Flash News

വേള്‍ഡ് മലയാളി കൗണ്‍സില്‍ ഈദ് ആഘോഷവും മാപ്പിളപാട്ട് മത്സരവും സംഘടിപ്പിക്കുന്നു

June 21, 2018 , എഫ് എം ഫൈസല്‍

wmcവേള്‍ഡ് മലയാളി കൗണ്‍സില്‍ ബഹ്റൈന്‍ പ്രൊവിന്‍സിന്‍റെ ചെറിയ പെരുന്നാള്‍ ആഘോഷവും, മെംബര്‍ഷിപ്പ് ക്യാംപയിനും ജൂണ്‍ അവസാനവാരം വിപുലമായ രീതിയില്‍ നടത്താന്‍ എക്സികൃുട്ടീവ് കമ്മറ്റി യോഗം കൂടി തീരുമാനിച്ചതായി ഭാരവാഹികള്‍ അറിയിച്ചു. അംഗങ്ങള്‍ക്ക് വേണ്ടി മാപ്പിളപ്പാട്ട് മത്സരവും, മൈലാഞ്ചി ഇടല്‍ മത്സരവും പെരുന്നാള്‍ ആഘോഷത്തോട് അനുബന്ധിച്ച് സംഘടിപ്പിക്കുമെന്നും പത്താം ക്ളാസ്സിലും പന്ത്രണ്ടാം ക്ളാസ്സിലും മികച്ച വിജയം നേടിയ ഡബ്ല്യൂ.എം.സി അംഗങ്ങളുടെ കുട്ടികളെ തദവസരത്തില്‍ ഉപഹാരം നല്‍കി ആദരിക്കുമെന്നും കൂടാതെ എല്ലാ മാസവും ജീവകാരുണ്യ പ്രവര്‍ത്തനങ്ങളടക്കം വരുന്ന പ്രതിമാസ പ്രവര്‍ത്തനങ്ങള്‍ക്ക് തുടക്കം കുറിക്കുമെന്നും ഭാരവാഹികള്‍ അറിയിച്ചു.

ചെയര്‍മാന്‍ ദേവരാജന്‍ അദ്ധ്യക്ഷത വഹിച്ച യോഗത്തില്‍ പ്രസിഡന്റ് എഫ് എം ഫൈസല്‍ സ്വാഗതമാശംസിച്ചു. സെക്രട്ടറി ജൃോതിഷ് പണിക്കര്‍ നന്ദി പറഞ്ഞു. ഭാരവാഹികളായ പ്രദീപ് പുറവങ്കര, മൃദുല ബാലചന്ദ്രന്‍, ഷൈനി നിത്യന്‍, ജൂലിയറ്റ് തോമസ്, റ്റിറ്റി വില്‍സന്‍, ജഗത് കൃഷ്ണകുമാര്‍, ബിജു മലയില്‍, ബാലചന്ദ്രന്‍ കുന്നത്ത്, രാജീവ് വെള്ളിക്കോത്ത് എന്നിവര്‍ സംബന്ധിച്ചു.

വിശദ വിവരങ്ങള്‍ക്ക്: മൃദുല ബാലചന്ദ്രന്‍ 39372322, ജ്യോതിഷ് പണിക്കര്‍ 39091901.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top