Flash News

പാക്കിസ്ഥാനി വധുവിന് ഇന്ത്യന്‍ വരന്‍; വിസ പ്രശ്നം സുഷമ സ്വരാജ് പരിഹരിച്ചു

October 8, 2016

pakistani-bride-indian-groom-650x366ജോധ്പുര്‍: പാകിസ്താനില്‍ നിന്നുള്ള വധുവിനും കുടുംബത്തിനും ഇന്ത്യന്‍ എംബസി വിസ നല്‍കാന്‍ വൈകുന്നതോടെ വിവാഹം നടക്കില്ലെന്ന ആശങ്കയില്‍ രണ്ട് കുടുംബങ്ങള്‍. ഒടുവില്‍ സഹായമഭ്യര്‍ത്ഥനയുമായുള്ള ട്വീറ്റിന് വിദേശകാര്യമന്ത്രി സുഷമ സ്വരാജ് അനുകൂല മറുപടി നല്‍കിയതോടെ വിസ ലഭിക്കാനുള്ള വഴി തുറക്കുമെന്ന പ്രതീക്ഷയിലാണ് ഇന്ത്യയില്‍ നിന്നുള്ള വരനും സംഘവും.

രാജസ്ഥാനിലെ ജോധ്പുര്‍ സ്വദേശിയായ നരേഷ് തെവാനിയുടെയും കറാച്ചിയില്‍നിന്നുള്ള പ്രിയ ബച്ചാനിയുടെയും വിവാഹമാണ് അടുത്ത മാസം ആദ്യം നടത്താന്‍ നിശ്ചയിച്ചിരിക്കുന്നത്. വിവാഹത്തിനായി വധുവിനും ബന്ധുക്കള്‍ക്കും വരുന്നതിന് ചട്ടപ്രകാരം മൂന്നുമാസം മുമ്പുതന്നെ പാകിസ്താനിലെ ഇന്ത്യന്‍ എംബസിയില്‍ വിസക്ക് അപേക്ഷിച്ചതാണ്. സമയത്തിന് വിസ ലഭിക്കുമെന്നാണ് കരുതിയതെങ്കിലും ഇതുവരെ അനുകൂല പ്രതികരണമൊന്നുമില്ല തെവാനി പറഞ്ഞു.

ഇതേതുടര്‍ന്ന് സുഷമ സ്വരാജിനോട് ട്വിറ്റര്‍ വഴി തെവാനി സഹായമഭ്യര്‍ഥിക്കുകയായിരുന്നു. പ്രശ്‌നത്തില്‍പ്പെടുന്ന പലരുടെയും ട്വീറ്റുകള്‍ കണ്ട് വിദേശമന്ത്രി വേണ്ട സഹായങ്ങള്‍ ചെയ്തുകൊടുത്തത് ശ്രദ്ധയില്‍പ്പെട്ടതുകൊണ്ടാണ് ആ വഴി തേടിയത് തെവാനി പറഞ്ഞു. അധികംവൈകാതെ സുഷമയുടെ മറുപടി ട്വീറ്റ് എത്തി ‘വിഷമിക്കേണ്ട, വിസ ഇഷ്യൂ ചെയ്യാനുള്ള ഏര്‍പ്പാടുണ്ടാക്കാം’. വിദേശകാര്യമന്ത്രിയുടെ ഉറപ്പ് ലഭിച്ചതോടെ വിസ കിട്ടാതായതോടെ തണുത്തുപോയ വിവാഹ ഒരുക്കങ്ങള്‍ ഉഷാറാക്കാനുള്ള ഒരുക്കത്തിലാണ് ഇരു കുടുംബങ്ങളും.

pak-bride


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top