Flash News
ജാമ്യ വ്യവസ്ഥകള്‍ ലംഘിച്ച രാഹുല്‍ ഈശ്വറിന്റെ ജാമ്യം കോടതി റദ്ദ് ചെയ്തു; പാലക്കാട് നിന്ന് രാഹുലിനെ പോലീസ് കസ്റ്റഡിയിലെടുത്തു   ****    പ്രളയത്തിന് ശേഷം എല്‍ നിനോ; കേരളത്തെ കാത്തിരിക്കുന്നത് കൊടുംവരളര്‍ച്ച   ****    സിഖ് വിരുദ്ധ കലാപം : കോണ്‍ഗ്രസ് നേതാവ് സജ്ജന്‍കുമാറിന് ജീവപര്യന്തം തടവ്   ****    കെഎസ്ആര്‍ടിസിയിലെ എംപാനല്‍ ജീവനക്കാരെ ഇന്ന് പിരിച്ചുവിടും ; സാമ്പത്തിക പ്രയാസത്തിനിടയാക്കുമെന്ന് ഗതാഗതമന്ത്രി; ആശങ്ക വേണ്ടെന്ന് എംഡി ടോമിന്‍ തച്ചങ്കരി   ****    ലോകവ്യാപകമായി നിരോധിച്ച മയക്കുമരുന്നുമായി സീരിയല്‍ നട് അശ്വതി ബാബുവും ഡ്രൈവറും കൊച്ചിയില്‍ പിടിയിലായി; വന്‍ മയക്കുമരുന്നു മാഫിയയുടെ കണ്ണിയാണ് നടി എന്ന്   ****   

അപകടകാരികളായ തെരുവു നായ്ക്കളെ കൊല്ലാമെന്ന് സുപ്രീം കോടതി

June 9, 2018

dogന്യൂഡല്‍ഹി: ജനങ്ങള്‍ക്കു ഭീഷണി ഉയര്‍ത്തുന്ന തെരുവുനായ്ക്കളെ കൊല്ലുന്നതു വിലക്കാനാവില്ലെന്നു സുപ്രീംകോടതി. ഇതുസംബന്ധിച്ചു മൃഗാവകാശ പ്രവര്‍ത്തകയായ അഡ്വ. ഗാര്‍ഗി ശ്രീവാസ്തവ നല്‍കിയ ഹര്‍ജി ജസ്റ്റിസുമാരായ എ.കെ. ഗോയല്‍, അശോക് ഭൂഷണ്‍ എന്നിവരടങ്ങിയ അവധിക്കാല ബെഞ്ച് തള്ളി. ഉത്തര്‍പ്രദേശിലെ സീതാപൂരില്‍ 13 കുട്ടികള്‍ തെരുവുനായ ആക്രമണത്തില്‍ കൊല്ലപ്പെട്ടിരുന്നു. ഇതോടെ, പ്രദേശവാസികള്‍ തെരുവുനായ്ക്കളെ കൊന്നൊടുക്കാന്‍ തുടങ്ങിയ സാഹചര്യത്തിലാണ് ഹര്‍ജിക്കാരന്‍ പരമോന്നത നീതിപീഠത്തെ സമീപിച്ചത്.

ജില്ലാ ഭരണകൂടവും ഇവയെ കൊല്ലുന്നതിന് കൂട്ടുനില്‍ക്കുകയാണെന്ന് അഡ്വ. ഗാര്‍ഗി ശ്രീവാസ്തവയ്ക്കുവേണ്ടി ഹാജരായ അഡ്വ. വിഭ മഖിജ ബോധിപ്പിച്ചു. കേസില്‍ സ്‌ട്രേ ഡോഗ് ഫ്രീ മൂവ്‌മെന്റ് ചെയര്‍മാന്‍ കൊച്ചൗസേപ്പ് ചിറ്റിലപ്പിള്ളി കക്ഷി ചേര്‍ന്നിരുന്നു. അദ്ദേഹത്തിനു വേണ്ടി അഡ്വ. വി.കെ. ബിജു ഹാജരായി.

കേരളത്തിലെയും മഹാരാഷ്ട്രയിലെയും തെരുവുനായ വിഷയവുമായി ബന്ധപ്പെട്ട് ചീഫ് ജസ്റ്റിസ് ദീപക് മിശ്ര ഉള്‍പ്പെടുന്ന സുപ്രീം കോടതി ബെഞ്ചിന്റെ സുപ്രധാനവിധി ജൂലൈയില്‍ വരാനിരിക്കേ ഇടക്കാല ഉത്തരവ് അപ്രസക്തമാണെന്നു കോടതി നിരീക്ഷിച്ചു. ഇതിനു മുന്‍പ് കേരള ഹൈക്കോടതിയും ബോംബെ ഹൈക്കോടതിയും തെരുവുനായ്ക്കളെ ഉന്‍മൂലനം ചെയ്യുന്നതിന് അനുകൂലമായി വിധി പ്രസ്താവിച്ചിട്ടുണ്ട്.

അപകടകാരികളായ നായ്ക്കളില്‍നിന്നു നിരപരാധികളായ കുട്ടികള്‍ക്കും പൊതുജനങ്ങള്‍ക്കും സംരക്ഷണം ഉറപ്പുനല്‍കുന്ന വിധി തികച്ചും സ്വീകാര്യമാണെന്നും മനുഷ്യജീവനു തെരുവുനായ്ക്കളുടെ ജീവനേക്കാള്‍ വിലയുണ്ടെന്നും കൊച്ചൗസേപ്പ് ചിറ്റിലപ്പിള്ളി പറഞ്ഞു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top