Flash News

തിരുവല്ലാ അസ്സോസിയേഷന്‍ ജോര്‍ജ് മാമ്മന്‍ കൊണ്ടൂരിനും ഫിലിപ്പ് ചാമത്തിലിനും സ്വീകരണം നല്‍കി

July 14, 2018 , ഷാജി രാമപുരം

Imageഡാളസ്: തിരുവല്ലാ അസ്സോസിയേഷന്റെ നേതൃത്വത്തില്‍ ഡാളസിലെ പ്ലേനോ ബസെറ റെസ്റ്റോറന്റ് ഹാളില്‍ കൂടിയ സമ്മേളനത്തില്‍ പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റും കോണ്‍ഗ്രസ് നേതാവുമായ ജോര്‍ജ് മാമ്മന്‍ കൊണ്ടൂരിനും ഡാളസ് മലയാളി അസ്സോസിയേഷന്റെ സാരഥിയും ഫോമയുടെ നിയുക്ത പ്രസിഡന്റ് ഫിലിപ്പ് ചാമത്തിലിനും ഉജ്ജ്വല സ്വീകരണം നല്‍കി.

സോണി ജേക്കബിന്റെ അദ്ധ്യക്ഷതയില്‍ കൂടിയ സമ്മേളനത്തില്‍ തിരുവല്ലാ അസ്സോസിയേഷനെ പ്രതിനിധീകരിച്ച് സുനില്‍ വര്‍ഗീസ്, ലയണ്‍സ് ക്ലബിനെ പ്രതിനിധികരിച്ച് പി.ടി. മാത്യു, റാന്നി അസ്സോസിയേഷനെ പ്രതിനിധികരിച്ച് ഷിജു എബ്രഹാം, ഡാളസിലെ കേരളാ എക്യുമെനിക്കല്‍ ക്രിസ്ത്യന്‍ ഫെലോഷിപ്പിനെ പ്രതിനിധികരിച്ച് അലക്‌സ് അലക്‌സാണ്ടര്‍, ഫ്ലവേഴ്സ് ടിവിയെ പ്രതിനിധീകരിച്ച് ടി.സി. ചാക്കോ, ഡാളസ് മലയാളി അസ്സോസിയേഷനെ പ്രതിനിധികരിച്ച് ലിജി തോമസ് എന്നിവര്‍ ആശംസകള്‍ നേര്‍ന്ന് സംസാരിച്ചു.

സമ്മേളനത്തില്‍ വിശിഷ്ടാതിഥികളെ തോമസ് എബ്രഹാം പൊന്നാട അണിയിച്ചു. സുനു മാത്യു സ്വാഗതവും മാത്യു സാമുവേല്‍ നന്ദിയും രേഖപ്പെടുത്തി. സെക്രട്ടറി ബിജു വര്‍!ഗീസ് എംസിയായി പ്രവര്‍ത്തിച്ചു.

പത്തനംതിട്ട ജില്ലയുടെ വിവിധ പ്രദേശങ്ങളില്‍ തിരുവല്ലാ അസ്സോസിയേഷന്‍ ചെയ്യുന്ന പ്രവര്‍ത്തനങ്ങള്‍ക്ക് ജോര്‍ജ് മാമ്മന്‍ കൊണ്ടൂര്‍ ജില്ലാ പഞ്ചായത്തിന്റെ പേരിലുള്ള നന്ദിയും ഫോമയുടെ പ്രസിഡന്റായി തിരഞ്ഞെടുക്കപ്പെടാന്‍ ഇടയായതില്‍ ഡാളസിലെ എല്ലാ മലയാളി സംഘടനാ നേതാക്കളോടുമുള്ള നന്ദി ഫിലിപ്പ് ചാമത്തിലും അറിയിച്ചു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top