Flash News

സിറിയന്‍ ഓര്‍ത്തഡോക്സ് സഭ പിളര്‍ത്തി പുതിയ പാത്രിയര്‍ക്കീസിനെ വാഴിക്കാന്‍ നീക്കം നടത്തിയ ആറ് മെത്രാപ്പോലീത്തമാരെ സസ്പെന്‍ഡ് ചെയ്തു

February 11, 2017

news from kolenchery 11-2-171 message Unknown person From: Faisal K A

സിറിയന്‍ ഓര്‍ത്തഡോക്സ് സഭ പിളര്‍ത്തി പുതിയ പാത്രിയര്‍ക്കീസിനെ വാഴിക്കാന്‍ നീക്കം നടത്തിയ ആറ് മെത്രാപ്പോലീത്തമാരെ സസ്പെന്‍ഡ് ചെയ്തു. മോര്‍ യൂജിന്‍ കപ്ളാന്‍ (വെസ്റ്റേണ്‍ അമേരിക്കന്‍ ബിഷപ്), മോര്‍ സെവേറിയോസ് മല്‍ക്കി മുറാദ്(ഇസ്രായേല്‍-ഫലസ്തീന്‍-ജോര്‍ഡന്‍), മോര്‍ സെവേറിയോസ് ഹസില്‍സൗമി (ബെല്‍ജിയം, ഫ്രാന്‍സ്, ലക്സംബര്‍ഗ്), മോര്‍ മിലിത്തിയോസ് മുല്‍ക്കി (ആസ്ട്രേലിയ, ന്യൂസിലന്‍ഡ്), മോര്‍ ബര്‍ത്തലേമസ് നഥാനിയല്‍ (അറബ് നാടുകള്‍), മോര്‍ ഓസ്താത്തിയോസ് മത്താറോഹം എന്നിവരെയാണ് സിറിയയിലെ ആഗോള സുന്നഹദോസ് സസ്പെന്‍ഡ് ചെയ്തത്. ഇതോടെ ഇവര്‍ക്ക് ആത്മീയ അധികാരങ്ങള്‍ ഇല്ലാതായി. ഇഗ്നാത്തിയോസ് അപ്രേം രണ്ടാമന്‍ പാത്രിയര്‍ക്കീസ് ബാവയുടെ പദവിക്കും അന്തസ്സിനും അവമതിപ്പുണ്ടാക്കുന്ന തരത്തില്‍ ഭരണഘടനവിരുദ്ധമായി പ്രവര്‍ത്തിച്ചതിനാണ് നടപടിയെന്ന് ആഗോള സുന്നഹദോസ് പറയുന്നു.

news from kolenchery 11-2-171 message Unknown person From:	Faisal K A

ഇഗ്നാത്തിയോസ് അപ്രേം രണ്ടാമന്‍ പാത്രിയര്‍ക്കീസ് ബാവ ആയതുമുതല്‍ ഇപ്പോള്‍ നടപടി നേരിട്ടവര്‍ വിമത പ്രവര്‍ത്തനം നടത്തുകയായിരുന്നു. സുന്നഹദോസിലടക്കം സഭ പാരമ്പര്യങ്ങള്‍ക്ക് വിരുദ്ധമായ രീതിയില്‍ മേലധ്യക്ഷനെ ആക്ഷേപിക്കുന്ന തരത്തില്‍ ഇവര്‍ പെരുമാറുകയും ചെയ്തിരുന്നു. ഇതിനിടെ പാത്രിയര്‍ക്കീസ് ബാവയെ അറിയിക്കാതെ ബെല്‍ജിയത്തിലെ യൂഹാനോന്‍ ഐദിന് പട്ടം നല്‍കിയത് പ്രശ്നങ്ങള്‍ വഷളാക്കി. ഇദ്ദേഹത്തെ സഭയില്‍നിന്ന് മുടക്കി സുന്നഹദോസ് കല്‍പനയിറക്കിയിട്ടുണ്ട്. കൂടുതല്‍ അധികാരവകാശങ്ങള്‍ ആവശ്യപ്പെട്ടുകൊണ്ടുള്ള മലങ്കര സംഘത്തിന്‍െറ വരവിന് പിന്നില്‍ ഇവരുടെ പിന്തുണയുണ്ടെന്ന് വ്യക്തമായതോടെയാണ് ആറ് പേര്‍ക്കെതിരെയും നടപടി വേഗത്തിലാക്കാിയത്. മലങ്കരയില്‍നിന്നുള്ള ചില മെത്രാപ്പോലീത്തമാര്‍ മോര്‍ കപ്ളാനുമായി കഴിഞ്ഞയാഴ്ച അമേരിക്കയില്‍ കൂടിക്കാഴ്ച നടത്തിയത് ഇതിന്‍െറ ഭാഗമായിരുന്നു.

സിറിയന്‍ ഓര്‍ത്തഡോക്സ് സഭയിലെ വിഭാഗീയതയുടെ വേരറുക്കാന്‍ ശ്രമിക്കുന്ന ഇഗ്നാത്തിയോസ് അപ്രേം രണ്ടാമന്‍ പാത്രിയാര്‍ക്കീസ് ബാവയുടെ ശ്രമങ്ങള്‍ക്ക് യാക്കോബായ അല്‍മായ ഫോറം നേതൃയോഗം പിന്തുണ പ്രഖ്യാപിച്ചു. മെത്രാപ്പോലീത്തമാര്‍ക്കെതിരെ സ്വീകരിച്ച അച്ചടക്ക നടപടി മാതൃകപരമാണ്. പുതിയ സഭ രൂപവത്കരിക്കാനുളള നീക്കങ്ങള്‍ക്കെതിരെ വിശ്വാസികള്‍ കരുതിയിരിക്കണമെന്ന് യോഗം മുന്നറിയിപ്പ് നല്‍കി.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top