കനത്ത മഴ നാശം വിതച്ച ജില്ലകളെ പ്രളയ ബാധിത പ്രദേശമായി സര്‍ക്കാര്‍ പ്രഖ്യാപിക്കും. ഡാമുകളിലെ ജലനിരപ്പ് അമ്പരപ്പിക്കും വിധം ഉയര്‍ന്നു. ചിലതൊക്കെ തുറന്നുവിടേണ്ടി വന്നേക്കാം. തുറക്കട്ടെ അല്ലാതെ എന്ത് ചെയ്യും.

മാതൃഭൂമി വീക്കിലിയിലെ ‘മീശ’ എന്ന കഥ, കഥാകാരന്‍ സംഘികളുടെ ഭീഷണിയില്‍ നിര്‍ത്തിവച്ചു. ഹിന്ദു സ്ത്രീകളെ അപമാനിക്കലാണ് മീശയുടെ കഥ എന്നായിരുന്നു ആരോപണം. അല്‍പ്പം നമ്പൂതിരി ടച്ച് വിഷയമാണ്. തല്‍ക്കാലം ഹിന്ദു സ്ത്രീകള്‍ കുളിക്കണോ, അമ്പലത്തില്‍ പോകണോ എന്നൊക്കെ കേന്ദ്ര വനിതാ കമ്മീഷന്‍ തീരുമാനിക്കട്ടെ..അല്ല പിന്നെ …

കേരള സംസ്ഥാന ഫിലിം അവാര്‍ഡിന് മോഹല്‍ലാല്‍ അതിഥിയായി ക്ഷണിക്കപ്പെടരുത് എന്ന് പറഞ്ഞു നൂറു കണക്കിന് സിനിമ പ്രവർത്തകര്‍, എന്തായാലും കേരള സര്‍ക്കാർ മീശ ചുരുട്ടി (പിണറായി വിജയന് മീശ ഉണ്ടോ ഒന്ന് ഒരു ലേശം സംശയമില്ലാതില്ല..ട്ടോ ..) അത് അവഗണിച്ചു, അങ്ങനെ ലാലേട്ടന്‍ മീശ ചുരുട്ടിത്തന്നെ അതില്‍ പങ്കെടുക്കും എന്നാണ് കേള്‍ക്കുന്നത് ..പെറ്റമ്മയെ മറന്നാലും ‘അമ്മയെ’ മറക്കില്ല എന്നല്ലേ ചൊല്ല് !!!