Flash News

ബിഷപ്പ് ഫ്രാങ്കോ മുളയ്ക്കല്‍ കെസ്; കന്യാസ്ത്രീകള്‍ക്കെതിരെ ഗൂഢാലോചനക്കുറ്റം ചുമത്തി മിഷണറീസ് ഓഫ് ജീസസ് സന്യാസി സഭ; ബിഷപ്പിനെ അറസ്റ്റു ചെയ്യുന്നതുവരെ സമരം തുടരുമെന്ന് കന്യാസ്ത്രീകള്‍

September 13, 2018

45a479d16df496cfec0a6aae3b71981fകോട്ടയം: ജലന്തര്‍ ബിഷപ്പ് ഫ്രാങ്കോ മുളയ്ക്കലിനെതിരെ സമരം ചെയ്യുന്ന കന്യാസ്ത്രീകള്‍ക്കെതിരെ അന്വേഷണം പ്രഖ്യാപിച്ച് മിഷണറീസ് ഓഫ് ജീസസ് സന്യാസി സഭ. ബിഷപ്പിനെതിരെയും സന്യാസി സഭയുടെ മദര്‍ ജനറലിനുമെതിരെയും ഗൂഢാലോചന നടത്തിയെന്ന് ആരോപിച്ചാണ് അന്വേഷണ. കുറവിലങ്ങാട് നാടുകുന്ന് മഠത്തില്‍ താമസിക്കുന്ന പരാതിക്കാരിയായ കന്യാസ്ത്രീ ഉള്‍പ്പെടെ ആറ് പേര്‍ക്കെതിരെ അന്വേഷണം പ്രഖ്യാപിച്ചിട്ടുണ്ട്. പ്രത്യേക കമ്മീഷനെയും ഇതിനായി നിയോഗിച്ചു.

ബിഷപ്പിനെതിരായ ആരോപണം ബാഹ്യ ശക്തികളുടെ പ്രേരണ മൂലമാണെന്നാണ് ആരോപണം. കന്യാസ്ത്രീകളുടെ സമരത്തിന് ചെലവഴിക്കുന്ന പണത്തിന്റെ ഉറവിടം കണ്ടെത്തണം. കന്യാസ്ത്രീകള്‍ താമസിക്കുന്ന മഠത്തിലെത്തുന്നവരെ നിരീക്ഷിക്കാനും നിര്‍ദേശമുണ്ട്. സന്യാസി സഭയുടെ പിആര്‍ഒ ഇറക്കിയ പത്രക്കുറിപ്പിലാണ് ഇക്കാര്യം വ്യക്തമാക്കിയിരിക്കുന്നത്. ബിഷപ്പിനെതിരെയുള്ള പ്രതിഷേധം ബാഹ്യ ശക്തികളുടെ പ്രേരണ മൂലമെന്നാണ് ആരോപണം. കന്യാസ്ത്രീകളുടെ സമരത്തിന് ചെലവഴിക്കുന്ന പണത്തിന്റെ ഉറവിടം അന്വേഷിക്കണമെന്നാണ് മറ്റൊരു ആവശ്യം. കന്യാസ്ത്രീകള്‍ താമസിക്കുന്ന മഠത്തിലെത്തുന്നവരെ നിരീക്ഷിക്കാനും നിര്‍ദേശം നല്‍കിയിട്ടുണ്ട്.

അതേസമയം കന്യാസ്ത്രീയെ പീഡിപ്പിച്ച കേസില്‍ ജലന്തര്‍ ബിഷപ്പ് ഫ്രാങ്കോ മുളയ്ക്കലിനോട് അടുത്ത ബുധനാഴ്ച ചോദ്യംചെയ്യലിന് ഹാജരാകണമെന്ന് പൊലീസ് അറിയിച്ചു. ഇക്കാര്യം ചൂണ്ടിക്കാട്ടി അന്വേഷണ ഉദ്യോഗസ്ഥനായ വൈക്കം ഡി.വൈ.എസ്.പി: കെ.സുഭാഷ് ബിഷപ്പിന് നോട്ടീസയച്ചു. അതേസമയം പരാതിക്കാരിയായ കന്യാസ്ത്രീയുടെ ഒപ്പമാണ് സര്‍ക്കാരെന്നും ശക്തമായ തെളിവുകളോടെ കുറ്റവാളിയെ അറസ്റ്റ് ചെയ്യാനാണ് നീക്കംമെന്നും മന്ത്രി ഇ.പി.ജയരാജന്‍ പ്രതികരിച്ചു. മുഖംനോക്കാതെ നടപടിയെടുക്കുമെന്ന് ഡി.ജി.പിയും പ്രതികരിച്ചു.

അന്വേഷണപുരോഗതി സംബന്ധിച്ച് നാളെ ഹൈക്കോടതിയില്‍ സത്യവാങ്മൂലം നല്‍കാനിരിക്കെയാണ് ജലന്ധര്‍ ബിഷപ്പ് ഫ്രാങ്കോ മുളയ്ക്കലിനോട് ബുധനാഴ്ച ചോദ്യംചെയ്യലിന് ഹാജരാകണമെന്ന് കാണിച്ച് പൊലീസ് നോട്ടീസ് അയച്ചത്. കോട്ടയത്തുവച്ച് ചോദ്യംചെയ്യലിനുശേഷം മാത്രമായിരിക്കും അറസ്റ്റ് ഉള്‍പ്പടെയുള്ള നടപടികളിലേക്ക് കടക്കുക. സാക്ഷികളുടെയടക്കം മൊഴികളില്‍ വൈരുധ്യമുള്ളതില്‍ വ്യക്ത വരുത്തേണ്ടതുകൊണ്ടും ശാസ്ത്രീയ തെളിവുകളുടെ അഭാവവുമാണ് അന്വേഷണം വൈകിക്കുന്നതെന്നും കൊച്ചിയില്‍ കേസിന്റെ പുരോഗതി വിലയിരുത്തിയ യോഗത്തിനുശേഷം ഐ.ജി. വിജയ് സാക്കറെ പറഞ്ഞു.

കോട്ടയം എസ്.പി ഹരിശങ്കറും അന്വേഷണ ഉദ്യോഗസ്ഥനായ വൈക്കം ഡി.വൈ.എസ്.പി കെ.സുഭാഷും കൊച്ചിയിലെ യോഗത്തില്‍ പങ്കെടുത്തു. അതേസമയം സര്‍ക്കാര്‍ ഇരയുടെ ഒപ്പമാണെന്നും പരാതിയില്‍ കുറ്റമറ്റ അന്വേഷണമാണ് നടക്കുന്നതെന്നും മന്ത്രി ഇ.പി.ജയരാജന്‍ തിരുവനന്തപുരത്ത് പറഞ്ഞു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top