Flash News

പൗലോസ് കുയിലാടന്‍ ഫോമാ നാഷണല്‍ കമ്മറ്റിയിലേക്ക് മത്സരിക്കുന്നു

March 19, 2018

kuyiladenഫ്‌ളോറിഡ : പ്രശസ്ത നാടകനടനും, നാടകരചയിതാവും, സംവിധായകനുമായ പൗലോസ് കുയിലാടന്‍ ഫ്‌ളോറിഡ റീജിയനില്‍ നിന്നും ഫോമാ നാഷണല്‍ കമ്മറ്റിയിലേക്ക് മത്സരിക്കുന്നു. ഒര്‍ലാന്‍റ്റോ റീജിണല്‍ യുണൈറ്റഡ് മലയാളി അസോസിയേഷന്‍ (ഒരുമ) ആണ് സംഘടനയുടെ സ്ഥാപകരില്‍ ഒരാളായ പൗലോസ് കുയിലാടനെ ഏകകണ്ഠമായി നാമനിര്‍ദ്ദേശം ചെയ്തത്.

സ്കൂള്‍ കാലഘട്ടം മുതല്‍ നാടകരംഗത്തു സജീവ സാന്നിധ്യമായിരുന്ന പൗലോസ് ഏഷ്യാനെറ്റ് ടെലികാസ്റ്റ് ചെയ്ത ” സാന്‍റ്റ പറയാത്ത കഥ ” എന്ന സീരിയല്‍ സംവിധാനം ചെയ്തിട്ടുണ്ട്.വരും,വരുന്നു,വന്നു എന്ന സിനിമയിലും അഭിനയിച്ചിട്ടുണ്ട്. അന്തരിച്ച പ്രശസ്ത നടന്‍ കലാഭവന്‍ മണിയുടെ കൂടെയും സ്‌റ്റേജ്‌ഷോകളില്‍ സജീവമായിരുന്നു. “ദൈവം തുണ വേണം” എന്ന മ്യൂസിക് സി.ഡി ഗാനങ്ങളെഴുതി നിര്‍മിച്ചിട്ടുണ്ട്.

ഫ്‌ളോറിഡയിലെ മലയാളി സംഘടനകളുടെ ആഘോഷവേളകളില്‍ പൗലോസ് ഒട്ടേറെ പ്രോഗ്രാമുകള്‍ക്ക് നേതൃത്വം നല്‍കി അവതരിപ്പിച്ചിട്ടുണ്ട്. തന്റെ കഴിവുകള്‍ ഫോമയുടെ കലാപരമായ പരിപാടികള്‍ നടത്തുവാന്‍ പരമാവധി പ്രയോജനപ്പെടുത്താന്‍ ശ്രമിക്കുമെന്ന് പൗലോസ് പറയുന്നു.

ജോയിച്ചന്‍ പുതുക്കുളം


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top