Flash News

ദീപയ്ക്കു വേണ്ടി തണല്‍ പെരുമ്പുഴ സമാഹരിച്ച ചികിത്സാ ധനസഹായം കൈമാറി

February 5, 2017

Thanal-Perumpuzha-Deepa-Charity (5)കാന്‍സര്‍ രോഗം ബാധിച്ചു ചികിത്സയിലുള്ള കൊല്ലം, കുണ്ടറ, പെരുമ്പുഴ 10-ആം വാർഡ്, ആറാട്ടുവിള പടിഞ്ഞാറ്റതിൽ വിജയന്‍റെയും ഗീതയുടെയും മകള്‍ ദീപയ്ക്കുവേണ്ടി പെരുമ്പുഴ “തണല്‍ ചാരിറ്റബിള്‍ സൊസൈറ്റി” സമാഹരിച്ച ചികിത്സാ ധനസഹായം സീരിയല്‍-സിനിമാ താരം “ലക്ഷ്മി പ്രമോദ്” ദീപയ്ക്കു കൈമാറി. ബഹു. ഇളമ്പള്ളൂര്‍ പഞ്ചായത്ത്‌ പ്രസിഡന്റ്‌ ശ്രീമതി സുജാതാ മോഹന്‍, പത്താം വാര്‍ഡ്‌ മെമ്പര്‍ ശ്രീമതി കെ. പി . രഞ്ജിനി, വേണു ബ്ലഡ് ഡൊണേഷന്‍ ചെയര്‍മാന്‍ വേണുകുമാര്‍, “തണല്‍ ചാരിറ്റബിള്‍ സൊസൈറ്റി” സെക്രട്ടറി ഷിബുകുമാര്‍, ട്രഷറര്‍ ധനേഷ്, തണല്‍ ബ്ലഡ്‌ ഡോണേഴ്സ് കണ്‍വീനര്‍ സിബിന്‍, ലാല്‍ കെയെര്‍സ് ബഹ്‌റൈന്‍ ജോ. സെക്രെട്ടറി മനോജ്‌ മണികണ്ഠന്‍, മുണ്ടപ്പള്ളി ശ്രീ മഹാവിഷ്ണു ഭക്ത സേവാ സമിതി അംഗങ്ങള്‍, തണല്‍ എക്സിക്യുട്ടീവ്‌ അംഗങ്ങളായ വിജിത്ത്, രതീഷ്‌, സിബി, രാജേഷ്‌ ഫോടെക്സ്, രാജേഷ് കെ എസ്, സുനില്‍, കിരണ്‍ലാല്‍ എന്നിവരും ചടങ്ങില്‍ സന്നിഹിതരായിരുന്നു.

കഴിഞ്ഞ ഒരു വര്‍ഷമായി തിരുവനന്തപുരം റീജിയണല്‍ കാന്‍സര്‍ സെന്ററില്‍ ചികിത്സ നടത്തിക്കൊണ്ടിരിക്കുന്ന ദീപയ്ക്ക് നാലു വയസ്സുള്ള ഒരു കുട്ടിയുമുണ്ട്. പഞ്ചായത്ത്‌ അനുവദിച്ച രണ്ടു സെന്റ്‌ സ്ഥലത്ത് അച്ഛനോടും അമ്മയോടും കൂടെ താമസിക്കുന്ന ദീപയും കുടുംബവും നിത്യചെലവിനു പോലും വക കണ്ടെത്താനാകാതെ വിഷമിക്കുകയാണ്. പലപ്പോഴും നല്ലവരായ അയല്‍ക്കാരുടെ കാരുണ്യം കൊണ്ട് മാത്രമാണു ഇവരുടെ ചികിത്സയും നിത്യവൃത്തിയും നടക്കുന്നത്. കനിവാര്‍ന്ന കരങ്ങളുടെ സഹായം മാത്രമാണ് ഇനി ഈ കുടുംബത്തിന്‍റെ ഏക പ്രതീക്ഷ. സുമനസ്സുകള്‍ക്ക്‌ സഹായിക്കാന്‍ ദീപയെ 9747035520 എന്ന നമ്പരില്‍ ബന്ധപ്പെടാം.

Thanal-Perumpuzha-Deepa-Charity (3) Thanal-Perumpuzha-Deepa-Charity (4) Thanal-Perumpuzha-Deepa-Charity (9)


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top