Flash News

കാമുകിയെ കണ്ടെത്താന്‍ വനിതാ യൂണിവേഴ്സിറ്റിയില്‍ അഡ്മിഷന്‍ തേടി ഒരു യുവാവ്

March 28, 2018

china_3ഉപരി പഠനത്തിനായി ഏതെങ്കിലും കോളേജുകളില്‍ അഡ്മിഷന്‍ ലഭിക്കുന്നതിനും, അപേക്ഷകര്‍ക്ക് അഡ്മിഷന്‍ നല്‍കുന്നതിനും നിരവധി കാര്യങ്ങള്‍ പരിഗണിക്കേണ്ടതുണ്ട്. ചേരാന്‍ ഉദ്ദേശിക്കുന്ന കോഴ്‌സ്, ഫീസ്, നിലവാരം, ദൂരം എന്നിങ്ങനെയൊക്കെയുള്ള കാര്യങ്ങളിലാണ് പരിഗണന നല്‍കേണ്ടത്. എന്നാല്‍ ചൈനയിലെ ഒരു വിദ്യാര്‍ത്ഥി ഉപരിപഠനത്തിനായി കോളേജ് തിരഞ്ഞെടുത്തപ്പോള്‍ ഇതൊന്നുമല്ല പരിഗണിച്ചത്. നല്ലൊരു കാമുകിയെ കണ്ടെത്താന്‍ സാധിക്കണം എന്നുമാത്രമായിരുന്നു ആ വിദ്യാര്‍ത്ഥിയുടെ പരിഗണന. ഉപരിപഠനത്തിനായി ആ വിദ്യാര്‍ത്ഥി തെരഞ്ഞെടുത്തതാവട്ടെ ബെയ്ജിങ്ങിലെ ഒരു വനിതാ കോളേജും.

18 വയസുള്ള പേര് വെളിപ്പെടുത്താത്ത വിദ്യാര്‍ത്ഥി കാമുകിയെ കണ്ടെത്തണമെന്ന ലക്ഷ്യവുമായി ചൈനാ വുമണ്‍സ് യൂണിവേര്‍സിറ്റിയില്‍ പ്രവേശനത്തിനായി അപേക്ഷ സമര്‍പ്പിച്ചത് സൗത്ത് ചൈന മോണിങ്ങ് പോസ്റ്റ് എന്ന പത്രമാണ് റിപ്പോര്‍ട്ട് ചെയ്തത്.
എല്ലാ വര്‍ഷവും ഒരു ആണ്‍ക്കുട്ടിക്ക് ചൈന വുമണ്‍സ് യൂണിവേഴ്‌സിറ്റി പഠനത്തിനുള്ള അവസരം നല്‍കാറുണ്ട്. ഈ സാധ്യത ഉപയോഗിച്ചാണ് 18 വയസുകാരന്‍ വനിതാ കോളേജില്‍ പ്രവേത്തിനായി അപേക്ഷിച്ചത്.

പ്രവേശനത്തിന് മുന്നോടുയായിട്ടുള്ള അഭിമുഖത്തില്‍ സര്‍വ്വകലാശാല അധികൃതരോടാണ് വിദ്യാര്‍ത്ഥി തന്റെ പ്രഥമ ലക്ഷ്യം വെളിപ്പെടുത്തിയത്. യൂണിവേര്‍സിറ്റി ഇത് റെക്കോര്‍ഡ് ചെയ്യുകയും ചെയ്തു. പിന്നീട് യൂണിവേര്‍സിറ്റിയുടെ അനുവാദത്തോടെ അഭിമുഖത്തിന്റെ വീഡിയോ ദൃശ്യങ്ങള്‍ ഓണ്‍ലൈനില്‍ പ്രസിദ്ധീകരിച്ചു. ഇതോടെ സംഭവം വൈറലായി.

യൂണിവേഴ്‌സിറ്റിയില്‍ കുറെ പെണ്‍ക്കുട്ടികള്‍ ഉണ്ട്. തനിക്കിവിടെ പഠിക്കാന്‍ സാധിച്ചാല്‍ ഒരു കാമുകിയെ കണ്ടെത്താന്‍ വലിയ ബുദ്ധിമുട്ടുണ്ടാവില്ലെന്നാണ് വിദ്യാര്‍ത്ഥി പറയുന്നത്. എന്തായാലും വിദ്യാര്‍ത്ഥിയുടെ പ്രവേശന നടപടികള്‍ അന്തിമ ഘട്ടത്തിലാണെന്നാണ് വിവരം.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top