Flash News
കുട്ടികളെ ഉള്‍പ്പെടുത്തി നടത്തുന്ന റിയാലിറ്റി ഷോകള്‍ക്ക് കടിഞ്ഞാണിട്ട് കേന്ദ്ര വാര്‍ത്താവിനിമയ പ്രക്ഷേപണ മന്ത്രാലയം   ****    ശബരിമലയിലെ യുവതീ പ്രവേശനം തടയാനുളള ബില്ല്: അനുമതി തേടി പ്രേമചന്ദ്രന്‍; അനുകൂലിക്കുന്നുവെന്ന് കുമ്മനവും കോൺഗ്രസ്സും   ****    ബിനോയ് കോടിയേരി മൂന്നു ദിവസത്തിനകം മുംബൈ ഓഷിവാര പോലീസ് സ്റ്റേഷനില്‍ ഹാജരാകണമെന്ന്   ****    ആ ചിത്രം അറം പറ്റിയപോലെയായി; ഭീകരരുമായി ഏറ്റുമുട്ടുന്നതിനിടെ വീരമൃത്യു വരിച്ച മേജര്‍ കേതന്‍ ശര്‍മ്മയുടെ അവസാന വാട്സ്‌ആപ്പ് സന്ദേശം; വിശ്വസിക്കാനാവാതെ കുടുംബം   ****    സുപ്രീംകോടതിയിലെ മുതിര്‍ന്ന അഭിഭാഷകര്‍ക്കെതിരെ കേസ്   ****   

കര്‍ണ്ണാടകയില്‍ മന്ത്രിസ്ഥാനങ്ങളെ ചൊല്ലി തര്‍ക്കം; സോണിയയും കുമാരസ്വാമിയും തമ്മില്‍ ചര്‍ച്ച തുടങ്ങി

May 21, 2018

Lawmakers from India's main opposition Congress party and the Janata Dal (Secular) protest against India's ruling Bharatiya Janata Party (BJP) leader B.S. Yeddyurappa's swearing-in as Chief Minister of the southern state of Karnataka, in Bengaluru, India, May 17, 2018. REUTERS/Abhishek N. Chinnappa

കര്‍ണാടകയില്‍ സത്യപ്രതിജ്ഞയ്ക്ക് തൊട്ടുമുന്‍പ് കോണ്‍ഗ്രസ് ജെഡിഎസ് സഖ്യത്തില്‍ കല്ലുകടി. മന്ത്രിസ്ഥാനങ്ങളെച്ചൊല്ലി ഇരുപാര്‍ട്ടികളും തമ്മില്‍ തര്‍ക്കം തുടങ്ങി. കോണ്‍ഗ്രസ് കൂടുതല്‍ സീറ്റുകളില്‍ ജയിച്ചതിനാല്‍ കൂടുതല്‍ മന്ത്രിസ്ഥാനങ്ങള്‍ വേണമെന്ന് ഡി.കെ ശിവകുമാര്‍ തന്നെ ആവശ്യമുന്നയിച്ചു. എച്ച് ഡി കുമാരസ്വാമിയും സോണിയാഗാന്ധിയും തമ്മില്‍ നടക്കുന്ന ചര്‍ച്ചയില്‍ അന്തിമതീരുമാനമുണ്ടായേക്കും. എന്നാല്‍ മന്ത്രിസഭാ രൂപീകരണത്തില്‍ കോണ്‍ഗ്രസുമായി തര്‍ക്കങ്ങളൊന്നുമില്ലെന്ന് എച്ച്.ഡി.കുമാരസ്വാമി പറഞ്ഞു. അതേസമയം, ലിംഗായത്ത് വിഭാഗത്തിന് ഉപമുഖ്യമന്ത്രി സ്ഥാനം നൽകണമെന്ന് ആവശ്യപ്പെട്ട് സമുദായ നേതാക്കൾ രാഹുൽ ഗാന്ധിക്ക് കത്ത് കൈമാറി.

