Flash News

വൈറ്റ്ഹൗസില്‍ ട്രംപ് സുരക്ഷിതനല്ല; ഭീകരര്‍ കടന്നു കയറിയാലും രഹസ്യാന്വേഷണ ഉദ്യോഗസ്ഥര്‍ക്ക് തടയാന്‍ കഴിയില്ലെന്ന് മുന്‍ രഹസ്യാന്വേഷണ ഉദ്യോഗസ്ഥന്‍

March 18, 2017

donald-trump-on-phone-1486567654വാഷിങ്ടന്‍: യുഎസ് പ്രസിഡന്റ് ഡോണള്‍ഡ് ട്രംപ് വൈറ്റ് ഹൗസിനുള്ളില്‍ സുരക്ഷിതനല്ലെന്ന് മുന്‍ രഹസ്യാന്വേഷണ ഉദ്യോഗസ്ഥന്‍ ഡാന്‍ ബോണ്‍ഗിനോയുടെ മുന്നറിയിപ്പ്. ഭീകരാക്രമണത്തില്‍നിന്നും ട്രംപിനെ രക്ഷപ്പെടുത്താന്‍ അദ്ദേഹത്തിന്റെ രഹസ്യാന്വേഷണ സംഘത്തിന് കഴിയില്ലെന്നും മുന്‍ പ്രസിഡന്റുമാരുടെ സുരക്ഷാ സംഘത്തിലുണ്ടായിരുന്ന ബോണ്‍ഗിനോ ചൂണ്ടിക്കാണിക്കുന്നു.

കഴിഞ്ഞയാഴ്ച ഒരാള്‍ വൈറ്റ് ഹൗസില്‍ അതിക്രമിച്ചു കയറി 15 മിനിറ്റോളം അതീവ സുരക്ഷാ മേഖലയില്‍ ചിലവഴിച്ച സംഭവത്തിന്റെ പശ്ചാത്തലത്തിലാണ് ബോണ്‍ഗിനോയുടെ മുന്നറിയിപ്പ്. വൈറ്റ് ഹൗസില്‍ ഒരു യുവാവ് അതിക്രമിച്ച് കടന്നത് അറിയാന്‍ കഴിയാത്ത രഹസ്യാന്വേഷണ ഉദ്യോഗസ്ഥര്‍ക്ക് 40 ഓളം ഭീകരര്‍ കടന്നുകയറുന്നത് തടയാന്‍ കഴിയുമോയെന്നും അദ്ദേഹം സംശയം പ്രകടിപ്പിച്ചു.

വൈറ്റ്ഹൗസിലെ സുരക്ഷാവീഴ്ച മുതലെടുക്കാന്‍ ഭീകരര്‍ തക്കംപാര്‍ത്തിരിക്കുകയാണെന്ന കാര്യം ഉറപ്പാണെന്നും ഈ രഹസ്യാന്വേഷണ ഉദ്യോഗസ്ഥന്‍ ചൂണ്ടിക്കാട്ടുന്നു. ഒബാമ പ്രസിഡന്റായിരിക്കെ വൈറ്റ് ഹൗസിന്റെ സുരക്ഷയില്‍ പ്രശ്‌നങ്ങള്‍ ഉണ്ടായിരുന്നു. ട്രംപ് അധികാരമേറ്റ ശേഷം ആദ്യമായാണ് ഇത്തരമൊരു സംഭവം റിപ്പോര്‍ട്ട് ചെയ്യുന്നത്. ബറാക് ഒബാമ, ജോര്‍ജ് ബുഷ് തുടങ്ങിയ മുന്‍ യുഎസ് പ്രസിഡന്റുമാരുടെ സുരക്ഷാ സംഘത്തിലെ അംഗമായിരുന്നു ഡാന്‍ ബോണ്‍ഗിനോ.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top