Flash News
പ്രൗഢഗംഭീരമായ ചടങ്ങില്‍ അമ്മ സോണിയാ ഗാന്ധിയില്‍ നിന്ന് കോണ്‍‌ഗ്രസ് അദ്ധ്യക്ഷസ്ഥാനം രാഹുല്‍ ഏറ്റെടുത്തു   ****    സെന്റ് ഗ്രിഗോറിയോസ് ഇന്ത്യന്‍ ഓര്‍ത്തഡോക്‌സ് ചര്‍ച്ച് ക്ലിഫ്ടണ്‍ ദേവാലയ കൂദാശയും ക്രിസ്മസ് സര്‍വീസും 22 – 25 തീയതികളില്‍   ****    ബിജെപിയേയും മോദിയെയും വിറപ്പിച്ച രാഹുല്‍   ****    അമ്മയില്‍ നിന്ന് കോണ്‍‌ഗ്രസിന്റെ ചെങ്കോല്‍ ഏറ്റുവാങ്ങുന്ന രാഹുല്‍ ഗാന്ധിയെക്കുറിച്ച് അറിഞ്ഞിരിക്കേണ്ട അഞ്ചു കാര്യങ്ങള്‍   ****    ജിഷ വധക്കേസ്; യഥാര്‍ത്ഥ പ്രതികളെ രക്ഷിക്കാന്‍ പോലീസ് കൃത്രിമ രേഖകളുണ്ടാക്കിയെന്ന്; സിബിഐ അന്വേഷണം ആവശ്യപ്പെട്ട് ആക്ഷന്‍ കൗണ്‍സില്‍   ****   

ഓക്സിജന്‍ കിട്ടാതെ കുട്ടികള്‍ മരിച്ച സംഭവത്തില്‍ പ്രതിഷേധം ശക്തം; യോഗി ആദിത്യനാഥ് ഉടന്‍ രാജി വെയ്ക്കണമെന്ന് കോണ്‍ഗ്രസ്; ആശുപത്രിക്ക് ശക്തമായ പോലീസ് കാവല്‍

August 12, 2017

LUCKNOW, INDIA - MARCH 27: Uttar Pradesh Chief Minister Yogi Adityanath talking to LDA officials during the inspection of Gomti River Front on March 27, 2017 in Lucknow, India. (Photo by Ashok Dutta/Hindustan Times via Getty Images).

യുപിയിലെ ഗോരഖ്പുരിലെ ബിആർഡി സർക്കാർ മെഡിക്കൽ കോളജ് ആശുപത്രിയിൽ 63 കുട്ടികള്‍ മരിച്ച സംഭവത്തില്‍ യോഗി ആദിത്യനാഥ് രാജി വെയ്ക്കണമെന്ന് കോണ്‍ഗ്രസ്. കോണ്‍ഗ്രസ് രാജ്യസഭാ നേതാവ് ഗുലാം നബി ആസാദിന്റെ നേതൃത്വത്തില്‍ കോണ്‍ഗ്രസ് സംഘം ഗോരഖ്പൂര്‍ ആശുപത്രി സന്ദര്‍ശിച്ചു. കുട്ടികളുടെ മരണത്തില്‍ അഗാദദുഖം രേഖപ്പെടുത്തിയ രാഹുല്‍ ഗാന്ധി, സംഭവത്തില്‍ ബി.ജെ.പി സര്‍ക്കാരിനാണ് ഉത്തരവാദിത്തണെന്ന് ട്വീറ്റ് ചെയ്തു. സംഭവത്തെക്കുറിച്ച് ഉത്തര്‍പ്രദേശ് സര്‍ക്കാര്‍ ഉന്നതതല അന്വേഷണത്തിന് ഉത്തരവിട്ടിട്ടുണ്ട്. യോഗി ആദിത്യനാഥ് അഞ്ചുതവണ പ്രതിനിധീകരിച്ച ലോക്സഭാ മണ്ഡലമാണു ഗോരഖ്പുർ.

