Flash News

ട്രെയിനില്‍ മേഘാലയ സ്വദേശിനിയായ മുപ്പതുകാരിയെ പീഡിപ്പിക്കാന്‍ ശ്രമിച്ചത് സൈനികന്‍

February 20, 2017

alappuzha-rape-jpg-image-485-345തിരുവനന്തപുരം: ട്രെയിന്‍യാത്രക്കിടെ ഇതരസംസ്ഥാനക്കാരിയായ യുവതിയെ മലയാളിയുവാവ് പീഡിപ്പിക്കാന്‍ ശ്രമിച്ചു. മേഘാലയ സ്വദേശിനിയായ മുപ്പതുകാരിയാണ് റെയില്‍വേ പൊലീസില്‍ പരാതി നല്‍കിയത്.

പ്രതിയെന്ന് സംശയിക്കുന്ന യുവാവിനെ പൊലീസ് അമ്പലപ്പുഴനിന്ന് കസ്റ്റഡിയിലെടുത്തു. അമ്പലപ്പുഴ സ്വദേശിയായ അസം റൈഫിള്‍സിലെ ജവാനാണ് പിടിയിലായത്. കഴിഞ്ഞ 17 നാണ് സംഭവം. ഗുവാഹതിയില്‍നിന്ന് തിരുവനന്തപുരത്തേക്ക് വന്ന ഗുവാഹതി എക്സ്പ്രസിലാണ് പീഡനശ്രമമുണ്ടായത്. തിരുവനന്തപുരത്തെ ഐ.എസ്.ആര്‍.ഒ ഉദ്യോഗസ്ഥന്‍െറ വീട്ടില്‍ ജോലിക്ക് നില്‍ക്കുകയാണ് യുവതി. യാത്രാമധ്യേ സെക്കന്‍ഡ് എ.സി കമ്പാര്‍ട്ട്മെന്‍റില്‍ ഉറങ്ങുമ്പോഴായിരുന്നു സംഭവം. കമ്പാര്‍ട്ട്മെന്‍റില്‍ തന്നെക്കൂടാതെ മൂന്ന് ചെറുപ്പക്കാര്‍ ഉണ്ടായിരുന്നു.

എന്നാല്‍, പുലര്‍ച്ച ഇതില്‍ ഒരാള്‍ തന്നെ ഉപദ്രവിക്കാന്‍ ശ്രമിച്ചെന്നും ബഹളം വെച്ചതോടെ മറ്റു രണ്ടുപേര്‍ ചേര്‍ന്ന് ഇയാളെ പിന്തിരിപ്പിക്കുകയായിരുന്നെന്നും യുവതി റെയില്‍വേ പൊലീസില്‍ നല്‍കിയ പരാതിയില്‍ പറയുന്നു. അപ്പോഴത്തെ മാനസികാവസ്ഥയില്‍ ഇതുസംബന്ധിച്ച് ടി.ടി.ആറിനോടോ പൊലീസിനോടോ പരാതിപ്പെടാന്‍ കഴിഞ്ഞില്ല.

യുവാക്കള്‍ എറണാകുളത്ത് ഇറങ്ങിയതായും പരാതിയില്‍ പറയുന്നു. തുടര്‍ന്ന് ജോലി ചെയ്യുന്ന വീട്ടിലെത്തിയ യുവതി വീട്ടുകാരുടെ സഹായത്തോടെയാണ് ഞായറാഴ്ച റെയില്‍വേ പൊലീസില്‍ പരാതി നല്‍കിയത്. യുവാക്കള്‍ സഞ്ചരിച്ച ബെര്‍ത്ത് നമ്പര്‍ ഉള്‍പ്പെടെ ചൂണ്ടിക്കാട്ടിയാണ് പരാതി. പ്രതിയെ കൂടുതല്‍ ചോദ്യം ചെയ്യലിനായി തിങ്കളാഴ്ച രാത്രി ഏറനാട് എക്സ്പ്രസില്‍ തിരുവനന്തപുരത്ത് കൊണ്ടുവന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top