Flash News

ന്യൂയോര്‍ക്കില്‍ സംയുക്ത ഓര്‍ത്തഡോക്‌സ് കണ്‍വന്‍ഷന്‍ – സെപ്തംബര്‍ 14 മുതല്‍ 16 വരെ

September 4, 2018 , ജോര്‍ജ് തുമ്പയില്‍

Combined Orthodox Convention Sep2ന്യൂയോര്‍ക്ക്: കൗണ്‍സില്‍ ഓഫ് ഇന്ത്യന്‍ ഓര്‍ത്തഡോക്‌സ് ചര്‍ച്ചസ് ഓഫ് ബ്രൂക്ക്‌ലിന്‍, ക്വീന്‍സ്, ലോംഗ് ഐലന്റിന്റെ ആഭിമുഖ്യത്തില്‍ സംയുക്ത ഓര്‍ത്തഡോക്‌സ് കണ്‍വന്‍ഷന്‍ നടത്തുന്നു. സെപ്റ്റംബര്‍ 14 മുതല്‍ 16 വരെ ഫ്ലോറല്‍ പാര്‍ക്കിലെ ഔവര്‍ ലേഡി ഓഫ് ദി സ്‌നോസ് റോമന്‍ കാത്തലിക്ക് ചര്‍ച്ചില്‍ (258-15 80th Ave., Floral Park, NY 11004) വെച്ചാണ് ത്രിദിന കണ്‍വന്‍ഷന്‍ നടക്കുന്നത്. എല്ലാ ദിവസവും വൈകിട്ട് 6.30 മുതല്‍ 7 വരെ നമസ്‌ക്കാരവും മധ്യസ്ഥ പ്രാര്‍ത്ഥനയും ഉണ്ടാവും.

സുവിശേഷ പ്രസംഗത്തിന് മുന്‍പും പിന്‍പും ക്വയര്‍ ഡയറക്ടര്‍ ഫാ. ജോണ്‍ തോമസിന്റെ നേതൃത്വത്തില്‍ ജോസഫ് പാപ്പന്‍ ഈണം പകര്‍ന്ന് കൗണ്‍സില്‍ ഓഫ് ചര്‍ച്ചസിന്റെ സം‌യുക്ത ക്വയര്‍ ആലപിക്കുന്ന ഗാനങ്ങള്‍ യോഗത്തെ ധന്യമാക്കും.

മൂന്നു ദിവസങ്ങളിലും ഫാ. ഐസക്ക് ബി. പ്രകാശ് (വികാരി, സെന്റ് പീറ്റേഴ്‌സ് ആന്റ് സെന്റ് പോള്‍സ് ചര്‍ച്ച്, ഹൂസ്റ്റണ്‍) സുവിശേഷ യോഗം നയിക്കും. ഞായറാഴ്ച വൈകുന്നേരം അലഹബാദ് ഭദ്രാസന അധ്യക്ഷന്‍ ഡോ. ഗീവര്‍ഗീസ് മാര്‍ യൂലിയോസ് മെത്രാപ്പോലീത്താ അനുഗ്രഹ പ്രഭാഷണം നടത്തുകയും ആശീര്‍വാദം നല്‍കുകയും ചെയ്യും. സ്‌തോത്ര കാഴ്ചയില്‍ നിന്ന് ലഭിക്കുന്ന തുക കേരളത്തിന്റെ ദുരിത നിവാരണ സംരംഭങ്ങള്‍ക്കായി നല്‍കും.

കൂടുതല്‍ വിവരങ്ങള്‍ക്ക്: ഫാ. ജോണ്‍ തോമസ് ആലുംമൂട്ടില്‍ (പ്രസിഡന്റ്) 516 996 488, തോമസ് വര്‍ഗീസ് (സെക്രട്ടറി) 917 731 7493, ഫിലിപ്പോസ് സാമുവല്‍ (ട്രഷറര്‍) 516 312 2902, മേരി ജോണ്‍ (പ്രോഗ്രാം കോ ഓര്‍ഡിനേറ്റര്‍), ഗായഗസംഘം കോ-ഓര്‍ഡിനേറ്റര്‍: സിബു ജേക്കബ്, ഫെനു മോഹന്‍, മിനി കോശി.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top