കഴിഞ്ഞ അഞ്ചുദിവസത്തിനിടെ ഗോരഖ്പൂര്‍ മെഡിക്കല്‍ കോളജ് ആശുപത്രിയില്‍ മരിച്ചത് 63 കുട്ടികളാണ്. മസ്തിഷ്‌ക ജ്വരം ബാധിച്ചകുട്ടികള്‍ ഓക്‌സിജന്‍ കിട്ടാതെ മരിച്ചെന്ന റിപ്പോര്‍ട്ടിന് പിന്നാലെയാണ് കുട്ടികളുടെ കൂട്ടമരണം പുറത്തുവന്നത്. ഓക്‌സിജന്‍ തീരാന്‍ കാരണം ആശുപത്രിയുടെ അനാസ്ഥയാണെന്നുളളതിന്റെ തെളിവുകളും പുറത്തുവന്നു. ഓക്‌സിജന്‍ സിലിണ്ടറുകള്‍ ഇല്ലെന്ന് അറിയിച്ചുളള രണ്ട് കത്തുകളിലും ബന്ധപ്പെട്ട വകുപ്പ് നടപടിയെടുത്തില്ലെന്നാണ് ആരോപണം. ഉത്തര്‍പ്രദേശ് ആരോഗ്യമന്ത്രി മുഖ്യമന്ത്രി യോഗി ആദിത്യനാഥിനെ കണ്ട് സ്ഥിതി വിശദീകരിച്ചു.

അതേസമയം, നവജാത ശിശുക്കളടക്കമുള്ളവർ മരിച്ചതിനെ തുടർന്ന് ആശുപത്രിയിലേക്ക് കൂടുതൽ ഓക്സിജൻ സിലിണ്ടറുകൾ എത്തിച്ചു. ഒാക്സിജൻ വിതരണത്തിലെ പിഴവുമൂലമല്ല ദുരന്തമുണ്ടായത് എന്നാണ് സർക്കാർ അധികൃതർ ഇപ്പോഴും നൽകുന്ന വിശദീകരണം. എന്നാൽ, എന്താണ് മരണകാരണമെന്ന് വ്യക്തമാക്കുന്നുമില്ല. ജില്ലാ മജിസ്ട്രേട്ട് രാജീവ് റൗതേല ആണ് 48 മണിക്കൂറിനിടെ 30 കുട്ടികൾ മരിച്ച കാര്യം ആദ്യം പുറത്ത് വിട്ടത്.

മരണങ്ങളെ പ്രതിപക്ഷ പാർട്ടികൾ രാഷ്ട്രീയവൽക്കരിക്കരുതെന്ന് ആരോഗ്യമന്ത്രി സിദ്ധാർഥ് നാഥ് സിങ് പ്രതികരിച്ചു. കൃത്യമായ അന്വേഷണം നടക്കുകയും ഉടൻ തന്നെ നടപടി സ്വീകരിക്കുകയും ചെയ്യും. ഇതൊരു പ്രധാനപ്പെട്ട വിഷയമാണെന്നും അദ്ദേഹം പറഞ്ഞു.

അതേസമയം, ബിആർഡി ആശുപത്രിയിൽ ചികിൽസയിൽ കഴിയുന്ന കുട്ടികളുടെ രക്ഷിതാക്കൾ പരാതിയുമായി രംഗത്തെത്തി. ഭക്ഷണവും മരുന്നും പുറത്തുനിന്നാണ് വാങ്ങുന്നതെന്ന് അവർ കുറ്റപ്പെടുത്തി. സംഭവവികാസങ്ങളെ തുടർന്ന് ശക്തമായ പൊലീസ് കാവൽ ആണ് ആശുപത്രിയ്ക്ക് ഏർപ്പെടുത്തിയിരിക്കുന്നത്. ആരോഗ്യമന്ത്രി രാജിവയ്ക്കണമെന്ന് സമാജ്‍വാദി പാർട്ടിയും കോൺഗ്രസും ആവശ്യപ്പെട്ടിരുന്നു.

ആശുപത്രിയിൽ ഓക്സിജൻ വിതരണം ചെയ്തിരുന്ന കമ്പനിക്ക് 68 ലക്ഷം രൂപ കുടിശിക വരുത്തിയിരുന്നു. ഇതെത്തുടർന്നു കമ്പനി വ്യാഴാഴ്ച ഓക്സിജൻ വിതരണം നിർത്തി വയ്ക്കുകയായിരുന്നുവെന്നാണു റിപ്പോർട്ട്. എന്നാൽ, പകരം സംവിധാനം ഏർപ്പെടുത്തിയിരുന്നതായും ആശുപത്രിയിൽ വേണ്ടത്ര ഓക്സിജൻ സിലണ്ടറുകൾ ലഭ്യമായിരുന്നുവെന്നും ജില്ലാ മജിസ്ട്രേട്ട് പറഞ്ഞു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top