Flash News

ഏഷ്യാനെറ്റ് യു.എസ് വീക്കിലി റൗണ്ടപ്പ് ഷിക്കാഗോ ബ്യുറോയ്ക്ക് നവസാരഥികള്‍

June 17, 2018 , വിനോദ് കോണ്ടൂര്‍ ഡേവിഡ്

Asianetഷിക്കാഗോ. അമേരിക്കയിലെ പ്രവാസി സമൂഹത്തിന്റേയും ആഗോള പ്രവാസി സമൂഹത്തിന്റേയും ജനപ്രിയ പരിപാടിയായിയായ, പതിമൂന്നു വര്‍ഷങ്ങളായി എല്ലാ ആഴ്ചയിലും സംപ്രേഷണം ചെയ്യുന്ന ഏഷ്യാനെറ്റ് യു.എസ് വീക്ക്‌ലി റൗണ്ടഅപ്പിന് ഷിക്കാഗോയില്‍ നവസാരഥികള്‍. അനില്‍ മറ്റത്തിക്കുന്നേല്‍ ആണ് ഷിക്കാഗോ റീജനല്‍ പ്രൊഡക്ഷന്‍ ഹെഡ്. അവതാരകയായി ഡോ. മിയ നിധിനും, ജീവന്‍ തോട്ടിക്കാട്ട്, സജി പണയപ്പറമ്പില്‍, ടിബു തോമസ് എന്നിവര്‍ ടീമിന്റെ ഭാഗമായും പ്രവര്‍ത്തിക്കും.

അനില്‍ മറ്റത്തിക്കുന്നേല്‍ പന്ത്രണ്ടു വര്‍ഷങ്ങളായി ഷിക്കാഗോയിലെ മലയാളി സമൂഹത്തില്‍ നിറസാന്നിധ്യമായി മാധ്യമ രംഗത്തും ഓഡിയോ വിഷ്വല്‍ രംഗത്തും പ്രവര്‍ത്തിച്ചുവരുന്നു. ജനപ്രിയ തത്സമയ സംപ്രേക്ഷണത്തിന് പുതിയ മാനങ്ങള്‍ നല്‍കിയ കെവി ടിവിയുടെ സ്ഥാപകാംഗമായും, വിവിധ ചാനലുകളില്‍ വൈവിധ്യമാര്‍ന്ന പരിപാടികളുടെ പ്രൊഡ്യൂസറായും പ്രവര്‍ത്തിച്ചിട്ടുണ്ട്.

അവതാരകയായിയെത്തുന്ന ഡോ. മിയ നിധിന്‍ തന്റെ പ്രൊഫഷനോടൊപ്പം മാധ്യമരംഗത്തും സജീവമാണ്. നിലവില്‍ ഏഷ്യാനെറ്റ് യു.എസ് വീക്ക്‌ലി റൗണ്ടപ്പില്‍ ഒട്ടേറെ ജനപ്രിയ എപ്പിസോഡുകളില്‍ അവതാരകയായി ശ്രദ്ധേയയായിട്ടുണ്ട് .

ഷിക്കാഗോയിലെ സാമൂഹിക സാംസ്കാരിക സംഘടനകളുടെ പരിപാടികള്‍ കൂടുതലായി സം‌പ്രേക്ഷണം ചെയ്യാന്‍ ഈ ടീം സഹായകരമാവുമെന്ന് ഏഷ്യാനെറ്റ് യു.എസ് പ്രോഗ്രാം ഡയറക്ടര്‍ രാജു പള്ളത്ത് പറഞ്ഞു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top