Flash News

ഫിലഡല്‍ഫിയ ഈഗിള്‍സ് ചരിത്ര വിജയം നേടി

February 7, 2018 , സുമോദ് നെല്ലിക്കാല

2-4 eagles win_1517801134324.jpg_33122425_ver1.0_640_360ഫിലഡല്‍ഫിയ: ഫിലഡല്‍ഫിയയുടെ അഭിമാനമായ ഫിലഡല്‍ഫിയ ഈഗിള്‍സ് അന്‍പത്തി രണ്ടാമത് സൂപ്പര്‍ ബോള്‍ ചാമ്പ്യന്മാരായി ചരിത്ര പുസ്തകത്തില്‍ ഇടം പിടിച്ചു.

നാഷണല്‍ ഫുട്ബോള്‍ ലീഗില്‍ മുന്‍പ് മൂന്നു തവണ ഫിലഡല്‍ഫിയ ഈഗിള്‍സ് ചാമ്പ്യന്മാരായിട്ടുണ്ടെങ്കിലും അന്‍പത്തിയൊന്ന് വര്‍ഷങ്ങള്‍ക്ക് മുന്‍പ് സൂപ്പര്‍ ബോള്‍ രൂപീകരിക്കപ്പെട്ട ശേഷം ഇതാദ്യമായാണ് ഈഗിള്‍സ് വിജയം കൈവരിക്കുന്നത്.

മുന്‍പ് അഞ്ചു തവണ സൂപ്പര്‍ ബോള്‍ ചാമ്പ്യന്മാരായിരുന്ന ന്യൂ ഇംഗ്ലണ്ട് പാട്രിയോട്ടിനെയാണ് ഫിലഡല്‍ഫിയ ഈഗിള്‍സ് 41 33 ലീഡില്‍ തറ പറ്റിച്ചത്.

വിജയാഘോഷത്തിന്റെ ഭാഗമായി ഫിലഡല്‍ഫിയ സിറ്റിയില്‍ പരേഡ് നടത്തുമെന്ന് മേയര്‍ ജിം കെന്നി ട്വിറ്ററില്‍ കുറിച്ചു. വിജയാഘോഷം സമാധാനപരമാവണമെന്നു മേയര്‍ പത്രസമ്മേളനത്തില്‍കൂടി അറിയിച്ചിട്ടുണ്ട്. പരേഡ് നടക്കുന്ന ഭാഗങ്ങളില്‍ റോഡ് അടച്ചിടുന്നതിനാല്‍ ബസുകള്‍ മുടങ്ങുമെന്നും യാത്രക്കാര്‍ മുന്‍കരുതലുകള്‍ എടുക്കണമെന്നും സെപ്റ്റ അഥോറിറ്റി അറിയിച്ചു.

ഫിലഡല്‍ഫിയയിലെ വിവിധ മലയാളി സംഘടനകളും മീറ്റിംഗുകള്‍ സംഘടിപ്പിച്ചു ഫിലഡല്‍ഫിയ ഈഗിള്‍സിനെ അഭിനന്ദിച്ചു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top