കര്‍ണാടകയില്‍ ബിജെപിയെ തറപറ്റിക്കാന്‍ വിശ്വാസവോട്ടെടുപ്പ് ദിനം ഒറ്റക്കെട്ടായി നിന്ന കോണ്‍ഗ്രസ് ജെഡിഎസ് സഖ്യത്തില്‍ തുടക്കത്തിലേ തര്‍ക്കങ്ങള്‍ ഉടലെടുക്കുകയാണ്. മന്ത്രിസ്ഥാനങ്ങളെച്ചൊല്ലി ഇരുപാര്‍ട്ടികളിലെയും നേതൃത്വങ്ങള്‍ തര്‍ക്കം തുടങ്ങി. ജെഡിഎസ് നേതാവ് എച്ച് ഡി കുമാരസ്വാമി മുഖ്യമന്ത്രിയാകുമ്പോള്‍ മുതിര്‍ന്ന കോണ്‍ഗ്രസ് നേതാവ് ജി. പരമേശ്വരയ്ക്ക് ഉപമുഖ്യമന്ത്രി സ്ഥാനമെന്നായിരുന്നു പ്രാഥമിക ധാരണ.

കോണ്‍ഗ്രസിന് 20 ക്യാബിനറ്റ് മന്ത്രി സ്ഥാനങ്ങളു ജെഡിഎസിന് 14 ക്യാബിനറ്റ് മന്ത്രിസ്ഥാനങ്ങളും ധാരണയായിരുന്നു. എന്നാല്‍ വിശ്വാസവോട്ടെടുപ്പില്‍ ചാണക്യതന്ത്രങ്ങള്‍ മെനഞ്ഞ കോണ്‍ഗ്രസ് നേതാവ് ഡി.കെ ശിവകുമാര്‍ തന്നെ കൂടുതല്‍ മന്ത്രിസ്ഥാനങ്ങള്‍ ആവശ്യപ്പെട്ട് രംഗത്തെത്തി. കൂടുതല്‍ സീറ്റുകള്‍ ജയിച്ചതിനാല്‍ കൂടുതല്‍ സ്ഥാനങ്ങള്‍ വേണമെന്നാണ് ആവശ്യം. ജെഡിഎസും കോണ്‍ഗ്രസും തമ്മില്‍ മുമ്പുണ്ടായിരുന്ന സഖ്യം കയ്‌പേറിയ അനുഭവമായിരുന്നെന്നും ശിവകുമാര്‍ പറഞ്ഞു.

ധനകാര്യവകുപ്പ് കുമാരസ്വാമി തന്നെ കൈകാര്യം ചെയ്യും. വിശ്വാസവോട്ടടെപ്പില്‍ ചാണക്യതന്ത്രങ്ങള്‍ മെനഞ്ഞ ഡി.കെ ശിവകുമാറിന് മുന്‍പ് വഹിച്ചിരുന്ന ഊര്‍ജമന്ത്രാലയത്തിന്റെ ചുമതല നല്‍കുമെന്നും അറിയുന്നു. അതേസമയം എച്ച് ഡി കുമാരസ്വാമിയും സോണിയാഗാന്ധിയും തമ്മില്‍ നടക്കുന്ന ചര്‍ച്ചയില്‍ തര്‍ക്ക പരിഹാരമുണ്ടാകുമെന്നാണ് പ്രതീക്ഷ. കോണ്‍ഗ്രസും ജെഡിഎസും തമ്മില്‍ നേര്‍ക്ക്‌നേര്‍ പോരാട്ടം നടന്ന ഓള്‍ഡ് മൈസൂരില്‍ താഴേക്കിടയില്‍ പ്രശ്‌നപരിഹാരത്തില്‍ സംസ്ഥാന നേതാക്കള്‍ നേരിട്ട് ചര്‍ച്ച നടത്തുമെന്നാണ് സൂചന.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top