Flash News

നാല്പതു വര്‍ഷങ്ങള്‍ക്കുശേഷം അവള്‍ കണ്ടു അവളുടെ മുത്തശ്ശിയേയും മറ്റു കുടുംബാംഗങ്ങളേയും; അര്‍ജന്റീനയിലൊരു അപൂര്‍‌വ്വ സംഗമം

December 7, 2017

ar‘മോഷ്ടിക്കപ്പെട്ട കുട്ടി’ക്ക് 40 വര്‍ഷത്തിന് ശേഷം ബന്ധുക്കളെ തിരിച്ചുകിട്ടി. അര്‍ജന്റീനയിലാണ് സംഭവം. അര്‍ജന്റീനയില്‍ 1976 മുതല്‍ 1983 വരെ നീണ്ട പട്ടാളഭരണകാലത്ത് ‘മോഷ്ടിക്കപ്പെട്ട’ കുഞ്ഞുങ്ങളിലൊരാളാണ് ആഡ്രിയാന. ഇടതുപക്ഷപ്രവര്‍ത്തകരായിരുന്നു അവളുടെ അച്ഛനമ്മമാര്‍. ലാ പ്ലാറ്റ പട്ടണത്തിലെ കോളെജ് പഠനകാലത്ത് പരിചയപ്പെട്ട് വിവാഹിതരായ വയലെറ്റ ഒര്‍ട്ടോലനിയും എഡ്ഗാര്‍ഡോ ഗാര്‍ണിയറും. എട്ടുമാസം ഗര്‍ഭിണിയായിരിക്കെ 1976 ഡിസംബറില്‍ പട്ടാളം ഒര്‍ട്ടോലനിയെ പിടികൂടി. തടവിലായിരിക്കെ 1977 ജനുവരിയില്‍ അവര്‍ ആഡ്രിയാനയെ പ്രസവിച്ചു. ഭാര്യയെയും മകളെയും തേടിനടന്ന ഗാര്‍ണിയറെയും പട്ടാളം ജയിലിലടച്ചു. ഗാര്‍ണിയറും ഒര്‍ട്ടോലനിയും പിന്നീടൊരിക്കലും തമ്മില്‍ക്കണ്ടില്ല. പട്ടാളഭരണകാലത്ത് കാണാതായ 30,000 പേരില്‍ അവരുടെ പേരും ചേര്‍ക്കപ്പെട്ടു.

ഗാര്‍ണിയറുടെ അമ്മ പേരക്കുട്ടിയെക്കുറിച്ചുള്ള അന്വേഷണം തുടര്‍ന്നു. ആരുടെയോ മകളായിവളര്‍ന്ന ആഡ്രിയാന കഴിഞ്ഞദിവസം മുത്തശ്ശിയോട് ഫോണില്‍ സംസാരിച്ചു. കാണാതായ പേരക്കുട്ടികളെ തേടുന്നതിനായി മുത്തശ്ശിമാരുണ്ടാക്കിയ ‘ഗ്രാന്‍ഡ്മദേഴ്‌സ് ഓഫ് പ്ലാസ ഡി മയോ’ വഴിയാണ് ആഡ്രിയാന ബന്ധുക്കളെ കണ്ടെത്തിയത്. ഈ സംഘടനവഴി ബന്ധുക്കളുമായിച്ചേരുന്ന 126ാമത്തെ ‘കുട്ടി’യാണവര്‍.

അടുത്ത കാലംവരെ ആഡ്രിയാനയ്ക്ക് അച്ഛനമ്മമാരുണ്ടായിരുന്നു. അവര്‍ മരിച്ചതോടെയാണ് ആഡ്രിയാന ആ യാഥാര്‍ഥ്യം തിരിച്ചറിഞ്ഞത്. മരിച്ചവര്‍ തന്റെ യഥാര്‍ഥ അച്ഛനമ്മമാരല്ല എന്ന്. തന്നെ പ്രസവിച്ച അമ്മയെത്തേടി നാല്പതാമത്തെ വയസില്‍ ആഡ്രിയാനയും ഇറങ്ങിയതോടെയാണ് യഥാര്‍ഥ ബന്ധുക്കളുടെ അടുത്തെത്തിയത്.

ar1 ar2 ar3 ar4 ar5 ar6 ar7 ar8 ar9 ar10 ar11 ar12 ar13 ar14

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top