Flash News

അഹം ബ്രഹ്മാസ്മി (കവിത)

June 20, 2018 , ജയന്‍ വര്‍ഗീസ്

aham brahmasmi banner1

ചെളിയുടെ, യടിയിലെ
യെളിമയില്‍ നിന്നൊരു
ദളപുട, മുണരുമെ
ന്നറിഞ്ഞീല ഞാന്‍ ?

ഒരുനൂറ് ദളവുമാ
യൊരു നീലത്താമര
വിരിയുമ്പോ, ളറി
യാതെ, യമ്പരന്നു !

അകലെയാകാശത്തിന്‍
കരിമേഘക്കാട്ടിലാ,
മഴവില്ലു വിരിയുമെ
ന്നറിഞ്ഞീല ഞാന്‍ ?

അഴകിന്റെ യൊരുകോടി
ത്തളിമയാ, യാകാശത്തി
ലതുവന്നു നിറയു
മ്പോള്‍, അമ്പരന്നു !

ഇരുളിന്റെ, യീറ്റില്ലത്തില്‍
പിടയുന്ന ചോരക്കുഞ്ഞായ്
പുലരികള്‍ തുടുക്കു
മെന്നറിഞ്ഞീല ഞാന്‍ ?

ഉറങ്ങുമ്പോളുണരുവാ,
നൊരു മൃദു രശ്മിക്കൈയാല്‍
തഴുകുമ്പോ, ളറി
യാതെ, യമ്പരന്നു !

അറിവല്ല, ജ്ഞാനത്തിന്റെ
യകത്തുള്ള കിളിവാതില്‍
തുറക്കുവാന്‍ കഴിയുമെ
ന്നറിഞ്ഞീല ഞാന്‍ ?

നിലയ്ക്കാത്ത സത്യത്തിന്റെ
നിറക്കൂട്ടില്‍ നിന്നൊക്കേയും
വരയ്ക്കുന്നു ദൈവം,
വീണ്ടും അമ്പരന്നു !!

‘ചിറകടികള്‍’ എന്ന കഴിഞ്ഞ കവിതയില്‍ രണ്ട് തെറ്റുകള്‍ വന്നു പോയിട്ടുണ്ട്. ഒന്ന്: ഉത്തര കൊറിയന്‍ ഭരണാധികാരിയുടെ പേര് തെറ്റിച്ചാണ് എഴുതിയിട്ടുള്ളത് എന്നതിനാല്‍, ആയത് ‘കിം ജോംഗ് ഉന്‍’ എന്നും, രണ്ട് : ഇരുപത്തി നാലാം വരിയുടെ അവസാനം ‘ഭൂമിയില്‍’ എന്നതിന് പകരം ‘ചുറ്റിലും’ എന്നും തിരുത്തി വായിക്കുവാന്‍ അപേക്ഷിക്കുന്നു. തെറ്റ് പറ്റിയതില്‍ ഖേദിക്കുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top