Flash News

ഇന്ത്യാ പ്രസ് ക്ലബ് ഓഫ് നോര്‍ത്ത് അമേരിക്കയുടെ ദേശീയ സമ്മേളനത്തിന് ലാനയുടെ വിജയാശംസകള്‍

August 23, 2017 , പി.പി. ചെറിയാന്‍

yeKApcRഇന്ത്യാ പ്രസ് ക്ലബ് ഓഫ് നോര്‍ത്ത് അമേരിക്കയുടെ ചിക്കാഗോയില്‍ നടക്കുന്ന അന്തര്‍ദേശീയ സമ്മേളനത്തിന് മലയാളി സാഹിത്യകാരന്മാരുടെ സമന്വയ സംഘടനയായ ലാന എല്ലാവിധ പിന്തുണയും സഹകരണവും വാഗ്ദാനം ചെയ്യുന്നു.

അമേരിക്കയില്‍ മലയാള ഭാഷക്കും സാഹിത്യത്തിനും പ്രാണവായുവാണ് മാധ്യമങ്ങള്‍. അവര്‍ തുറന്നുകൊടുത്ത വഴിയിലൂടെ ഭാഷാ സാഹിത്യ പ്രവര്‍ത്തകര്‍ക്ക് മുന്നേറാന്‍ കഴിഞ്ഞിട്ടുണ്ട്. അച്ചടി-ദൃശ്യ-ശ്രവണ മാധ്യമങ്ങള്‍ നിരന്തരം നല്‍കിയിട്ടുള്ള സഹായവും പ്രോത്സാഹനവും ലാന ആദരവോടെ സ്മരിക്കുന്നു.

ആദ്യകാല മാധ്യമങ്ങളായ ചലനം, തറവാട്, പ്രഭാതം, അശ്വമേധം തുടങ്ങിയവ എഴുത്തുകാര്‍ക്ക് പ്രത്യേക പരിഗണന നല്‍കിയിരുന്നു. യശഃശ്ശ്രരീരനായ ചാക്കോ ശങ്കരത്തില്‍ 1986 മുതല്‍ പ്രസിദ്ധീകരിച്ചിരുന്ന രജനി മാസിക പത്തു വര്‍ഷത്തിലേറെ നടത്തിയ ത്യാഗോജ്ജ്വലമായ സാഹിത്യസേവനം ശ്ലാഘനീയമാണ്.

ഇന്ന് നിലവിലുള്ള മാധ്യമങ്ങളും ആദ്യകാല മാധ്യമങ്ങളെപ്പോലെതന്നെ ഭാഷാ സാഹിത്യ പ്രവര്‍ത്തകര്‍ക്ക് പ്രോത്സാഹനം നല്‍കിവരുന്നു. ലാന അവരോടുള്ള കടപ്പാട് ഹൃദയപൂര്‍വ്വം രേഖപ്പെടുത്തുന്നു.

അമേരിക്കയിലെ മലായള മാധ്യമപ്രവര്‍ത്തകരും സാഹിത്യകാരന്മാരും സമാന സ്വഭാവക്കാരാണ്. വീക്ഷണത്തിലും ലക്ഷ്യത്തിലും രണ്ടുകൂട്ടരും ലാഭം ലക്ഷ്യമാക്കുന്നില്ല. അവരുടെ മൂലധനം ത്യാഗം മാത്രമാണ്. മലയാളത്തിന്റെ നിലനില്‍പാണ് അവരുടെ നേട്ടം.

പരസ്പര ധാരണയോടും സഹകരണത്തോടും കൂടി IPCNA യും LANA യും ഒന്നിച്ചു പ്രവര്‍ത്തിക്കേണ്ടത് ഇരുകൂട്ടരുടെയും വിജയത്തിനാവശ്യമാണ്. ഈ സന്ദര്‍ഭത്തില്‍, IPCNA യുടെ ചിക്കാഗോ സമ്മേളനത്തിന് സര്‍വ്വവിധ പിന്തുണയും വാഗ്ദാനം ചെയ്യുന്നു, വിജയം ആശംസിക്കുന്നു.

ആശംസകളോടെ,
ജെ. മാത്യൂസ്, സെക്രട്ടറി, ലാന


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top