Flash News

ദീര്‍ഘായുസ്സ് ശാപമായി ചിത്രീകരിക്കുന്ന തലമുറയുടെ വളര്‍ച്ച ആപത്ക്കരം: ജെ. ലളിതാംബിക ഐഎഎസ്

September 3, 2018 , പി.പി. ചെറിയാന്‍

IMG_1142ഡാളസ്: മനുഷ്യായുസ്സില്‍ ചെയ്ത നന്മ പ്രവര്‍ത്തികള്‍ക്ക് അംഗീകാരമായി ഈശ്വരന്‍ മനുഷ്യനു കനിഞ്ഞു നല്‍കുന്ന അനുഗ്രഹമാണ് ദീര്‍ഘായുസ്സെന്നും, മാതാപിതാക്കളെ ബഹുമാനിക്കുന്നവന് ദീര്‍ഘായുസ്സുണ്ടാകുമെന്നുള്ള പരമ്പരാഗത വിശ്വാസങ്ങളെ ആദരിച്ചിരുന്ന കാലഘട്ടത്തില്‍ നിന്നും ദീര്‍ഘായുസ്സിനെ ശാപമായി കണക്കാക്കുകയും അച്ചനമ്മമാരുടെ സാന്നിധ്യം പോലും വെറുക്കപ്പെടുകയും ചെയ്യുന്ന ഒരു കാലഘട്ടത്തിലൂടെയാണ് നാം കടന്നു പോകുന്നതെന്നും, ഇത്തരം ചിന്താഗതികള്‍ വെച്ചു പുലര്‍ത്തുന്ന യുവതലമുറയുടെ വളര്‍ച്ച ആപത്ക്കരമാണെന്നും ജെ. ലളിതാംബിക ഐഎഎസ് ഓര്‍മ്മപ്പെടുത്തി.

സെപ്റ്റബര്‍ 1 ശനിയാഴ്ച ഡാളസ് കേരള അസ്സോസിയേഷന്‍ സംഘടിപ്പിച്ച സീനിയര്‍ സിറ്റിസണ്‍ സെമിനാറില്‍ മുഖ്യാതിഥിയായി പങ്കെടുത്തു പ്രസംഗിക്കുകയായിരുന്നു അവര്‍.

കേരള സര്‍ക്കാരില്‍ ഉയര്‍ന്ന തസ്തികകളില്‍ സേവനമനുഷ്ഠിച്ചിട്ടുള്ള ലളിതാംബിക സമര്‍ത്ഥയായ ഒരു ഭരണാധികാരി മാത്രമായിരുന്നില്ലെന്നും, ഹാസ്യ സാഹിത്യത്തിലെ ഏക സ്ത്രീ സാന്നിധ്യവുമായിരുന്നുവെന്നും സദസ്സിനു അവരെ പരിചയപ്പെടുത്തിക്കൊണ്ട് ലാന സെക്രട്ടറി ജോസന്‍ ജോര്‍ജ് പറഞ്ഞു.

വാര്‍ദ്ധക്യവും സ്മൃതിയും എന്ന വിഷയത്തെ ആസ്പദമാക്കി പ്രമുഖ ഭിഷഗ്വരനും, സാഹിത്യ വിമര്‍ശകനുമായ ഡോ. എം. വി. പിള്ള പ്രബന്ധം അവതരിപ്പിച്ചു.

വാര്‍ദ്ധക്യസഹജമായ ഒന്നല്ല ഓര്‍മ്മക്കുറവെന്നും, തലച്ചോറിന് ആവശ്യമായ വ്യായാമം നല്‍കിയാല്‍ ഓര്‍മ്മക്കുറവെന്ന അസുഖത്തെ ഒരു പരിധിവരെ അകറ്റി നിര്‍ത്താനാകുമെന്നും ഡോ. പിള്ള പറഞ്ഞു. ദൈനംദിന സംഘര്‍ഷങ്ങള്‍ ലഘുകരിക്കാനായാല്‍ അകാല വാര്‍ദ്ധക്യത്തെ പൂര്‍ണ്ണമായും ഒഴിവാക്കാനാകുമെന്നും പിള്ള അഭിപ്രായപ്പെട്ടു. യോഗാ പരിശീലനത്തിന്റെ ആവശ്യകതയെക്കുറിച്ച് എബ്രഹാം മാത്യു ക്ലാസ്സെടുത്തു. ഐ. വര്‍ഗീസ്, റോയ് കൊടുവത്ത്, ഡാനിയേല്‍ കുന്നേല്‍ തുടങ്ങിയവര്‍ പ്രസംഗിച്ചു.

group IMG_1134 IMG_1136 kad55

IMG_1130 IMG_1132 IMG_1133


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top