Flash News

അജ്ഞം (കവിത): ജയന്‍ വര്‍ഗീസ്

November 18, 2017 , ജയന്‍ വര്‍ഗീസ്

anjam banner1

ആപേക്ഷികങ്ങളി-
ലാറാടി വിശ്വയ്ക
സീമകള്‍ താണ്ടും
പരംപൊരുള്‍ പുണ്യമേ,

കാലഘട്ടത്തിന്റെ
നാഭിയില്‍ ത്താമര –
പ്പൂദള മേറുന്ന
ബ്രഹ്മ സ്വരൂപമേ,

നിന്റെ നിതാന്തമാം
ചൈതന്യ ധാരായി –
ലെന്തെ, ന്തതിശയ –
മെന്റെ സംയോജനം!?

ഇന്നലെ യേതോ
യുഗത്തിന്റെ തന്‍മാത്ര –
യിന്നിന്റെ ഞാന്‍, നാളെ
വീണ്ടും കണികകള്‍!?

എന്നിലെ ഞാനായി
വന്നു നീ, ശൂന്യമാ –
മെന്നില്‍ ത്തെളിയുന്ന
കര്‍പ്പൂര നാളമായ്?!

പുണ്യ പ്രകാശമേ,
നിന്നെയറിയുവാ –
നെന്റെ യശാന്തമാം
പാഴ് ശ്രമം ജീവിതം!!

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top