Flash News
ശബരിമലയില്‍ പ്രക്ഷോഭത്തിനൊരുങ്ങുന്ന ബിജെപി നേതാക്കളെ കരുതല്‍ തടങ്കലില്‍ വെക്കാന്‍ പോലീസ് പദ്ധതിയിടുന്നു; ദേശീയ നേതാക്കളെ ശബരിമലയിലെത്തിക്കാന്‍ ബിജെപിയും തയ്യാറെടുക്കുന്നു   ****    ഇരുമുടിക്കെട്ടിനോട് അനാദരവ് കാണിക്കുന്നവരാണ് പ്രശ്നക്കാര്‍; അവരെത്തുന്നത് മനഃപ്പൂര്‍‌വ്വം പ്രശ്നങ്ങളുണ്ടാക്കാനാണെന്ന് ദേവസ്വം ബോര്‍ഡ് പ്രസിഡന്റ്   ****    ബിജെപിയുടെ തന്ത്രം പിഴച്ചു; രാഷ്ട്രീയ നേട്ടത്തിന് കെ. സുരേന്ദ്രന്‍ ശബരിമലയില്‍ കാണിച്ചത് ആചാര ലംഘനം; ഇരുമുടിക്കെട്ട് സുരേന്ദ്രന്‍ തന്നെ താഴെയിടുന്ന ദൃശ്യങ്ങള്‍ പുറത്ത്   ****    രാഷ്ട്രീയ കലാപത്തിന് ഇരുമുടിക്കെട്ട് ഉപയോഗിച്ച കെ. സുരേന്ദ്രന്റെ ദുഷ്ടമനസ്സ് ജനം തിരിച്ചറിഞ്ഞുവെന്ന് തോമസ് ഐസക്   ****    പ്രതിപക്ഷ എംഎല്‍എമാര്‍ പമ്പയിലെത്തി; സുരക്ഷയുടെ പേരില്‍ പൊലീസ് നടത്തുന്ന നിയന്ത്രണങ്ങള്‍ അസൗകര്യങ്ങള്‍ മറച്ചുപിടിക്കാനെന്ന് എംഎല്‍എമാര്‍   ****   

ഇരവാളര്‍ക്ക് നീതി കിട്ടും വരെ പോരാടും: ഫ്രറ്റേണിറ്റി മൂവ്മെന്റ്

April 25, 2018 , രാജേഷ് സൂര്യന്‍

IMG-20180425-WA0064പാലക്കാട്: കൊല്ലങ്കോട്, എലവഞ്ചേരി പഞ്ചായത്തുകളിലെ പട്ടികവര്‍ഗ്ഗ വിഭാഗത്തില്‍ ഉള്‍പ്പെട്ട ഇരവാളന്‍ സമുദായക്കാര്‍ക്ക് സര്‍ട്ടിഫിക്കറ്റ് അനുവദിക്കണമെന്ന് ആവശ്യപ്പെട്ട് പട്ടികജാതി പട്ടിക വര്‍ഗ്ഗ വകുപ്പു മന്ത്രി എ.കെ ബാലന്റെ വസതിയിലേക്ക് ഇരവാളര്‍ നടത്തിയ മാര്‍ച്ചിന് വെല്‍ഫെയര്‍ പാര്‍ട്ടിയും ഫ്രറ്റേണിറ്റി മൂവ്മെന്റും ഐക്യദാര്‍ഢ്യം അറിയിച്ചു.

പട്ടികവര്‍ഗ സര്‍ട്ടിഫിക്കറ്റ് ലഭ്യമാക്കാത്തതിന്റെ പേരില്‍ ഉദ്യോഗാര്‍ത്ഥികള്‍ക്ക് ഉദ്യോഗത്തില്‍ പ്രവേശിക്കാനോ വിദ്യാര്‍ത്ഥികള്‍ക്ക് വിദ്യാഭ്യാസ ആനുകൂല്യങ്ങള്‍ നേടിയെടുക്കാനോ കഴിയാത്ത അവസ്ഥയാണ് നിലവിലുള്ളത്. 2014 വരെ ഇവര്‍ക്ക് അനുവദിച്ചിരുന്ന പട്ടികവര്‍ഗ്ഗ സര്‍ട്ടിഫിക്കറ്റാണ് നിര്‍ത്തലാക്കിയിരിക്കുന്നത്. കിര്‍ത്താഡ്സ് ഉദ്യോഗസ്ഥരുടേയും രാഷ്ട്രീയ പാര്‍ട്ടികളുടെയും വാരേണ്യവര്‍ഗ്ഗ താല്‍പ്പര്യത്തിന്റെ ഇരകളാണ് ഇവര്‍. ഭരണഘടനാപരമായി സംവരണത്തിന്റെ അടിസ്ഥാനത്തില്‍ ജീവിക്കുന്ന ആദിവാസികളെ ഇല്ലാതാക്കാനുള്ള സര്‍ക്കാറിന്റെ ഗൂഢാലോചനയാണ് ഇത്.

നൂറ്റിപ്പത്ത് ദിവസമായി കൊല്ലങ്കോട് നമ്പര്‍ 2 വില്ലേജിനു മുന്നില്‍ നടത്തുന്ന സമരം കണ്ടില്ലെന്ന് നടിക്കുന്ന സര്‍ക്കാരും വകുപ്പ് മന്ത്രിയും വിഷയത്തിലിടപ്പെട്ട് ഉടന്‍ പരിഹാരം കാണുന്നില്ലെങ്കില്‍ ശക്തമായ പ്രക്ഷോഭ പരിപാടികളുമായി മുന്നോട്ടു പോകുമെന്ന് വെല്‍ഫെയര്‍ പാര്‍ട്ടിയുടെയും ഫ്രറ്റേണിറ്റി മൂവ്മെന്റിന്റെയും നേതാക്കള്‍ പറഞ്ഞു. വെല്‍ഫെയര്‍ പാര്‍ട്ടി ജില്ലാ ജന. സെക്രട്ടറി അജിത് കൊല്ലങ്കോട്, ഫ്രറ്റേണിറ്റി മൂവ്മെന്റ് സംസ്ഥാന ജന. സെക്രട്ടറി പ്രദീപ് നെന്മാറ, ജില്ല പ്രസിഡന്റ് റഷാദ് പുതുനഗരം, മുജീബ് റഹ്മാന്‍, സതീഷ് എന്നിവര്‍ നേതൃത്വം നല്‍കി.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top