Flash News
ആള്‍ക്കൂട്ടത്തില്‍ തനിയെ; സാധാരണക്കാരില്‍ സാധാരണക്കാരനായി മുന്‍ ക്രിക്കറ്റ് ക്യാപ്റ്റന്‍ രാഹുല്‍ ദ്രാവിഡ്   ****    മോദിക്കെതിരെ രൂക്ഷ വിമര്‍ശനവുമായി കോണ്‍‌ഗ്രസ് നേതാവ് ആനന്ദ് ശര്‍മ്മ   ****    നടിയെ ആക്രമിച്ച കേസിലെ ‘മാഡ’ത്തിനേയും ‘വമ്പന്‍ സ്രാവിനേയും’ കുടുക്കാന്‍ പോലീസ്   ****    ദിലീപിനെതിരെയുള്ള കുറ്റപത്രത്തിന്റെ കൂടുതല്‍ വിവരങ്ങള്‍ പുറത്ത്; നടിയെ ദിലീപ് ഭീഷണിപ്പെടുത്തുന്നതിന് ദൃക്സാക്ഷി നടന്‍ സിദ്ദിഖ്; പിന്നീട് സിദ്ദിഖും നടിയെ താക്കീത് ചെയ്തെന്ന്; നടിയുടെ സഹോദരന്റെ മൊഴി നിര്‍ണ്ണായകം   ****    ലഷ്‌കര്‍ ഇ തൊയ്ബ നേതാവ് ഹാഫിസ് സെയ്ദ് അമേരിക്ക ഭീകരനായി പ്രഖ്യാപിച്ച വ്യക്തിയാണെന്നുള്ള കാര്യം മറക്കരുതെന്ന് പാകിസ്താനോട് അമേരിക്ക   ****   

താളം സാന്ദ്രം; സംഗീതം ! (കവിത)

November 10, 2017 , ജയന്‍ വര്‍ഗീസ്

thalam sandram banner1

യദുകുല രതി ദേവന്‍
കൃഷ്ണന്‍ മരിച്ചു,
ശ്രീരാമ ചന്ദ്രന്‍ മരിച്ചു!
ബുദ്ധനും മരിച്ചു,
ക്രിസ്തുവും മരിച്ചു,
നബിയും, വീരനും മരിച്ചു!
അയ്യായിരം കോടി
മനുഷ്യര്‍ മരിച്ചു,
*അവരുടെ സ്വപ്നങ്ങള്‍ മരിച്ചു!

മനുഷ്യന് ദൈവത്തിന്‍
പരിവേഷം ചാര്‍ത്തിയ
പരമ ദ്രോഹികളാര്?
അത് വ്യാസനോ, ശൗലോ,
സൂഫിയോ, ഇനിയും
പേരറിയാത്തവരോ?
വാളിനാലാന്യന്റെ
ചോര ചിന്തിക്കുവാ
നായരുടെ വേദ പാഠം?
ഹൂറിമാര്‍ ബിക്കിനി
പ്പൂവിതളേകുമെ
ന്നാരുടെ സുവിശേഷം?

ജീവിതം ധാന്യം,
പ്രപഞ്ച സര്‍ഗ്ഗത്തില
ത്തുന്പില്‍ പുരണ്ട തുഷാര ബിന്ദു!
സത്യമായ്, സ്‌നേഹമായ്,
സാന്ത്വന സംഗീതമായ്
നിത്യ സത്യത്തെ വഹിച്ചു നില്‍പ്പൂ!
സൃഷ്ടി, സ്ഥിതി, സത്വ
സംക്രമണത്തിലെ
മുത്തായി സ്വന്തം വിളങ്ങി നില്‍പ്പൂ!!

എത്ര യുഗത്തിന്‍
തപസ്സിന്റെ വാല്മീക
ക്കെട്ടഴിച്ചാണു നാം വന്നുചേര്‍ന്നു?
ഞെട്ടറ്റു വീഴുന്‌പോള്‍
വീഴട്ടെ, കാലമാം
വറ്റാത്ത സാഗര നീരൊഴുക്കില്‍!
ഒന്നുറയൂരുക,
രാസ മാറ്റത്തിന്റെ
പൊന്നിന്‍ ചിലമ്പൊലി ത്താളവായ്പ്പില്‍,
പൊട്ടി വിടരാനിരിക്കും യുഗങ്ങളില്‍
മറ്റൊരു മുത്തില്‍ പുനര്‍ജ്ജനിക്കാന്‍?!

* ഭൂമുഖത്ത് മനുഷ്യനുണ്ടായ ശേഷം, അയ്യായിരം കോടി സ്ത്രീ പുരുഷന്മാര്‍  ജനിച്ചു മരിച്ചു എന്ന് ശാസ്ത്രത്തിന്റെ നിഗമനം.
അവലംബം: ഡോക്ടര്‍ ഹമീദ് ഖാന്‍ എഴുതിയ  ലേഖനം കലാ കൗമുദിയില്‍.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top