Flash News

യുവപ്രതിഭകളെ കണ്ടെത്താന്‍ ഇന്‍ഡിവുഡ് ടാലെന്റ്റ് ഹണ്ട്: റെജിസ്ട്രേഷന്‍ ആരംഭിച്ചു

March 8, 2018

Indywood Talent Hunt 18 Official Poster New

● 10 ബില്യണ്‍ യുഎസ് ഡോളര്‍ സംരംഭമായ ഇന്‍ഡിവുഡാണ് യുവപ്രതിഭകള്‍ക്ക് അവസരമൊരുക്കുന്നത്
● സിനിമാ മേഖലയിലെ മത്സരങ്ങള്‍ക്ക് ഒരു ലക്ഷം രൂപ സമ്മാനവും സിനിമയില്‍ പ്രവര്‍ത്തിക്കാനുമുള്ള അവസരം ഒരുക്കും. മറ്റ് ഇനങ്ങള്‍ക്ക് ക്യാഷ് പ്രൈസും ആകര്‍ഷകമായ സമ്മാനങ്ങളും നല്‍കും
● ഫൈനല്‍ മത്സരങ്ങള്‍ ഡിസംബര്‍ ഒന്ന് മുതല്‍ നാല് വരെ ഹൈദരാബാദില്‍ നടക്കും
● ഇന്‍ഡിവുഡ് ഫിലിം കാര്‍ണിവലിന്റെ ഭാഗമായാണ് ടാലെന്റ്റ് ഹണ്ട് ഒരുങ്ങുന്നത്

കൊച്ചി (08.03.2018): രാജ്യത്തെമ്പാടുമുള്ള പ്രതിഭകള്‍ക്ക് അവരുടെ കഴിവുകള്‍ പ്രദര്‍ശിപ്പിക്കാനും ഇന്ത്യന്‍ സിനിമാ രംഗത്തെ പ്രശസ്‌തരുമായി സംവദിക്കാനുമുള്ള സുവര്‍ണ്ണാവസരവുമാണ് ഇന്‍ഡിവുഡ് ടാലെന്റ് ഹണ്ട്. ഇന്ത്യന്‍ സിനിമയെ അന്താരാഷ്ട്ര നിലവാരത്തിലേക്ക് ഉയര്‍ത്താനുള്ള പത്ത് ബില്യണ്‍ യുഎസ് ഡോളര്‍ പദ്ധതിയായ ഇന്‍ഡിവുഡാണ് ടാലെന്റ് ഹണ്ട് സംഘടിപ്പിക്കുന്നത്.

സിനിമയിലേക്കുള്ള വാതില്‍

ഇന്‍ഡിവുഡ് ടാലെന്റ് ക്ലബ്ബിന്റെ സഹകരണത്തോടെ നടത്തുന്ന ടാലെന്റ് ഹണ്ടില്‍ സിനിമാ മേഖലയുമായി ബന്ധപ്പെട്ട് ഒമ്പത് മത്സര ഇനങ്ങളാണ് (അഭിനയം, സംവിധാനം, സംഗീതം, മോഡലിംഗ്, കോറിയോഗ്രഫി) ഉള്ളത്. ഒരു ലക്ഷം രൂപയാണ് സമ്മാന തുക. കൂടാതെ സിനിമാ രംഗത്ത് പ്രവര്‍ത്തിക്കാനുള്ള അവസരവും നല്‍കും.

വൈവിധ്യമാര്‍ന്ന മത്സരങ്ങള്‍

ആര്‍ജെ, വിജെ, ഡി, ഡോക്യുമെന്ററി, മ്യൂസിക് ബാന്‍ഡ്, കുട്ടികളുടെ ഷോര്‍ട്ട് ഫിലിം, സോളോ മ്യൂസിക്, ഡബ്‌സ്മാഷ്, സോളോ ഡാന്‍സ് തുടങ്ങി പത്തൊമ്പത് ജനറല്‍ വിഭാഗങ്ങളിലും മത്സരങ്ങള്‍ നടക്കും. 5,000 മുതല്‍ 15,000 രൂപ വരെയാണ് ഓരോ വിഭാഗത്തിലെ ജേതാക്കള്‍ക്കും രണ്ടാം സ്ഥാനക്കാര്‍ക്കും ലഭിക്കുക. രജിസ്റ്റര്‍ ചെയ്യാന്‍ http://indywoodtalenthunt.com/ സന്ദര്‍ശിക്കുക. കൂടുതല്‍ വിവരങ്ങള്‍ക്ക് ബന്ധപ്പെടുക: 9539009076.

കഴിഞ്ഞ വര്‍ഷം രാമോജി ഫിലിം സിറ്റിയില്‍ നടന്ന മൂന്നാമത് ഇന്‍ഡിവുഡ് ഫിലിം കാര്‍ണിവല്‍ ജനപങ്കാളിത്തവും പരിപാടിയുടെ മികവ് കൊണ്ടും ഏറെ ശ്രദ്ധ നേടിയിരുന്നു.

മിഷന്‍ ഇന്‍ഡിവുഡ്

2020 ഓടെ രാജ്യത്താകമാനം 4കെ നിലവാരത്തിലുള്ള 10000 മള്‍ട്ടിപ്ളെക്സ് സ്ക്രീനുകള്‍, ഒരു ലക്ഷം 2കെ ഹോം തീയേറ്ററുകള്‍, അന്താരാഷ്ട്ര നിലവാരത്തിലുള്ള ഫിലിം സ്കൂളുകള്‍, സിനിമാ സ്റ്റുഡിയോകള്‍, ആനിമേഷന്‍/വി.എഫ്.എക്സ് സ്റ്റുഡിയോകള്‍ തുടങ്ങിയ അത്യാധുനിക സൗകര്യങ്ങളാണ് ഇന്‍ഡിവുഡ് വിഭാവനം ചെയ്യുന്നത്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top