Flash News
ഭീകര സംഘടനകള്‍ക്ക് താവളമൊരുക്കുന്ന പാക്കിസ്ഥാനുമായി സൈനിക സഹകരണം അസാധ്യമാണെന്ന് ഡോണാള്‍ഡ് ട്രം‌പ്   ****    ബിജെപിയുടെ ‘ഭിന്നിപ്പിച്ച് സ്വന്തമാക്കുക’ എന്ന പിളര്‍പ്പിന്റെ രാഷ്ട്രീയ തന്ത്രം തമിഴ്‌നാട്ടില്‍ വിജയം കണ്ടു; അടുത്തത് കേരളത്തിലും തെലങ്കാനയിലും   ****    നിവിന്‍ പോളിയെക്കുറിച്ച് അപവാദ പ്രചരണം നടത്തിയ ‘നാന’യ്ക്ക് ശ്യാമപ്രസാദിന്റെ ചുട്ട മറുപടി; അതെല്ലാം മാധ്യമ കുത്തിത്തിരിപ്പ് തന്ത്രമെന്ന്   ****    ജര്‍മ്മന്‍ ടൗണ്‍ പള്ളിയില്‍ വേളാങ്കണ്ണി മാതാവിന്‍റെ തിരുനാള്‍ സെപ്തംബര്‍ 9 ശനിയാഴ്ച   ****    201 എം.എ.സി.എഫ് ടാമ്പാ വനിതകളുടെ തിരുവാതിര സോഷ്യല്‍ മീഡിയയില്‍ തരംഗമാകുന്നു   ****   

മനസ്താപം (കവിത) : ജ്യോതിലക്ഷ്മി നമ്പ്യാര്‍, തയ്യൂര്‍

June 24, 2017

manasthapam sizeതീരെ പിരിഞ്ഞിരിയ്ക്കാനാകില്ല എന്ന് ഞാന്‍
തീരെ നിരീച്ചില്ല എന്‍ പ്രിയ മല്‍സഖി
നന്ദി പറഞ്ഞു നീ ദൂരെ മറഞ്ഞപ്പോള്‍
നെഞ്ചിലാ ഗദ്ഗദം വീര്‍പ്പുമുട്ടി

തമ്മിലിണങ്ങി പിണങ്ങി നടന്നപ്പോള്‍
അറിഞ്ഞില്ല നമ്മിലെ ആത്മബന്ധം
ദൂരെയിരുന്നു നീ ചാരത്തെന്നോതുമ്പോള്‍
കണ്ടിലൊരിയ്ക്കലുമീ ശൂന്യത

മരുഭൂമിയായൊരീ മാനസ ഭൂവിതില്‍
മരുപ്പച്ചയായതും നീയല്ലേ മല്‍സഖി
കറ്റകിടാവുമായ കളിമുറ്റത്തോടുമ്പോള്‍
പിന്നാലെ മത്സരിച്ചെന്നും നീ വന്നില്ലേ

കഥകള്‍ പറഞ്ഞു ചിരിപ്പിച്ചു നീയെന്നെ
മൂകമാം എന്മനോഭാവത്തിലും നിത്യം
നിദ്രയെ പുല്‍കി ഉറങ്ങുന്ന നേരത്തും
നീയെന്റെ ചാരത്തു വന്നു നിശ്ശബ്ദയായി

മാനത്ത്‌ പൊങ്ങുന്ന അമ്പിളി മാമനെന്‍
കൈകളില്‍ വരുമെന്ന്‌ നീ ചൊന്നനേരം
സാധുതയൊട്ടുമേ ഇല്ലെന്നറിഞ്ഞിട്ടും
കൗതുകത്തോടെ ഞാന്‍ ശ്രവിച്ചിരുന്നു

എങ്ങുപോയ്‌ നമ്മിലെ പാവന സൗഹൃദം
ജീവിതയാഥാര്‍ഥ്യത്തെ നീ അറിഞ്ഞ നേരം?
ഇറ്റുവീഴുന്നൊരീ കണ്ണുനീര്‍ മുത്തുകള്‍
നിന്നെകുറിച്ചാണെന്നു നീ അറിയുന്നുവോ?

വാക്കുകളല്ല തുളുമ്പുന്നതീ താളില്‍
പാവമാം നിന്‍ സഖിതന്‍ ഗദ്ഗദങ്ങള്‍!
മിന്നാമിനുങ്ങുപോല്‍ ചിമ്മി മറഞ്ഞയീ
സൗഹൃദമെന്തിനായ്‌ നീ കാഴ്ചവച്ചു?

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top