Flash News

കോട്ടയം അസോസിയേഷന്‍ വാര്‍ഷിക പിക്‌നിക് നടത്തി

July 14, 2017 , ജീമോന്‍ ജോര്‍ജ്ജ്, ഫിലഡല്‍ഫിയ

facebook_1499708919209ഫിലഡല്‍ഫിയ: സഹോദരീയ നഗരത്തില്‍ ജീവകാരുണ്യ പ്രവര്‍ത്തനങ്ങള്‍ക്ക് പ്രാമുഖ്യം നല്‍കി ഇതര സംഘടനകളുമായി ഒന്നര ദശാബ്ദത്തിലധികമായി സഹകരിച്ചു പ്രവര്‍ത്തിച്ചു വരുന്ന കോട്ടയം അസോസിയേഷന്റെ വാര്‍ഷിക പിക്‌നിക് പ്രകൃതിരമണീയമായ കോര്‍ക്രീക് പാര്‍ക്കില്‍ വെച്ച് നടന്നു.

ജൂണ്‍ 17 ശനിയാഴ്ച രാവിലെ 9 മണിക്ക് പ്രാര്‍ത്ഥനയോടുകൂടി പിക്‌നിക് ആരംഭിച്ചു. കുട്ടികളും മുതിര്‍ന്നവരുമായി നിരവധി പേര്‍, പ്രതികൂല കാലാവസ്ഥയെ അവഗണിച്ച് പിക്‌നിക്കില്‍ പങ്കെടുത്തു. പ്രായഭേദമെന്യേ എല്ലാവരും കായിക മത്സരങ്ങളില്‍ പങ്കെടുത്തു. യുവജനങ്ങളുടെ മികച്ച പങ്കാളിത്തത്തില്‍ ഈ വര്‍ഷത്തെ പിക്‌നിക് വന്‍വിജയമായി. കോഓര്‍ഡിനേറ്റര്‍മാരായ മാത്യു ഐപ്പ്, വര്‍ഗീസ് വര്‍ഗീസ് എന്നിവരുടെ നേതൃത്വത്തിലാണ് പിക്‌നിക് നിയന്ത്രിച്ചിരുന്നത്. ബീനാ കോശി, സാറ ഐപ്പ് (വിമന്‍സ് ഫോറം) നേതൃത്വത്തില്‍ കായിക മത്സരങ്ങള്‍ക്ക് നേതൃത്വം കൊടുത്തു.

പ്രസിഡന്റ് ബെന്നി കൊട്ടാരത്തില്‍ സ്വാഗതമാശംസിക്കുകയും കോട്ടയം അസോസിയേഷന്റെ നാളിതുവരെയുള്ള പ്രവര്‍ത്തനങ്ങള്‍ക്ക് സമൂഹം നല്‍കി വരുന്ന എല്ലാ സഹായ സഹകരണങ്ങള്‍ക്കും നന്ദി അറിയിക്കുകയും ചെയ്തു. കുര്യന്‍ രാജന്‍ (ചാരിറ്റി) മുമ്പോട്ടുള്ള ചാരിറ്റി പ്രവര്‍ത്തനങ്ങളുടെ രൂപരേഖ വിശദീകരിച്ചു. ജനറല്‍ സെക്രട്ടറി സാബു ജേക്കബ് നന്ദി അറിയിച്ചു.

ജോസഫ് മാണി, ഏബ്രഹാം ജോസഫ്, ജയിംസ് ആന്ത്രയോസ്, ജോബി ജോര്‍ജ്ജ്, ജോണ്‍ പി വര്‍ക്കി, കുറിയാക്കോസ് ഏബ്രഹാം, ജോഷി കുര്യാക്കോസ്, മാത്യു ജോഷ്വ, രാജു കുരുവിള, റോണി വര്‍ഗീസ്, സാബു പാമ്പാടി, സാജന്‍ വര്‍ഗീസ്, സണ്ണി കിഴക്കേമുറി, സെറിന്‍ ചെറിയാന്‍, ജേക്കബ് തോമസ്, വര്‍ക്കി പൈലോ എന്നിവരുടെ നേതൃത്വത്തിലുള്ള വിപുലമായ കമ്മിറ്റി പിക്‌നിക്കിന്റെ വിജയത്തിനായി പ്രവര്‍ത്തിച്ചു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top