Flash News

കൃപാരസം (കവിത) വാസുദേവ് പുളിക്കല്‍

May 4, 2017

 

kriparasam size

കാനന സരോവരത്തില്‍
തണ്ണീര്‍ കുടിക്കും മാന്‍പേടതന്‍
മൃദുലചര്‍മ്മത്തിലേക്കാഴ്ന്നിറങ്ങി
വ്യാഘ്രത്തിന്‍ കൂര്‍ത്തുമൂര്‍ത്ത നഖങ്ങള്‍.
ഒന്നു മറ്റൊന്നിന്നാഹാരമിതു
ജന്തുലോകത്തിലനിവാര്യം.

മഹാത്മാക്കളോതിത്തന്ന
അഹിംസാമന്ത്രങ്ങള്‍ കാറ്റില്‍ പറത്തി
മൃഗീയമായ് ഹിംസയെ പുല്‍കും മനുഷ്യര്‍
ആടുമാടുകള്‍ കഴുത്തറ്റു പിടയുമ്പോള്‍
നാവിലൂറിക്കുന്നു മാംസത്തിന്‍ രുചി.
ഗോവധം ന്യായീകരിക്കാനായവര്‍
ഉദ്ധരിക്കുന്നു ഹൈന്ദവ സിദ്ധാന്തങ്ങള്‍
മനുസ്മൃതിയും വേദങ്ങളും നില്‍ക്കട്ടവിടെ
കണ്‍പാര്‍ക്കു ജീവിതസരണിയിലേക്ക്
‘ഒരു പീഡയുമുറുമ്പിനും വരുതരുതെ’ന്ന
കരുണാമയമാം ജീവിതതത്വത്തിലേക്ക്

അനാരോഗ്യകരമാം മാംസാഹാരം
ഉണര്‍ത്തുന്നു മൃഗീയ വികാരങ്ങള്‍.
ശാന്തമാം സാത്വിക ജീവിതത്തിനായ്
കൃപാലുക്കളാകൂ മൃഗസഞ്ചയത്തോടും.
തന്നില്‍ നിന്നന്യമല്ലീ പ്രപഞ്ചപ്രതിഭാസങ്ങള്‍.
പ്രിയതയിലുള്‍പ്പെടണം ജന്തുപ്രിയവും

ഗോവധം നിരോധിക്കും നിയമത്തിന്
ഇല്ലയോ കൃപ മറ്റു മൃഗങ്ങളോട്?
നിറയട്ടെ മനസ്സില്‍ കൃപാരസം
വിഹരിക്കട്ടെ മൃഗങ്ങള്‍ യഥേഷ്ടം

സസ്യാഹാരം ശ്രേഷ്ഠമെന്നറിയും നാള്‍ വരും
സംതൃപ്തിയുടെ മഴവില്‍ മനസ്സില്‍ വിരിയും.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top