Flash News
പ്രൗഢഗംഭീരമായ ചടങ്ങില്‍ അമ്മ സോണിയാ ഗാന്ധിയില്‍ നിന്ന് കോണ്‍‌ഗ്രസ് അദ്ധ്യക്ഷസ്ഥാനം രാഹുല്‍ ഏറ്റെടുത്തു   ****    സെന്റ് ഗ്രിഗോറിയോസ് ഇന്ത്യന്‍ ഓര്‍ത്തഡോക്‌സ് ചര്‍ച്ച് ക്ലിഫ്ടണ്‍ ദേവാലയ കൂദാശയും ക്രിസ്മസ് സര്‍വീസും 22 – 25 തീയതികളില്‍   ****    ബിജെപിയേയും മോദിയെയും വിറപ്പിച്ച രാഹുല്‍   ****    അമ്മയില്‍ നിന്ന് കോണ്‍‌ഗ്രസിന്റെ ചെങ്കോല്‍ ഏറ്റുവാങ്ങുന്ന രാഹുല്‍ ഗാന്ധിയെക്കുറിച്ച് അറിഞ്ഞിരിക്കേണ്ട അഞ്ചു കാര്യങ്ങള്‍   ****    ജിഷ വധക്കേസ്; യഥാര്‍ത്ഥ പ്രതികളെ രക്ഷിക്കാന്‍ പോലീസ് കൃത്രിമ രേഖകളുണ്ടാക്കിയെന്ന്; സിബിഐ അന്വേഷണം ആവശ്യപ്പെട്ട് ആക്ഷന്‍ കൗണ്‍സില്‍   ****   

‘ബെഡ് വിത്ത് ആക്ടിംഗ്’ എന്ന സമ്പ്രദായം മലയാള സിനിമയിലുണ്ടെന്ന് ഹിമ ശങ്കര്‍

August 11, 2017

Hima_Shankar_കൊച്ചിയില്‍ നടി ആക്രമിക്കപ്പെട്ട സംഭവത്തിനുശേഷം നിരവധി നടിമാര്‍ തങ്ങള്‍ക്കു സിനിമയിലുണ്ടായ ദുരനുഭവം ചൂണ്ടിക്കാട്ടി രംഗത്തെത്തിയിരുന്നു. കാസ്റ്റിങ് കൗച്ചിനെക്കുറിച്ചു നടി പാര്‍വതിയാണ് ആദ്യമായി പറഞ്ഞത്. തൊട്ടു പിന്നാലെ നിരവധിപ്പേര്‍ ചൂഷണത്തിന് ഇരയായെന്നു വെളിപ്പെടുത്തിയിരുന്നു. ഇതിനു പിന്നാലെയാണ് നാടകത്തില്‍നിന്നും സിനിമയിലേക്ക് എത്തിയ ഹിമ ശങ്കറും ഇക്കാര്യം അടിവരയിടുന്നത്.

മലയാള സിനിമയില്‍ ‘ബെഡ് വിത്ത് ആക്ടിങ്’ എന്ന പാക്കേജ് സ്ത്രീകള്‍ക്കായി നിലവിലുണ്ടെന്ന് അവര്‍ പറഞ്ഞു. സ്‌കൂള്‍ ഓഫ് ഡ്രാമയിലെ തന്റെ പഠനകാലത്ത് പാക്കേജ് സംവിധാനം സമ്മതമാണെങ്കില്‍ അവസരം നല്‍കാമെന്നു പറഞ്ഞു സിനിമാരംഗത്തെ ചിലര്‍ തന്നെ വിളിച്ചിട്ടുണ്ടെന്നും ഹിമ ശങ്കര്‍ പറഞ്ഞു. ‘സര്‍വോപരി പാലാക്കാരന്‍’ എന്ന സിനിമയുടെ പ്രമോഷനുമായി ബന്ധപ്പെട്ട് എറണാകുളത്തു പ്രതികരിക്കുകയായിരുന്നു അവര്‍.

സിനിമയിലെ ‘പാക്കേജ്’ സംവിധാനം എന്ന പ്രയോഗം ആദ്യം കേട്ടപ്പോള്‍ അതെന്താണെന്ന് വിളിച്ചയാളോട് ചോദിച്ചു. ‘അഭിനയിക്കാന്‍ കിടക്കയും പങ്കിടണം’ എന്നായിരുന്നു മറുപടി. ഇത്തരത്തില്‍ തന്നെ സമീപിച്ച മൂന്നുപേരോട് പറ്റില്ല എന്നു പറഞ്ഞു. ഒരു ആക്ടിവിസ്റ്റ് മുഖമുള്ളതുകൊണ്ടാകാം ഇപ്പോള്‍ അത്തരക്കാരുടെ ശല്യമില്ല. ആണ്‍കോയ്മാ മനോഭാവം മലയാള സിനിമയില്‍ കൂടുതലാണ്. സ്ത്രീകള്‍ തുറന്നുപറയണമെന്ന് എല്ലാവരും പരസ്യമായി ആവശ്യപ്പെടുന്നുണ്ട്. അഭിപ്രായം പറയുന്ന സ്ത്രീകളെ പഴിപറയുന്നതും ഇതേ സമൂഹമാണെന്നും ഹിമ ശങ്കര്‍ പറഞ്ഞു.

തന്റെ ജീവിതത്തിലുണ്ടായ ചില യഥാര്‍ഥ സംഭവങ്ങളാണ് സര്‍വോപരി പാലാക്കാരന്‍ എന്ന ചിത്രമെന്നും അവര്‍ പറഞ്ഞു. പകലും രാത്രിയും ഗ്രാമങ്ങളും നഗരങ്ങളും പെണ്ണിന് സുരക്ഷിതമല്ലാത്തതാകുന്ന പുതിയ കാലമാണ് സിനിമയില്‍ അവതരിപ്പിച്ചതെന്ന് സംവിധായകന്‍ വേണുഗോപന്‍ പറഞ്ഞു.

hima1

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top