Flash News

ഈസ്റ്റര്‍ വിഭവം: നാടന്‍ കപ്പ ബിരിയാണി

April 12, 2017, സുജ സെലിന്‍ എബി

Kappa biriyani sizeമലയാളികളായ പ്രവാസികള്‍ നാടന്‍ കപ്പ ബിരിയാണി ഈ വര്‍ഷത്തെ ഈസ്റ്റര്‍ വിഭവമായി പരീക്ഷിക്കൂ.

ചേരുവകള്‍:

•  കപ്പ – ഒരു കിലോ
•  മട്ടണ്‍ എല്ലോടുകൂടിയത് – ഒരു കിലോ
•  കോഴിമുട്ടയുടെ വെള്ള – 5 എണ്ണം
•  ഇഞ്ചി ചതച്ചത് – 1 കഷണം
•  വെളുത്തുള്ളി ചതച്ചത് – 8 അല്ലി
•  സവാള വലുത് – 4 എണ്ണം
•  പച്ചമുളക് – 2
•  ചുവന്നുള്ളി – 10 എണ്ണം
•  മല്ലിപ്പൊടി – 2 ടേബിള്‍ സ്പൂണ്‍
•  മുളകുപൊടി – 5 ടേബിള്‍ സ്പൂണ്‍
•  മഞ്ഞള്‍‌പൊടി – 1/2 ടീസ്പൂണ്‍
•  കുരുമുളക് – 4 ടീസ്പൂണ്‍
•  ഗരം മസാല പൊടിച്ചത് – 2 ടീസ്പൂണ്‍
•  ഉപ്പ്, കറിവേപ്പില, വെളിച്ചണ്ണ , കടുക് – പാകത്തിന്

പാചകം ചെയ്യുന്ന വിധം:

മട്ടണ്‍ പാകത്തിന് മുളക്പൊടി, മല്ലിപ്പൊടി, കുരുമുളക് പൊടി , മഞ്ഞള്‍പൊടി, ഗരം മസാല, ഉപ്പ് എന്നിവ ചേര്‍ത്ത് മിക്സ് ചെയ്ത് അര മണിക്കൂര്‍ വെക്കുക. അതിനുശേഷം ചെറിയ തീയില്‍ അല്പം വെള്ളം ചേര്‍ത്ത് വേവിക്കുക. ഇനി കപ്പ കഷണം ആക്കി അല്പം ഉപ്പ് ചേര്‍ത്ത് പാതി വേവിച്ചെടുക്കുക. പാനില്‍ ആവശ്യത്തിനു എണ്ണ ചൂടാക്കി പച്ചമുളക്, സവോള, വെളുത്തുള്ളി, കറിവേപ്പില, ഇഞ്ചി എന്നിവ വഴറ്റി ബാക്കിയിരിക്കുന്ന മസാലകളെല്ലാം ചേര്‍ത്ത് നന്നായി മൂപ്പിച്ചെടുക്കുക.

വേവിച്ചു വെച്ചിരിക്കുന്ന മട്ടണും, വഴറ്റി വെച്ചിരിക്കുന്ന മസാലക്കൂട്ടും കപ്പയിലേക്ക് ചേര്‍ത്ത്, കോഴി മുട്ടയുടെ വെള്ള ഇതിലേക്ക് പൊട്ടിച്ചു ഒഴിക്കുക. ഇവ നന്നായി ഇളക്കി ചെറുതീയില്‍ മൂടി വെച്ച് വേവിക്കുക.

ഒരു പാനില്‍ ആവശ്യത്തിനു എണ്ണ ചൂടാക്കി കടുക്, കറിവേപ്പില, ചുവന്നുള്ളി എന്നിവ താളിച്ച് കപ്പയിലേക്ക് ഇട്ടു നന്നായി ഇളക്കി കൂട്ടികുഴച്ചെടുക്കുക. ബിരിയാണി റെഡി. സലാഡും, പപ്പടവും അല്പം കടുമാങ്ങ അച്ചാറും കൂടിയായാല്‍ കേമം.

സ്വാദേറിയ നാടന്‍ കപ്പ ബിരിയാണി ഈ ഈസ്റ്ററിനു ഒന്ന് പരീക്ഷിച്ചു നോക്കൂ.

SUJA

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top