Flash News
ഭീകര സംഘടനകള്‍ക്ക് താവളമൊരുക്കുന്ന പാക്കിസ്ഥാനുമായി സൈനിക സഹകരണം അസാധ്യമാണെന്ന് ഡോണാള്‍ഡ് ട്രം‌പ്   ****    ബിജെപിയുടെ ‘ഭിന്നിപ്പിച്ച് സ്വന്തമാക്കുക’ എന്ന പിളര്‍പ്പിന്റെ രാഷ്ട്രീയ തന്ത്രം തമിഴ്‌നാട്ടില്‍ വിജയം കണ്ടു; അടുത്തത് കേരളത്തിലും തെലങ്കാനയിലും   ****    നിവിന്‍ പോളിയെക്കുറിച്ച് അപവാദ പ്രചരണം നടത്തിയ ‘നാന’യ്ക്ക് ശ്യാമപ്രസാദിന്റെ ചുട്ട മറുപടി; അതെല്ലാം മാധ്യമ കുത്തിത്തിരിപ്പ് തന്ത്രമെന്ന്   ****    ജര്‍മ്മന്‍ ടൗണ്‍ പള്ളിയില്‍ വേളാങ്കണ്ണി മാതാവിന്‍റെ തിരുനാള്‍ സെപ്തംബര്‍ 9 ശനിയാഴ്ച   ****    201 എം.എ.സി.എഫ് ടാമ്പാ വനിതകളുടെ തിരുവാതിര സോഷ്യല്‍ മീഡിയയില്‍ തരംഗമാകുന്നു   ****   

മുരളി ജെ നായര്‍ ലാനാ കണ്‍വന്‍ഷന്‍ പ്രോഗ്രാം കമ്മിറ്റി ചെയര്‍പേഴ്‌സണ്‍

July 31, 2017 , പി.പി. ചെറിയാന്‍

getNewsImagesന്യൂയോര്‍ക്ക്: ഒക്ടോബര്‍ 6, 7, 8 തിയ്യതികളില്‍ ന്യൂയോര്‍ക്കില്‍ വെച്ച് നടക്കുന്ന ലാനയുടെ ദ്വൈവാര്‍ഷികാഘോഷ പരിപാടികളുടെ പ്രോഗ്രാം കമ്മിറ്റി ചെയര്‍പേഴ്‌സനായി മലയാളികള്‍ക്ക് സുപരിചിതനായ സാഹിത്യകാരന്‍ മുരളി ജെ നായര്‍ നേതൃത്വം നല്‍കുമെന്ന് ലാന ഭാരവാഹികള്‍ അറിയിച്ചു.

മലയാളത്തിലും, ഇംഗ്ലീഷിലും ഒരേ പോലെ സാഹിത്യ മേഖലകളില്‍ സര്‍ഗവാസന തെളിയിച്ചിട്ടുള്ള മുരളിയുടെ നോവലുകളും, കഥകളും ഉന്നത നിലവാരം പുലര്‍ത്തുന്നവയാണ്. കേരളത്തിലെ മുഖ്യധാരാ മാധ്യമങ്ങളിലും മുരളിയുടെ രചനകള്‍ ഏറെ ശ്രദ്ധേയമായിട്ടുണ്ട്.

വടക്കേ അമേരിക്കയിലെ മലയാള സാഹിത്യകാരന്മാരുടെ സമന്വയ സംഘടനയായ ലാനായുടെ ഇരുപതാം വാര്‍ഷിക സമ്മേളനത്തില്‍ സാംസ്‌ക്കാരിക-സാഹിത്യ പ്രാധാന്യമുള്ള ഏതെങ്കിലും പ്രത്യേക വിഷയം ചര്‍ച്ചകളില്‍ ഉള്‍പ്പെടുത്തണമെന്ന് താല്‍പ്പര്യമുള്ളവര്‍ ആഗസ്റ്റ് 30ന് മുൻപായി പ്രോഗ്രാം കമ്മിറ്റി ചെയര്‍പേഴ്‌സണ്‍ മുരളിയെ mjnair@aol.com എന്ന ഇ-മെയില്‍ അഡ്രസ്സില്‍ ബന്ധപ്പെടേണ്ടതാണ്.

കഥകള്‍, കവിതകള്‍, ലഘു ലേഖനങ്ങള്‍ എന്നിവ സമ്മേളനത്തില്‍ ചര്‍ച്ച ചെയ്യണമെന്നാഗ്രഹിക്കുന്നവര്‍ രചനകള്‍ ലാനാ ജനറല്‍ സെക്രട്ടറി ജെ മാത്യൂസിന് jmathews335@gmail.com എന്ന ഇ-മെയില്‍ അഡ്രസ്സില്‍ അയച്ചു കൊടുക്കേണ്ടതാണ്.

ലാനാ സമ്മേളനം വന്‍ വിജയമാക്കുന്നതിന് എല്ലാ സഹൃദയരുടേയും സാന്നിധ്യ സഹകരണങ്ങള്‍ ഉണ്ടാകണമെന്ന് ലാനാ പ്രസിഡന്റ് ജോസ് ഓച്ചാലില്‍, സെക്രട്ടറി ജെ മാത്യൂസ്, ട്രഷറര്‍ ജോസന്‍ ജോര്‍ജ്ജ് എന്നിവര്‍ അഭ്യര്‍ത്ഥിച്ചു.

LANA Logo

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top