Flash News

ഷെറിൻ മാത്യൂസിന്റെ നാലു വയസ്സുള്ള സഹോദരിയെ ഫോസ്റ്റർ കെയറില്‍ നിന്ന് മാറ്റും

November 14, 2017

siniറിച്ചാര്‍ഡ്സണ്‍ (ടെക്സസ്): വെസ്ലി-സിനി മാത്യൂസ് ദമ്പതികളുടെ നാലു വയസ് പ്രായമുള്ള മകളെ ഏതു സമയത്തും ഹ്യൂസ്റ്റണിലുള്ള വെസ്ലിയുടെ കുടുംബത്തിന്റെ സംരക്ഷണത്തിലേക്ക് മാറ്റുമെന്ന് സിനിയുടെ അഭിഭാഷകന്‍ വെളിപ്പെടുത്തി.

മൂന്നു വയസുള്ള ഷെറിൻ മാത്യൂസ് അപ്രത്യക്ഷമായതിന് ശേഷം ശിശുസം‌രക്ഷണ വകുപ്പ് കുട്ടിയെ ഏറ്റെടുത്തിരുന്നു.

തിങ്കളാഴ്ച രാവിലെ വെസ്ലിയും സിനിയും കോടതിയിൽ ഹാജരാകുമെന്ന് വെസ്ലിയുടെ സിവില്‍ കേസ് കൈകാര്യം ചെയ്യുന്ന അറ്റോര്‍ണി ഡേവിഡ് ക്ലെക്നര്‍ പറഞ്ഞിരുന്നെങ്കിലും സിനി മാത്രമാണ് കോടതിയില്‍ ഹാജരായത്.

മാത്യൂസിന് ജാമ്യം ലഭിക്കാത്തത് എന്തുകൊണ്ടാണെന്നറിയില്ലെന്ന് അറ്റോര്‍ണി വ്യക്തമാക്കി. ഷെറിന്‍ അപ്രത്യക്ഷമായതും തുടര്‍ന്ന് മരണവും നടന്നപ്പോഴാണ് ഒരു ദശലക്ഷം ഡോളര്‍ ജാമ്യത്തുക നിശ്ചയിച്ച് വെസ്ലിയെ ജയിലിലടച്ചത്.

സിനിയുടെ അറ്റോർണി മിച്ചൽ നോൾട്ട കേസിൽ വാദം കേട്ടതിനുശേഷം പറഞ്ഞു “ജഡ്ജി ഷാനന്റെ തീരുമാനവും തുടര്‍ന്നുള്ള വാദവും കേൾക്കാൻ ഞങ്ങൾ തയ്യാറാണ്. സിപിഎസ് കേസിൽ സിനി മാത്യൂസിനെതിരെ ഉന്നയിച്ച ആരോപണങ്ങളെക്കുറിച്ച് പഠിക്കാന്‍ കൂടുതല്‍ സമയം നൽകണമെന്ന് ആവശ്യപ്പെട്ടിട്ടുണ്ട്. സിപിഎസിന്റെ പഠന റിപ്പോർട്ട് കോടതിയിൽ ഹാജരാക്കുന്നത് കാത്തിരിക്കുകയാണ്. അതിനുശേഷമേ കുട്ടിയെ എവിടെയാണ് താമസിപ്പിക്കാന്‍ പോകുന്നതെന്ന് അറിയാന്‍ കഴിയൂ.” കേസ് നവംബര്‍ 29-ന് കോടതി വീണ്ടും പരിഗണിക്കും.

sini2 sini4

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top