Flash News

എറിയുക, കല്ലെറിയുക ! (കവിത)

September 12, 2018 , ജയന്‍ വര്‍ഗീസ്

Eriyuka banner-1എറിയുക,
കല്ലെറിയുക !
കപടവേഷ കാട്ടിലാട്ടിന്‍
തോലണിഞ്ഞ കാപാലികരെ ?

നാടെരിയുന്‌പോള്‍ വീണകള്‍ മീട്ടും
നാണം കേട്ട നീറോമാരെ ?
കടല് വരുന്‌പോള്‍ കടിപിടി കൂടും
ഭരണക്കളി, യുടയോന്മാരെ ?
കുടില് വീണ കുഞ്ഞെലിക്കൊരു
വൈറ്റ് ലെഗോണ്‍ കോഴിക്കുഞ്ഞിനെ
സബ്‌സിഡിയായി പാതി വിലയ്ക്ക്
സമ്മാനിച്ചു സഹായിച്ചവരെ ?
കീശ വീര്‍ക്കാനാശ വച്ച
മീശക്കാരന്‍ സാറന്മാരെ ?
മുലയുടെ തൂക്ക ക്കവിത കുറിച്ചത്
മൂളും ‘കപി ‘ യാശാന്മാരെ ?
ചത്തടിഞ്ഞ തലകള്‍ക്കിടയില്‍
റിക്ടര്‍ സ്‌കെയിലില്‍ കമ്പനമളന്ന്,
മഴ പെയ്തതാണ് പ്രളയ കാരണമെന്ന്
സ്ഥിരീകരിച്ച ഗവേഷകരെ ?

അധര്‍മ്മത്തിന്റെ അവതാരമാണ്,
അടിപൊളിയെന്നറിയാത്ത
സമകാലികരെ ?
അടിപൊളിക്കു വളം വച്ച്
അടിമത്വം വിറ്റഴിക്കുന്ന
അന്താരാഷ്ട്ര മാഫിയകളെ ?
അവരുടെ ആസനം താങ്ങി
അനായാസം അടിമടി നിറക്കുന്ന
സിനിമാ സീരിയല്‍ ചരക്കുകളെ ?
ആര്‍ക്കും വേണ്ടാത്തത് വിറ്റഴിക്കാന്‍
കലയെ കച്ചവടമാക്കുന്ന
ചാനല്‍ തരികിട മാടമ്പികളേ ?

മുക്കിനു മുക്കിനു മുളച്ചു പൊന്തും
ഹോള്‍മാര്‍ക്ക് സ്വര്‍ണ്ണക്കാട്ടില്‍,
അപകര്‍ഷതാ ബോധക്കൂട്ടില്‍
ആത്മഹത്യാ മുനമ്പ് തീര്‍ക്കുന്നവരെ ?
അവരെറിയുന്ന അപ്പം ഞണ്ണി
അഭിമാനം പണയം വച്ച്,
അണിഞ്ഞാനന്ദിക്കാന്‍ ആഹ്വാനിക്കുന്ന
അപ്പര്‍ സൂപ്പര്‍ മെഗാ സ്റ്റാറുകളെ ?
വിറ്റഴിക്കാന്‍ വില പേശുമ്പോള്‍,
സത്യ ധര്‍മ്മങ്ങള്‍ തൊഴിച്ചകറ്റുന്ന
മത്തായിപ്പത്രങ്ങളെ ?

എറിയുക,
കല്ലെറിയുക !
കപടവേഷ ക്കാട്ടിലാട്ടിന്‍
തോലണിഞ്ഞ കാപാലികരെ ??


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top