാന്തമായതോടെ ഡാളസ് ഫോര്‍ട്ട്‌വര്‍ത്ത് മെട്രോപ്ലെക്‌സിലെ വിവിധ പള്ളികളില്‍ നിന്നും നിരവധി പേരാണ് ക്രൈസ്തവ സംഗീതവിരുന്ന് ആസ്വദിക്കാനായി എത്തിച്ചേര്‍ന്നത്.

ഫിലിപ്പ് ആന്‍ഡ്രൂസിന്റെ സ്വാഗതപ്രസംഗത്തിനും, ജോര്‍ജ്ജ്. പി. തോമസിന്റെ പ്രാര്‍ത്ഥനക്കും ശേഷം സംഗീതസായാഹ്നത്തിന് തുടക്കമായി. ഷേര്‍ളി വിക്ടര്‍ എബ്രഹാം, ലിഡിയ, ബെക്‌സി, ഫിലിപ്പ് ആന്‍ഡ്രൂസ് എന്നിവര്‍ ചേര്‍ന്ന് ആലപിച്ച ആദ്യഗാനം തന്നെ ആത്മീയ ചൈതന്ന്യം നിറഞ്ഞുതുളുമ്പുന്നതായിരുന്നു. തുടര്‍ന്ന് അനുഗ്രഹീത ഗായകനും, നിരവധി ഗാനങ്ങളുടെ രചിയിതാവുമായ മാത്യു ജോണും, സംഗീത ഉപകരണങ്ങളില്‍ മാന്ത്രികവിരലുകള്‍ ചലിപ്പിച്ച് സംഗീതാസ്വാദകരെ താളലയങ്ങളുടെ മാസ്മരിക ലോകത്തിലേക്ക് ആനയിക്കുകയും ചെയ്ത സംഗീത സംവിധായകന്‍ സുനില്‍ സോളമനും വിവിധ ഭാഷകളില്‍ രൂപപ്പെടുത്തിയ ഗാനങ്ങള്‍ ആലപിച്ചപ്പോള്‍ ഹാളിലുണ്ടായിരുന്നവര്‍ കരഘോഷത്തോടെയാണ് ഗായകാംഗങ്ങള്‍ക്ക് ആവേശം പകര്‍ന്നത്.

ആദ്യ പകുതിക്കു ശേഷം ഇന്ത്യയില്‍ നിന്നും സന്ദര്‍ശനത്തിനെത്തിയ അലന്‍ കെ. റോയ് നടത്തിയ വചനപ്രഘോഷണവും അനുഭവസാക്ഷ്യവും ഏറെ ഹൃദ്യമായി. രണ്ടു മണിക്കുറിലധികം നീണ്ടുനിന്ന സംഗീത വിരുന്ന് ജിജി ചേരിക്കലിന്റെ നന്ദിപ്രകാശനത്തോടെയും, ജോര്‍ജ് പി തോമസിന്റെ പ്രാര്‍ത്ഥനയോടും കൂടി രാത്രി 9 മണിയോടെ സമാപിച്ചു.

music4music1 music2

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top