Flash News
കേരളത്തിന്റെ നവനിര്‍മ്മാണ പ്രക്രിയയില്‍ അമേരിക്കന്‍ മലയാളികളുടെ പിന്തുണ തേടി മുഖ്യമന്ത്രി പിണറായി വിജയന്‍   ****    ഐക്യരാഷ്ട്ര സഭ അസംബ്ലിക്കിടെ നടത്താന്‍ ഉദ്ദേശിച്ചിരുന്ന ഇന്ത്യാ – പാക് സമാധാന ചര്‍ച്ചയില്‍ നിന്ന് ഇന്ത്യ പിന്മാറി   ****    ക്രിക്കറ്റിന് ഭാഷയോ ദേശമോ സംസ്ക്കാരമോ ആരാധകര്‍ക്ക് വിഷയമേ അല്ലെന്ന് തെളിയിച്ച് ഒരു വീഡിയോ; പാകിസ്താന്‍ യുവാവ് ഇന്ത്യന്‍ ദേശീയഗാനം ആലപിക്കുന്ന വിഡീയോ സോഷ്യല്‍ മീഡിയയില്‍ വൈറല്‍   ****    ബിഷപ്പിനെ കുരുക്കിയത് കുറുവിലങ്ങാട് മഠത്തിലെ കന്യാസ്ത്രീയുടെ മൊഴിയും ബിഷപ്പ് വന്ന കാറിന്റെ ഡ്രൈവറുടെ മൊഴിയും; ചോദ്യങ്ങളില്‍ നിന്ന് ഒഴിഞ്ഞുമാറാന്‍ ശ്രമിച്ച ബിഷപ്പിന് അവസാനം ഉത്തരം മുട്ടി   ****    ഇ.എം.രാധ, പി.എം.മനോജ്, വി.എസ്.രാജേഷ്, സുധീര്‍ കരമന അമേരിക്കയിലേക്ക്   ****   

ചംക്രമണ സംഗീതം (കവിത)

June 25, 2018 , ജയന്‍ വര്‍ഗീസ്

chamkramana banner1സിംഹാസനങ്ങള്‍ ഞാന്‍
വെട്ടിപ്പിടിക്കുമായിരുന്നു ;
എന്നും അതിലിരിക്കാനെന്‍ നട്ടെല്ല്
വളയാതിരുന്നെങ്കില്‍ ?

കൊട്ടാരങ്ങള്‍ ഞാന്‍
കെട്ടിപ്പൊക്കുമായിരുന്നൂ ;
അതില്‍ പാര്‍ക്കുമെന്‍ കാല
മവസ്സാനിക്കാതിരുന്നെങ്കില്‍ ?

ആരുടെയാവകാശവും ഞാ
നപഹരിക്കുമായിരുന്നൂ ;
അതനുഭവിക്കാനെന്നുമെന്‍
സാന്നിധ്യമുണ്ടായിരുന്നെങ്കില്‍ ?

മിനുത്ത തൊലിയുടെ
കൊഴുത്ത മടക്കുകളില്‍
ഞാനെന്റെ സ്വപ്നം ഇറ്റിക്കുമായിരുന്നൂ ;
എന്നുമതതുപോലെ മിനുത്തിരുന്നെങ്കില്‍ ?

മണ്ണും, ജലവും, വായുവും, അഗ്‌നിയും
എന്റേതെന്നു ഞാന്‍ പറയുമായിരുന്നൂ ;
എന്നെന്നു, മവയോടൊപ്പം
ഞാനുണ്ടായിരുന്നെങ്കില്‍ ?

നിലാവും, നിഴലും, കാറ്റും, കുളിരും
എനിക്ക് വേണ്ടിയെന്നറിയുമായിരുന്നൂ ഞാന്‍ ;
എനിക്ക് ശേഷവുമവക
ളില്ലായിരുന്നെങ്കില്‍ ?

എനിക്ക് വേണ്ടി മാത്ര
മൊന്നുമില്ലെന്നറിയുന്നു ഞാന്‍ !
അവയ്ക്കു വേണ്ടിയുള്ളതാണ്,
ഞാനെന്ന പോലെ ?

എന്റെ ബുദ്ധി, സ്വത്തു, ശക്തി
യെല്ലാം ഞാന്‍ തരാം ;
എന്റെ നരയും, ജരയുമൊന്നു
തിരിച്ചെടുക്കുകില്‍ ?

എന്റേതെന്നു നിങ്ങള്‍ പറയുന്ന
തെന്തും ഞാന്‍ തരാം ;
എന്റെയായുഷ്ക്കാല, മൊരു ചാണ്‍
നീട്ടിത്തരുമെങ്കില്‍ ?

വിതച്ച വിത്തില്‍ നിന്നുമത്രേ
മുളച്ചു വന്നൂ ഞാന്‍ !
വിതയ്ക്കയാണ്, നശിച്ചു വീണ്ടും
മുളച്ചുയര്‍ന്നിടാന്‍ ?

ഉദിക്കയാണ് കാലം നാളെ
യുയര്‍ന്നു പൊങ്ങിടാന്‍ ;
ഇരുട്ടിനെന്തു സ്ഥാനം മണ്ണില്‍
മരിക്കയല്ലാതെ ….??

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top