Flash News

ഡോ. ഏബ്രഹാം മാര്‍ പൗലോസ് എപ്പിസ്‌ക്കോപ്പാ ട്രിനിറ്റിയില്‍ സന്ധ്യാനമസ്‌കാര ശുശ്രൂഷകള്‍ക്ക് നേതൃത്വം നല്‍കും

April 8, 2017

Untitledഹൂസ്റ്റണ്‍: ഹൃസ്വ സന്ദര്‍ശനാര്‍ത്ഥം അമേരിക്കയില്‍ എത്തിയിട്ടുള്ള മാര്‍ത്തോമ്മ സഭയുടെ അടൂര്‍ ഭദ്രാസന അദ്ധ്യക്ഷന്‍ അഭിവന്ദ്യ ഡോ.ഏബ്രഹാം മാര്‍ പൗലോസ് എപ്പിസ്‌ക്കോപ്പാ ഹൂസ്റ്റണ്‍ ട്രിനിറ്റി മാര്‍ത്തോമ്മാ ഇടവക സന്ദര്‍ശിക്കുന്നു.

ഏപ്രില്‍ 11 ചൊവ്വാഴ്ച ഹൂസ്റ്റണില്‍ എത്തിച്ചേരുന്ന തിരുമേനി 11, 12 തീയതികളില്‍ (ചൊവ്വ, ബുധന്‍) ട്രിനിറ്റി മാര്‍ത്തോമ്മാ ദേവാലയത്തില്‍ വച്ച് വിശുദ്ധ വാരത്തോടനുബന്ധിച്ച് നടത്തപ്പെടുന്ന സന്ധ്യാനമസ്‌ക്കാര ശുശ്രൂഷകള്‍ക്ക് നേതൃത്വം നല്‍കും. വികാരി റവ. മാത്യൂസ് ഫിലിപ്പ്, അസിസ്റ്റന്റ് വികാരി റവ. ഫിലിപ്പ് ഫിലിപ്പ് എന്നിവര്‍ സഹനേതൃത്വം നല്‍കും. തിങ്കള്‍, ചൊവ്വ, ബുധന്‍ ദിവസങ്ങളില്‍ സന്ധ്യാനമസ്‌ക്കാര ശുശ്രൂഷകള്‍ വൈകുന്നേരം 7 മണിക്ക് ആരംഭിക്കും.

ഏപ്രില്‍ 9ന് അറ്റ്‌ലാന്റ മാര്‍ത്തോമ്മാ ദേവാലയത്തില്‍ ഹോശാനാ ഞായറാഴ്ച ശുശ്രൂഷക്ക് കാര്‍മ്മികത്വം വഹിക്കുന്ന തിരുമേനി പെസഹാ വ്യാഴാഴ്ച വൈകുന്നേരം സൗത്ത് ഫ്‌ളോറിഡാ മാര്‍ത്തോമ്മാ ദേവാലയത്തിലെ ശുശ്രൂഷകള്‍ക്കും കാര്‍മ്മികത്വം വഹിക്കും.

ഏപ്രില്‍ 14ന് ഫ്‌ളോറിഡ കോറല്‍ സ്പ്രിംഗ്‌സിലുള്ള സെന്റ് ലൂക്ക് ദേവാലയത്തില്‍ ദുഃഖ വെള്ളിയാഴ്ച ശുശ്രൂഷകള്‍ക്ക് നേതൃത്വം നല്‍കുന്ന തിരുമേനി 15ന് ശനിയാഴ്ച നടക്കുന്ന സണ്‍‌ഡേ സ്കൂള്‍ റീജനല്‍ കോണ്‍ഫറന്‍സില്‍ മുഖ്യാതിഥിയായി പങ്കെടുക്കും. സണ്‍‌ഡേ സ്കൂള്‍ സമാജം മുന്‍ പ്രസിഡന്റ് കൂടിയാണ് തിരുമേനി. ഏപ്രില്‍ 16 ന് ഈസ്റ്റര്‍ ഞായറാഴ്ച ചിക്കാഗോ സെന്റ് തോമസ് മാര്‍ത്തോമ്മാ ഇടവകയിലെ ശുശ്രൂഷകള്‍ക്ക് നേതൃത്വം നല്‍കും.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top