Flash News

കാനഡയും സൗദി അറേബ്യയും കൊമ്പുകോര്‍ക്കുന്നു; പ്രശ്നത്തില്‍ ഇടപെടാനാകില്ലെന്ന് യു.എസ്.

August 9, 2018

180808111831-canada-saudi-arabia-tension-exlarge-169സൗദി അറേബ്യ ജയിലില്‍ അടച്ച മനുഷ്യാവകാശ പ്രവര്‍ത്തകരെ ഉടന്‍ വിട്ടയക്കണമെന്ന് ആവശ്യപ്പെട്ട് കാനഡ ട്വീറ്റിനെ ചൊല്ലിയുള്ള പ്രശ്‌നങ്ങള്‍ അവസാനിക്കുന്നില്ല. പ്രശ്‌നത്തില്‍ ഇടപെടാന്‍ സാധിക്കില്ലെന്ന് യുഎസ് സ്റ്റേറ്റ് ഡിപ്പാര്‍ട്ട്‌മെന്റ് വക്താവ് ഹീതെര്‍ നോര്‍ട്ട് വ്യക്തമാക്കിയിട്ടുണ്ട്. സൗദിയുടെ ആഭ്യന്തര കാര്യങ്ങളില്‍ ഇടപെട്ടു എന്ന് കാണിച്ചാണ് കാനഡയ്‌ക്കെതിരെ സൗദി അറേബ്യ നടപടികള്‍ കൈക്കൊണ്ടത്. സൗദിക്ക് പിന്തുണയുമായി അറബ് ലോകവും ഇപ്പോള്‍ രംഗത്തെത്തി. സൗദിയുടെ ആഭ്യന്തര കാര്യങ്ങളിലുള്ള ഇടപെടലാണ് കാനഡയുടെ പ്രവൃത്തിയെന്ന് യുഎഇയും അറബ് ലീഗും വ്യക്തമാക്കി.

മനുഷ്യാവകാശ പ്രവര്‍ത്തകന്റെ ജയില്‍മോചനവുമായി ബന്ധപ്പെട്ട് കാനഡ നടത്തിയ പ്രസ്താവനയെ തുടര്‍ന്നാണ് സൗദി അറേബ്യ കാനഡയ്‌ക്കെതിരെ കടുത്ത നടപടികള്‍ എടുക്കാന്‍ ആരംഭിച്ചത്. കാനഡയുമായുള്ള നയതന്ത്ര വ്യാപാര ബന്ധം വിച്ഛേദിച്ച അവര്‍ കനേഡിയന്‍ നയതന്ത്ര ഉദ്യോഗസ്ഥരോട് രാജ്യം വിട്ടുപോകാനും കാനഡയുമായുള്ള എല്ലാ വ്യാപാരങ്ങളും നിര്‍ത്തിവക്കാനും ഉത്തരവിട്ടിരുന്നു.

കാനഡയിലെ തങ്ങളുടെ നയതന്ത്ര പ്രതിനിധിയെ തിരിച്ചുവിളിക്കുമെന്നും സൗദി രാജഭരണകൂടം ട്വിറ്ററിലൂടെ അറിയിച്ചു. പിന്നീട് കാനഡയില്‍ സൗദി സ്‌ക്കോളര്‍ഷിപ്പോടു കൂടി പഠിക്കുന്ന 20,000 വിദ്യാര്‍ത്ഥികളേയും അവരുടെ കുടുംബാംഗങ്ങളേയും തിരിച്ചുവിളിക്കുകയും യുഎസ്, യുകെ എന്നീ രാജ്യങ്ങളില്‍ തുടര്‍ വിദ്യാഭ്യസത്തിന് സൗകര്യമുണ്ടാക്കുമെന്ന് അറിയിക്കുകയുമായിരുന്നു. കാനഡയിലേയ്ക്കും തിരിച്ചുമുള്ള സര്‍വീസുകള്‍ റദ്ദാക്കുമെന്ന് സൗദി അറേബ്യന്‍ എയര്‍ലൈന്‍സും അറിയിച്ചിരുന്നു.

HEATHER-NORT-1അറസ്റ്റ് ചെയ്ത് ജയിലലടച്ച മനുഷ്യാവകാശ പ്രവര്‍ത്തകരേയും വനിതാ ആക്ടിവിസ്റ്റായ സമര്‍ ബാദ്വിവിയേയും ഉടന്‍ വിട്ടയക്കണമെന്ന് കാനഡ ആവശ്യപ്പെട്ടതാണ് സൗദി ഭരണകൂടത്തെ ചൊടിപ്പിച്ചത്. കാനഡയുടെ നടപടി നിന്ദ്യവും ദൗര്‍ഭാഗ്യകരവുമാണെന്ന് സൗദി സര്‍ക്കാര്‍ പ്രസ്താവനയില്‍ പറഞ്ഞു.

തങ്ങളുടെ ആഭ്യന്തര കാര്യങ്ങളില്‍ ഇടപെടുന്നത് അംഗീകരിക്കാനാവില്ലെന്നും ജയിലലടക്കപ്പെട്ടവര്‍ നിരപരാധികളാണെന്ന കാനഡയുടെ നിലപാട് അത്ഭുതമുളവാക്കുന്നുവെന്നും സൗദി പറയുന്നു. എന്നാല്‍ സൗദിയുടെ നടപടിയില്‍ വ്യക്തത ആവശ്യമുണ്ടെന്നും മനുഷ്യാവകാശങ്ങള്‍ക്ക് വേണ്ടി തങ്ങള്‍ എന്നും നിലകൊള്ളുമെന്നും മറുപടി പ്രസ്താവനയില്‍ കാനഡ പറഞ്ഞിരുന്നു.

സൗദി അറേബ്യയും കാനഡയും അമേരിക്കയുടെ സൗഹൃദ പങ്കാളികളാണ്. അതുകൊണ്ടുതന്നെ പ്രശ്‌നത്തില്‍ ഇടപെടാന്‍ സാധിക്കില്ലെന്ന് യുഎസ് സ്റ്റേറ്റ് ഡിപ്പാര്‍ട്ട്‌മെന്റ് വക്താവ് ഹീതെര്‍ നോര്‍ട്ട് വ്യക്തമാക്കി. നയതന്ത്രപരമായി തന്നെ അവര്‍ ഈ പ്രശ്‌നം പരിഹരിക്കുന്നതാണ് നല്ലത്. വ്യക്തിഗത സ്വാതന്ത്ര്യത്തെയും രാജ്യങ്ങളുടെ പരമാധികാരത്തെയും ഒരു പോലെ ബഹുമാനിക്കുന്ന സമീപനമാണ് യുഎസിന്റേതെന്ന് ഹീതെര്‍ നോര്‍ട്ട് പറഞ്ഞു.

അതേ സമയം കാനഡ വിവിധ രാജ്യങ്ങളോട് പ്രശ്‌നവുമായി ബന്ധപ്പെട്ട് ചര്‍ച്ചകള്‍ നടത്തുന്നതായാണ് വിവരം ലഭിച്ചിരിക്കുന്നത്. റോയിട്ടേഴ്‌സില്‍ വന്ന റിപ്പോര്‍ട്ട് അനുസരിച്ച് പ്രശ്‌നം പരിഹരിക്കണമെന്നാവശ്യപ്പെട്ട് കാനഡ യുകെയെയും യുഎഇയെയും സമീപിച്ചിട്ടുണ്ട്.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top